اللهم صلِّ على محمد وآل محمد ﷺ
بسم الله الرحمن الرحيم
__________________________________. ♡
الله اكبر الله اكبر
: الهم صلى على محمد واله محمد
__________________________________. ♡
سجى:فزيت على صوت ارتدام سيارتين سوا احس النفس جلب ببلعومي.وصارت هوسه فجاه وراسي صار نصفين واحس دوخه قويهه براسي.ضليت اباوع على السياره الي نقلبت والناس ملتمه وليث واكف وحاط ايده وره راسه نزلت واني رجليه يطلطكن من الخوف وانتهبت اهلي ماكو.بقيت ادك والطم وابجي واصيح.
سجى:اهليييي اهلللييي ليثثثثثث اهليييي هذولي اهلييييي احجييييي ليثثثث.
ليث:لا لا لاااااااا اهدي مو اهلج مو اهلج اقاربججج اقاربججج.
:-سحبني للسياره واني منهاره ويهدي بيه كعدت واني راسي صاير طبل
ليث:مو اهلج يمعوده اقاربج بيت............
سجى:صدكت كلامه وكال لازم نروح لان الحادث بسيط وللعلم الي اشوفه ابد مو بسيطط
:-وين نروححححح لككك عيب خل نشوفهممم
ليث:لا تحجين مابيهم شي هسه يطلون عارات محد بيهم شي.
:-استغرب من حقارته ليش هيج يحجي على اقاربي. شويه وهديت وصلنا للفندق وحجزنا وصعدنا للطابق الرابع ودخلت للغرفه وشفت وجهي المكياج خربان.وانتبهت على ليث اخذ جهازه وطلع ابد مااهتمين الا بكد الحادث .
كعت وامسح بالمكياج رغم خفيف كلش وفتحت شعري ونزعت البدله وفتحت الجنطه اخذت ملابس ودخلت اسبح .
:-طلعت ومالكيت ليث كلت الحمدلله بس ميته جوع
بس ماكو اكل عزلت الغرفه لان صارت هوسه بـ ملابسي ورحت للچربايه انمطلت وراسي ياذيني مدري شكد مر وقت وفزيت على ليث وهو يصيحلي
ليث:-سجى سجى سجى كومي اكلي.
سجى:انتبهت على ساعه 2:00بليل ما سئلت وين جنت بس وجه ضايج كلش
كعدت اكل وهوه هم كعد اكل شويه وكمت ورجعت على الچربايه وهو اجه نزع كل ملابسه بس شورت بقى وانمطل وضل يحوس واني جامده مكاني هذا شبي؟
:كام طفى الضوة ورجع كعد وشغل جكاره ولزم موبايله الغرفه انترست ريحه جكاير بديت اكح هواي حس على نفسه وكام فتح الشبابيك وكعد على البلكونه يدخن مرت نص ساعه اجه يمي ضل يباوع عليه واني مسويه نفسي بغير عالم مد ايده على زندي شافني مثلجه رفع الغطى اكثر وضل يباوع وراح سد الشبابيك ورجع نام كعدت على مكالمه ليث الي يحجي ومتوتر كلشش ويرجف.
اسينات:بدا يتقرب عليه واني ختمت القران 1000مره بس تعدي سلامات ثواني احسها الف سنه جبل صار عليه مااعرف شسوي غير ادعي وتذكرت بيبي بكل شده صاحت يا علي
:-ياعلي دخيلك ياعلي دخيلك ياعلي .
فجاه وكف ويباوع عليه مصدوم
:-شيعيه؟
؛هزيت راسي بـ اي ضل صافن ويباوع بوجهي المده دقايق ورجعت كعد بالزاويه وكل شويه يشيل راسه ويرجع عم صمت المده نص ساعه
اسينات:شسمك انت؟.
ماجاوب الا وبعد دقايق
اسمي (ياسين).
اسينات:هزيت راسي بـ اي وضلت ارجف برد والجو قالب ثلج وممطر شقته كام واجه عليه.
:-قلبي صار يركص من الخوف وابجي واتوسل بس عوفني.
جاب بطانيه وحطها عليه وطلع بره واصدقاء اول ما طلع بدو يسئلو
:-هااا دبرتهااااا هههههههههه شسوين سوالفففف والك هذا مسطور يمكن راحت بيها البنيه.
ياسين:اششششششششش ينتر بيهم بعصبيه ويغلط ويفشر وخافو من رد فعله ليش هيج عصبي وشكو شصار
::واحد بيهم ضحك وكال .خلاصصصص خلص دورك هسه اني ابلش بيها.
اسينات:سمعت صوت هوسه وضرب وصارت صياح خفت شصار بره وليش تعاركو.
ايفا:بدا بابا يحجيلكم وشلون اسينات طلعت وكلشي صار بالتفاصيل . كام عمي الجبير وينتر ويصيح على بابا
:-شنووووووووو تودييي بنتكككك انت مكرننننننننن مو كلتلككككككك الابنييي اريدها الابنييييي شنو تتصرف بكيفكك
.كام عمامي الباقيه ثنين وبدو بالصياح والسب والشتم وصارت هوسههه قويه كلشششش محمد انضرب هواي وبابا تاذى والاثاث صار طشارر بالارض
(اخفاء بعض المواقف حفاظاً على الخصوصيه). طلعو وهم متحلفين يقتلون اسينات.
طلعت يمامه وترجف ومتعرف شتحجي رحت على محمد ومسحت الدم الي على ايده وجه لان تكامش ويه عمامي ويمامه واكفه على جهه والدمع على خدها وبابا اطلع بره البيت وماما تنوح وتبجي بينتا نكلب للفاتحه .
يمامه:-محمد طلع بعدما ايفا نضفت الدم منه وكمت اعزل بالبيت هواي اثاث تكسر بي وكملت ورجعت للغرفه دخلت غلى ايفا ولكيته تصلي وتبجي.رجعت للاستقبال مسحته واجتي ايفا عيونها مورمه وكله دموع. حضنتها وضلت تبجي لحدما هدت شويه وخليتها على الغنفه ورحت جبت لها مي ولكيته غافيه رجعت المي ورحت للغرفه بس استوقفني صوت
:ايفا ايفا
سجى:انتهى ليث من المكالمه وجه عليه وضل ميعرف شيحجي.
:-شكو شبيك؟ليش ترجف ويه منو تحجي؟
ليث:لا ولا شي محد نامي نامي راح اجيب ريوك واجي
:-طلع بره الغرفه وضعه مو تمام حسيت صاير شي لا لا لا مو طبيعي الرجال.اكيد اكو شي.هسه يرجع واعرف شكووو ماعندي موبايل انتصل على اهلي وماعندي شي اكيد انتصل ولا حافظه رقم احد. كمت غيرت ملابسي وقلبي قالقني شكوو.
:-رجعت ليث وجايب ريوك واحجي وياه ويجاهلني ولا عبالك احجي وياه لحد ما بديت اعيط عليه
سجى:شكووووووو ليثثثث احجيييي.شكووووووو
ليث: اخوج الصغير توفى بحادث البارحه.
________________________________،. ♕
شنو تتوقعون متحمسين للجزء 5 بي احداث هوايييي وحماسس كتبولي توقعاتكم؟!!
مع السلامه ✨🤎.
