"يا مالكٍ قلبي ترا القلب يغليك"

البارت السابع

عبدالعزيز لي كان عند نواف -

نواف : عسى م شر شفيه وجهك
عبدالعزيز: ابوي يبي زواجنا بعد خمس ايام البنت م تبيني
نواف: جدي م خلى احد م زوجه الله يهديه
عبدالعزيز: الحين يبينا نخطبها الملكه كلها مع بعض !
نواف: معليه باذان الله يعدي على خير انت ارتاح الحين روق وبكره يصير خير

عبدالعزير كان يفكر وسرحان صح يحبها لكن م يبي يتزوج وحده م تحبه ولا تبيه كيف بيصبر وكيف بيخلها تحبه وهو عصبي ولا يحب الصبر
نواف: تعال يولد واترك تفكير امش اشرب شاهي
جلسوا يسولفون ويفضفضون وخذتهم السوالف لين ١١ ليل

عند البنات:
اسيل قامت من نومها طفشانه نزلت لبوها وامها
ابوها: ياهل والله صح نوم
اسيل : صح بدنك ليه م صحيتوني العشاء
ابوها: ابد شفناك تعبانه خليناك
ام اسيل: عسى انك مروقه بس؟
اسيل: في قمت روقان انا خريجه وجلست تضحك
ام اسيل: عساها دايمه يارب وش بيصير على الجامعه قدمتي؟
اسيل: ماما بليز خلوني انبسط الحين بعدين بقدم
ابو اسيل: ابد خذي راحتك م ودك تسوين لنا شاهي؟
اسيل : من عيوني 
راحت اسيل تسوي لهم شاهي

ابو اسيل: اسمعي ياافاطمه البنت بنفتح معها الموضوع الحين ولا كلمه تنقال
ام اسيل لي فقدت الامل معهم : الله يهديهكم بس
ابو اسيل : البنت كبرت وبعدين الولد ولد عمها ولا هو مانعها من الجامعه
سمعت اسيل كلامهم طاح شاهي من يدها
ابو اسيل: بسم الله شفيك
اسيل لي دموعها سبقت كلامها بعبرتها قالت : مين ايش !
ابو اسيل: اسمعي يابنتي وانا كلامي م ينكسر جدك عطنا كلمه ولا نقدر نرجعها انتي وعبدال قاطعت كلامه اسيل: والله ماخذذذه والله م اتزوج مابيييه يابوي تكفى تكفى لاتفرط فيني تكفى يابوي توني صغيره
ابو اسيل: اول شي انا عطيتك واحد اثق فيه وعارف علومه ورجال ولد رجال المهر بيجي بكره خطبتكم وملكتكم بكره كلامي خلص بلا دلع قدك كبيره وحرمه
ام اسيل: يابنتي عبدالعزيز والله انه رجال ويستاهلك ولا وافقت الا اني عارفته رجال
اسيل طلعت منهاره متجهه البيت مها
دخلت اسيل على بيت عمها -
عمها: ياهل ويمرحبا باسيل
اسيل: عمي وين مها ؟
عمها: فوق في غرفتها شفيك تبكين؟
اسيل : مافي شي طلعت فوق لغرفة مها وهي منهاره
دخلت عليها مهااا قوميييي
مها صحت منفجعه : بسم الله قامت القيامه شفيك! وش صياح ذا
اسيل جلست تصيح عندها تقول : زوجونييي اخوك زوجوني شخص م احبه شخص اكرهه بكره ملكتنا مها تكفين سوي شي ! تصرفي خلي اخوك يرفض جدي جدي مستحيل يرفض
مها:  ليه م تبين عبدالعزيز ؟ انتي تعرفين انه يحبك من كنتوا صغار
اسيل: مها! مو غصب اتزوجه بعدين ريما رييما شفتها تحضنها ويحضنها قدامي وقدام عيوني وفوفقها عطاها فروته هل ذا شخص يحبني؟
مها: انتي م تعرفين حركات ريما؟
اسيل : سكتت كملت تبكي
مها: خلاص بنحاول ولا يهمك
-
عبدالعزيز لي كان يتسمع بكل كلمه قالتها وسمعها تبكي انها م تبي انحرق قلبه
راح لغرفته ضايق خاطره