عَهـدُ ألانتِقام " الثـأر "

part 3 || حادِثة

؛: بِسم الله وَعلى بركة الله
؛: بِقلمي: إيناس التميمي
؛: تصويت للقصة
؛: وتعاليقكم الحلوة بين الفقرات حتى القصة مَتنحضر قدروا تعبي دأتعب وأكتب وماكو تفاعل
؛: متابعة للحساب نَجماتـي
؛: ويلا نبدأ بقُصتنا الخُرافية
؛: قِرائة مُمتعة

...........................................

ألاهل ملجأ ألامان
أين ملجأي؟
.........................

كُنت دأمشي بسُرعة كُلش عادية فجأة أنصدمت سيارتي بـ سيارة همر من هذني الكبار...
حاولت بكُل ما أگدر أوقف السيارة بس يمكن البريك مالتها عطل ومَحسيت بروحي غير بالمُستشفى مالتنا، فتحت عيوني أباوع منا ومنا وشفت أهلي كلهم واگفين فوگ راسي والدكتور عَزيز هم واگف، أنصدمت من شفتهم وسألت....

سيلين: شكو شصاير وليش أني بالمُستشفى؟

عَزيز: سويتي حادث وجبناچ للمُستشفى

سيلين: حادث شنو ويا من؟

عَزيز: أني وياچ سوينة حادث بس مو أني الي كُنت أسوق الشوفير مالتي وخطية وهو هم بالغُرفة البصفچ

سيلين: مادري مدأتذكر شيء أبداً بس أتذكر من حاولت أوقف السيارة وماوقفت وبس لـ هنا؟

عَزيز: خلص مو مهم الي صار أهم شيء أنتِ بخير

؛ مافكرت بالموضوع بعد وغلست، چان راسي مشدود لأن من سويت الحادث أنظرب راسي بالستيرن وتأذة فـ لهذا هو مشدود، مَرت ألايام ؏ خير والدكتور عَزيز أنطاني إجازة أسبوع حتى أرتاح بس أني رفضت وشگد حاولت أقنع أهلي أنو أداوم بس محد بيهم أقتنع ولحو علية أبقى بالبيت وأني مَحبيت أكسر كلامهم وبقيت، بعد أسبوع أتحسنت صحتي وگدرت أروح للدوام بس قبل ما أطلع من البيت شفت سيف محظر الجنطة مالتة وگاعد بالصالة ركضت علية وحضنتة..

سيلين: سيف ليش گاعد هنا وليش بيدك الجنطة وين رايح؟

سيف: راح أسافر لـ لُندن

؛ بمُجرد ما حچة هيچ دمعن عيوني لأن ما مصدگة سيف حيروح ويعوفنة

سيلين: صدگ والله؟

سيف: أي والنبي، راح أشتاقلكم هواي

؛ حُضنا بعض وأني أبچي وهو يبچي، كُلش صعب فُراق ألاهل وخصوصاً أخوية أعز الناس ؏ قلبي مامُمكن أتخيل نفسي بدونة صحيح أني ألاخت الكبيرة بس ما أسوي شيء إذا ما أستشيرة، بعد حُضن طويل أبتعد عني يمسح بدموعة

سيف: يلا كافي بچي وحضن لازم أروح

سيلين: زين ؏ ألاقل ودع أهلي قبل ماتروح

سيف: تمام روحي گعديهم

؛ رحت حتى أگعد أهلي گعدتهم ونزلو وطبعاً الكُل حضن سيف وگعد يبچي وأني وياهم ؏ الواهس، المُهم خلصت هاي الدراما ودعنا وراح وأبوي وصلة للمطار وأني ردت أروح بسيارتي بس تذكرت أنو هي يم المُصلح فـ أبوي أخذنا أني وأختي كُل وحدة لدوامها، ومَرت بقية ألايام ؏ خير وبيوم جُمعة أجت عمتي علينة وقررت تبقى يمنة لأن باعت الشقة مالتها وطبعاً أحنة كُلش ضجنا بس شنسوي مجبورين نتحملها لأن عمتنا، أمي سوت غدة وأكنا وكملنا وهاي أول مرة عمتي يعجبها ألاكل وگالت...