صُدْفَة العُمْر

الفصل الأول: صُحبة

قل لو كان البحر مدادا لكلمات ربي لنفذ البحر قبل أن تنفذ كلمات ربي و لو جئنا بمثله مددا • قل إنما أنا بشر مثلكم يوحى إلى إنما إلـٰهكم إلـٰه واحد فمن كان يرجواْ لقاء ربه فليعمل عملا صـٰلحا و لا يشرك بعبادة ربه أحدا
        « صدق الله العظيم»
تلك الآيات من سورة الكهف بصوت الشيخ عبد الباسط عبد الصمد
التي صدحت من خلال هاتف تلك الفتاة صاحبة الواحد و عشرون عاماً أثناء قيامها بتنظيف و ترتيب غرفتها في ذلك السكن الجامعي المُكون من ثلاثة غرف بسريرين  الذي قامت باستئجاره مع صديقاتها ليكون قريبا لمقر كلياتهن بجامعة المنصورة
تلك الأصوات سواء للقرآن أو الترتيب  اضطرت صديقتها للنهوض من نومها أثناء الأجازة فأتت صديقتها و هي ترفع صوتها:  في ايه يا ست "مونَّانا" عاوزين ننام يعني هو لازم تنفضي الأوضة و تنضفيها يوم الأجازة عاوزة أنام يا ولية
ردت عليها تلك المدعوة "مونَّانا" ببرود: براحتي يا "أوسا" عاوزة أنضف اقفلي ودنك و بعدين أنا صاحية من بدري اصحو انتو كمان م كفاية نوم يختي منك ليها و بعدين أنا و "آيو" صاحيين من بدري بننضف اوضتنا و هي نزلت تجيب فطار قومي يختي اتلحلحي كده و نضفي أوضتك و صحِّي الأخت مارلين مونرو اللي جوا دي؛ تقعد طول الليل تبعت ريلز ع الانستا أو تكلم الاستاذ بتاعها ده و نايمة طول النهار بقولكو ايه ي عيال و الله اللي م هتصحي ل آجي ادلق عليها ميا ساقعة قومو ي شوية عيال ده انتو اللي دخلكو مدارس ظلمكو
ردت عليها صديقتها بحنق:  مابراحة ي أخت "إيمان" في ايه هو انتِ اتفتحتي ف الواحد ع الصبح و بعدين هو علشان حتت يوم صحيتي فيه بدري هتذلينا ولا ايه 
دخلت إلى غرفتها و تركت "إيمان" تفكر في طريقة لإيقاظهن كلهن بطريقة سريعة
فكرت و فكرت و توصلت إلي أن تقف في منتصف صالة ذلك السكن و ترفع صوتها:  قومو ي عيال الهكسوس احتلوا مصر
تفاجئت بخروج صديقتها الباردة كما تلقبها و هي تقول: بت ي إيمان والله لو م وطتيتي صوتك شوفي هعمل فيكِ ايه عاوزين ننام ي أوختي
ردت إيمان ببرود مماثل: بقولك ي دودَّا ي حبيبتي متعليش صوتك عليا ده أولا و ثانيا بصحيكو علشان تفطروا غلطانة أنا
ردت صديقتها ببرود شديد: أولا اسمي الباشمهندسة خلود و ثانيا مين قال لك إن أنا عاوزة أفطر
ردت إيمان بهدوء:  طيب يا باشمهندسة خلود أنا غلطانة روحي اتخمدي و أنا غلطانة إني بصحيكِ و افتكريها هاا
تفاجئن بخروج صديقتهن الأوزعة كما يلقبونها: انتِ بتتكلمي بجد يا "مونَّانا ولا بتهزري
ردت إيمان باستغراب:  بجد ايه و بهزر ايه مش فاهمة
ردت تلك القصيرة المدعوة براءة بجدية: 

_ بجد الهكسوس احتلوا مصر؟

كتمت خلود و إيمان ضحكاتهن رغما عنهن و ردت إيمان بسخرية: اه ي براءة احتلوا مصر و انتِ نايمة بت انت انت بتعملي إيه طول الليل ها بتشربي ايه من ورانا
ردت براءة بغباء:  بعمل ايه طول الليل نايمة أما بشرب ايه من وراكو ف أنا بشرب عصير قصب علشان انتو مش بتحبوه بجد يا خلود مش عارفه هو في بني ادم مش بيحب عصير القصب ده انتو ناس غريبة
ردت "خلود" بضحك: احنا فعلا ناس غريبة روحي ي" براءة" ربنا يسترك ده انتِ اللي دخلك تمريض ظلمك هتمَوتي الناس مش هتريحيهم
ردت" براءة" ببراءة: م أنا هيريحهم ي أختي راحة أبدية
ضحكن سويا بشدة و لكن تقريبا أصوات ضحكهن أيقظت مارلين مونرو كما يلقبونها
إيمان ببسمة كبيرة على وجهها: صحي النوم ي كتكوتة معلش أزعجناكِ ي منمن
منى بسخط:  يعني ي "مونانتي"  حتى يوم الأجازة مش سايباني أنام فيه والله حرام
خلود بتمثيل الحزن: دي بت جبارة ي منمن معلش والله صَحَّتنا كلنا
أسماء بملل: اه والله و كمان بتقول هنفطر فين الفطار ده هاا فين
براءة بلامبالاة:  عندكو حق يا بناويت هي و آيو" رخمين و بيصحونا من النجمة
ردت تلك المدعوة "آيو" و هي تغلق الباب لتوها: مين بيجيب في سيرتشي؟
إيمان: تعالي يا "آيو" ي حبيبتي احضرينا بقا احنا صاحيين من بدري و كمان تعبانيين و في الآخر دول يتريقوا علينا و الله مليش غيرك في البيت دَهُوَّن
ردت "آيو":  اللي هيضايق "مونانتي"  فيكو هيزعل و هنفطر أنا و هي و مش هنفطركو هاا يلا بقا
ردت أسماء بسرعة: والله معلش أنا آسفة ليكِ و ليها يلا نفطر هموت م الجوع
ردت منى بسخرية: بت مفجوعة همها ع كرشها و كل ده بيروح فين معرفش
إيمان: عندك حق والله ي منى كلهم بياكلو و مبيبانش عليهم اي ده مش عارفه
مني: معلش ي روحي متزعليش نفسك هما أصلا صُفر و بياكلو ف نفسهم
إيمان: اه ي مني فعلا ماعدا ياسمينتي أصلا دي تعمل اللي هي عاوزاه
ياسمين قامت بمعانقة صديقتها بحب: انتِ اللي فيهم ي حبيبة عيوني
قلبت خلود عيونها بملل:  هنخلص من جو العشق المفقوع ده امتا خلونا ناكل براءة جهزت السفرة اهي خلونا ناكل
جلسن سويا علي الطاولة التي يلتف حولها ست كراسي و هن يضحكن سويا غير عابئين بمتاعب حياتهن فمتاعبهن تنتهي بمجرد دخول أيا منهن من باب تلك الشقة
♡Monnana Abd Elsadek Elziny