"يا مالكٍ قلبي ترا القلب يغليك"

"الصباح الاولى"

صباح الجمعه "
الساعه ٧:٠٠ صحى الجد فهيد اتجه لغرفة احفاده يصيحهم
دخل عليهم نطق : قومو الصلاه والله لو ارجع لقى احد فيكم نايم م يعين خير
صحو العيال مفجوعين من صياح جدهم
نطق عبدالعزيز: ياجدي ماله داعي صياح ٠"
الجد :تقدم بالعصا نقزو العيال كلهم يركضون برا

عند البنات :
الجده دخلت عليهم :
نوف يابنتي اصحي
مهاوي اسلوي قوموا معي نسوي الفطور جدكم قام

نطقت اسيل : جده خلينا ننام خمس دقايق م نمنا زين شوفي مها كيف نايمه وتعبانه
الجده: اي وش لي خلكن تسهرن قومي انتي وياه جدكم عصب الفطور ماجاه
نوف: ابشري
قامت اسيل طلعت تغسل وجها وتتوضى تصلي الفجر بعدها راحت مع جدتها تتجهز الفطور

عند الامهات :
مجتمعات بالخيمه يتقهوون يسولفون دخلت عليهم الجده
رحبو فيها ونطقت : والله البنات ذبحن السهر
نطقت فاطمه : بتجي الاختبارات تعدل نومهم الا وشرايكم نروح نمشي بالمزرعه على م يخلص الفطور
راحو يتمشون

عند البنات :
اسيل : شرايك مها اليوم العصر نجتمع عند حنين والبنات قبل الاختبارات النهائيه
مها: تم عاد مشتاقه لهم مره
اسيل: البيض احترققق اوف !!
نوف: من رفلتكم اختفيت ساعه رجعت حايسين الدنيا
مها : مو طبيعي اصبري بتصل على عبدالعزيز يجيب لنا فطور جاهز مره تعبانه مالي خلق نطبخ امشي نطلع في الحوش
اسيل : جده وش نقول لها؟
مها : عادي بنحطه بصحون كاننا مسوينه ههههههه
اسيل : يجي منك غمزت لها وطلعوا في الحوش يمشون
مها: دقت على اخوها عبدالعزيز عزوز البيض احترق ولا لنا خلق نرجع نطبخ شرايكم تجيب لنا فطور جاهز جده لاتشوفك
عبدالعزيز: ورا م تطبخون جدتي م تحب المطاعم
نوف: حبيبي عمتك جب لان ميتين تعب
مها : تكفى عزوز تعرف امس سهرنا بعدين جدتي مارح تدري بنحط بصحون يلا عزوز بليز
عبدالعزيز: يلا يصير خير
سكرت مها وانبسطو هي واسيل رحوا يشوفون الخيل

جاء الفطور افطروا قام الجد نطق : يلا يعيال تجهزوا نروح نصلي
ردو العيال كلهم ابشر .
-

تجمعوا عيال فهيد :
متعب : الا مو ناوين نطلع البر قبل تبدا اختبارات البنات يغيرون جو يابوي ؟
ابو متعب: ابد العصر كلنا جاهزين
عبدرحمن: اي والله عاد مع ذا الجوء خلهم يغيرون جوء مساكين ماطلعو من البيت لهم اسبوع
فهد : بس ريما م تحب طلعات البر بجلس معها انتو رحوا
متعب : بنتك مدلعه خلها ماهي ضايعه بديرة اهلها تعال غير جو يابو نواف
فهد: هجل بكلم العيال يتجهزون
-
الجد فهيد دخل على الجده :
يامنيره ترا العصر كلنا بنروح البر نجلس يوم عطي الحريم خبر يتجهزون العصر بنمشي
الجده : ابد ابشر
الجد : تبشرين بالجنه

اتجهت الجده الحريم والبنات : يبنياتي ترا جدكم يقول بنطلع البر العصر كلنا جاهزين
صاحو البنات من الوناسه اخيييراً ركضو يجهزون اغراضهم
فاطمه: هجل خلوني اروح اجهز القهوه لطريق
تهاني : يلا بروح اجهز اغراضكم
-
عند العيال :
عبدالعزيز : ترا جدي يقول اليوم العصر بنطلع البر تجهزو
نواف : يسلام منزمان عن تطعيس وعن شبت النار والقصايد
مهند : انا بجلس بالبيبت
عبدالعزيز: انت تبي جدي يعصب؟ تعرفه م يحب احد يجلس امش اترك المشاكل
مهند : طيب

-
عند ابو نواف
فهد : يابنتي ابوي يبينا كلنا امشي معنا غير جو اتركي جلسة البيت
ريما : اوف بابا انت تعرف اني م احب البنات ولا احب جوهم عجبتني جلسة البيت م ابغى اروح
فهد : بتجين غصب عنك عطيتك وجه بزياده هذا ابوي م ينرفض له طلب فاهمهه
ريما: اوف منكم من الجد ذا ! مابي
فهد : اول مره يعصب كذا عطاها كف بدون قصد انتي م تفهمين هذا ابوي وش الكلام ذا
وش لي اوف تقولينها لبوك انا م ربيتك قسم بايات الله انك اول راكبين روحي تجهزي بسرعه بعد ساعه بنمشي فاهمه!!
انخرشت ريما من عصبية ابوها اتجههت تجهز شنطتها بدون تتكلم