الرماح " الحقد الدفين "

الحقد 12 🦉

البارت الثاني عشر من قصة
الرماح " الحقد الدفين "
بقلمي انا شيرازا جبر
لاتنسون التصويت والتعليق ؏ الفقرات
(بًسِـمً أّلَلَهّ أّلَرحًمًنِ أّلَرحًيِّمً)
~~~~~~~~~~~~~~~~~~~~~~~

:- وصلت الامانة مالتك شسوي بيها؟

:- شسوي بيها مثلاً  ،  اخذها الك حلالك بس اول شي اريده منك تسوي الها تعذبها اتشوفها انجوم الظهر

:- هاي سهلة مو صعبة علي  ،  بعد ما اعذبها اكتلها واشمرها جثة  لڪليم؟؟

:- شڪد شفت مطاية بس مثلك نهائياً ما شفت

:- ليش زعيم؟

:- لك ابني افتهم عذبها اغتصبها خليها تتمنى الموت وما تلاڪي هذه القصده مو تكتلها بساع وتشمرها لخوها

:- هاا افتهمتك افتهمتك

:- كره عيني بيك  بس ڪون ما تفضحنه

:- لا زعيم شلون افضحك صدك جذب افضح روحي اي بس أنتَ لا

:- دروح وشوفني شراح تسوي صور وادز الهم 

:- صار زعيم

~~~~~~~~~~~~~~~~~~٠~~

دخلت للبيت اني وماما واشوف أسرافيل كاعد بالڪاع مخلي راسة بين رجلي وبس يناشغ !!!  عاطت بي ماما

آمجاد :- لك انت ما تستحي شلون تدخل بيت مابي غير الحريم

رفع راسة واعيونه حمر ادموعه تنزل عشره عشره

أسرافيل :- سجية خطفوها

هوه كالها بشڪل متقطع عطت بي وامي ما افتهمت اي شي منه اتقربنا عليه ڪعدت مقابيلة ورفع وجها بثنين ايديها واهدي بي اريد اعرف منه شصاير

أثيلة :- أهدي شوي صلي ؏ محمد وڪلي شصاير سجية شبيها ؟؟ متعارك وياها؟؟  سجية تعالي ليش مزعلة أسرافيل سجيةةةةةةة

وخر وجهه من بين ايديه وعاط بأعلى صوتة

أسرافيل :- ؏ مننووو تعيطيننن أثيلةةةة ؏ منوووو لجججج سجيةةة خطفوهاااا خطفوهااا شوفي الورقة العايفينها هنااا كاتبين لو تفر العراق فر مراح تلڪاها اخذوهااا منييييي اخذووو حب حياتيييي منيييي

النفس ماڪدرت اخذه ضل جسمي ڪله يرجف واريد احجي حجاية ماكو ثڪل الساني لزمت الورقة وقريتها ضليت ارجف و ما سيطرت ؏ ادموعي ماما  من الهبطه ڪعدت بالڪاع ولطمت ؏ رجليها

أثيلة :- لاااا لاااا جذببب والله جذببب مقلبب أنت الي دتسوي ويانا مقلب لتصدڪين بي مامااا والله سجية مابيها شي تلكاها نايمه جوه والله نايمه سجيةةةة سجيةةةةةةة تعالي اطلعي

مثل المخبلة دخلت لغرفتها ونكتتها نكت لا فراش ولا كنتور عفت ماصدكت اختي تنخطف منو اله مصلحه يخطفها منو يتجرأ يخطف بنت حجي غازي منووو
انهاريت كلش ڪسرت المزهريات كلهن وطلعت ل أسرافيل