ندم الحريه

بارت السابع

أنا لا أخاف من الموت، أنا أخاف أن يزول حقدي مع مرور الوقت

ان لم يكن هناك جحيم ساصنع لك واحدا

‏سنلعب كما يلعبون وبحجم الالم سيكون الانتقام.

-ندم الحريه-

هيليان: 

دخلت ماما صيح نطيني كلينس اخوج جرح رجله بسرعه بسرعه شبيج صافنه؟  اخذت لكلينس وراحت تركض للديوانيه رحت رواهه بدون ماافهم شكو.
لكيت اخوي رسول جارح رجله بنشرات مال الدرج حديد وانجرح بيهن همه يمسحون بدم واني اباوع على الدم فاصله كل الي افكر بيه ليش اني هيج يصير بيه؟ وين يلا صحتني كلمه بابا.

وليد: يلا مع سلامه.

خالد:  مااضلون الله عليكم؟
سهام:  والله لو ضالين نحالكم مستعجلين.
وليد:  لا عندي خط ماكدر ملتزم.

زينب:  يلا مع السلامه.

سهام:  الله وياج حبيبتي.

هيليان:  طلعت وياهم وطول الطريق اني ماحجيت مادري احس طفت الدنيا بعيوني كرهت كلشي بيها.

- ساعه وصلنا الرمادي.

نزلت تعبانه دخلت البيت بعدني ماامبدله عاطت ماما خلصي البيت وصخ صاير امسحي.

-بدلت لبست دشداشه حمره ورفعتها خليتها قصيره ونص ردن وشلت من شعري  .
جبت سطل وماسحه وكعدت امسح البيت وصلت الكراج طلعت ارش المي.

باوعت على بيته ماجانت موجوده سيارته يعني ماموجود. دخلت امسح عرق بوجهي بتعب صاحت امي.

زينب:  هيليان كملتي؟ فوتي غسلي الملابس راح اسوي غده اني.

هيليان:  باوعتلها واستغفرت ربي دخلت الحمام اغسل بالملابس كملت طلعت
بالممشى مال البيت انفض الملابس واشر
جنت تعبانه مامنتبه ورافعه دشداشتي.
نفضت دشداشه بابا وتااشرها على المشره باوعت
خيال اسود جمدت بس لا لبالي اموت لا والله كافي فشلات هيليان يالله باوعت وراي شفته واكف على درج بيت ام عمر لطابق الثاني ويدخن ويباوعلي

هيليان:  اجت عيني بعينه حتى نسيت اني رافعه دشداشتي توترت بقيت مفهيه ارفع بيدي على عيوني حتى اشوفه زين لان شمس بعيوني.

وهَم:  شلونج؟

هيليان: شو متستحي؟
وهَم:  عفواً؟

هيليان: اوي شنو عفواً عود مثقف سوالف مثقفين متمشي يمي كلتها مستهزئه وخرت شعري وتخوصرت معصبه انتَ شو متستحي متكول بنيه تشتغل عيب اباوع لو متكدر ابو بنات.
جنت منفعله اسولف.

وهَم:  خوش اليستحي يرفع دشداشته ويحجي.
هيليان:  جتني لحضه ادراك باوعت على دشداشتي كبل نزلتها كتله اي واذا هاي طرق للشغل نسوان شمعرفك انتَ واصلا اني اشتغل جنت انت طلعت بوجهي تباوع متستحي انتَ.