"مجانين عالبحر! "

اول لقاء..

بعد ذهابهم للمطعم رجعوا للشاليه تاني جويريه: طب ايه الشاليه مترب و شبه الزريبه و عايزين نحط هدومنا في الدولاب نعمل ايه؟
جنى: هنعمل ايه يعني اكيد هنضف
جودي: حلو وانا هروح اجيب الصب
جويرية: وانا و جنى هنجيب ادوات التنظيف يلا انتشرو
و بعد ساعه كانت الفتيات تنظف و هن يغنون مع الاغنيه و قالت جويرية: شوفت الفار السندق الي اكل البندق فوق سطح الفندق
جودي و جنى في نفس الوقت: سطح الفندق؟

جويرية: شوفت القطه الناو
جنى و جودي: ناو
جويرية: اكلت الفار السندق الي اكل البندق فوق سطح الفندق
جنى و جودي: سطح الفندق
جويرية: شوفت الكلب الهاو
جنى و جودي: هاو
جويرية: عض القطه الناو
جنى و جودى: ناو
ضحكن كلهن على جنانهن و بعدما انتهوا من التنظيف جلسوا على الاريكه بارهاق و قالت جويرية: مين هيخش يستحمى الاول؟

جنى: انا اول واحده
جودي: وانا بعديها
جويرية: حلو وانا الاخيره وعلى ما اكون طلعت تكونو جهزتوا القعده اشطا؟
جودي و جنى: اشطات
و بعد فتره كانت الفتيات جالسات على الاريكه و كانوا يضمون بعضهم من الخوف جنى: يا ماما ايه دهه جودي: انا غلطانه هو في حد بكامل قواه العقليه يروح يتفرج على saw و هو بيخاف من خيالهههه

جويرية: ما تقولي لنفسك جاتك القرف في اختياراتك
جودي: ماهي اختياراتي مدمره حياتييي
جنى: اقلبي بس الفيلم و هاتي كرتون
جودي: انا بقول كده برضو
و عند الشباب كانوا جالسين يتبادلون اطراف الحديث و فجاه رن جرس الباب استقام زياد ليفتح الباب و كان هذا اخوه يزن زياد بتعجب: يزن؟ انت جيت هنا ازاى؟

يزن: هنون بتقولك اننا جينا الشاليه لو كنت محتاج حاجه
زياد: طب امشي
يزن: انت بتتروضني طب و ابنك الي في بطني
زياد و هو يغلق الباب: امشي يلا
و ذهب الى الداخل اياد: مين الي كان بره
زياد بعدم اهتمام: ده يزن
بدر: يزن؟ يزن مين
زياد: اخويا هو احنا نعرف يزن غيره؟

اياد: وهو جه ازاي ده؟
زياد: اهلي كلهم جم اصلا
(ملحوظه: الشباب في الشاليه بتاع اياد و اهل زياد في الشاليه بتاعهم)
و عند الفتيات كان قد انتهى الفيلم و ذهبوا للنوم
اليوم التالي..........

استيقظت جويرية و نظرت الي الساعه و كانت الساعه الثامنه صباحًا و ايقظت الفتيات ادو فرضهم و غيروا ملابسهن و ارتدوا ملابس اخرى او المايوهات
(مش بيكيني متقلقوش😂)
و ذهبوا الى المسبح و عند الشباب كانوا سيذهبو هم ايضا الى المسبح و ما ان فتحوا الباب فتح الباب الذي بجانبهم و كان هذا فهد بدر: ازيك يا فهد
فهد: ازيكو و حلو انكو نازلين عشان مكنتش عايز انزل لوحدي

و ذهبوا مع بعض و عند الفتيات كانوا يرشون الماء على بعضهم و كانت ترجع جويرية للخلف و اصتدمت باحد و التفتت الاعتذار منه و كان من اصتدمت به هو فهد جويرية بالانجليزيه: انا آسفه ارجو ان تقبل اعتذاري
فهد: وانا ايضا اسف لكنني استطيع الكلام بالعربيه ايضا
جويرية: طيب سلام انا بقى
و خرجت من الماء و جلست عند شمسيتها و كانت تلعب لعبتها المفضله(ببجي) و كان فهد قد خرج هو الاخر و كان يلعب هو ايضا بعد فتره انتهت باقه جويرية و كانت جويرية تستمع لصوت الاسلحه و كانت متردده هل تساله ام لا

لكنها حسمت امرها و ذهبت له و قالت: ازيك؟
فهد: انا؟
جويرية: ايوا انت
اغلق فهد الهاتف و اعتدل في جلسته وقال: انا عملت حاجه ولا ايه
جويرية: لا والله بس كنت عايزه اسالك عن حاجه
فهد: اتفضلي
جويرية: هو النت الي بتلعب عليه راوتر ولا باقه
فهد: لا ده راوتر الباقه هتخلص بسرعه
جويرية: طب انت جايبو من هنا؟

فهد: اه لو عايزه ممكن اقولك المكان
جويرية: طيب ممكن نلعب مع بعض
فهد: اكيد انا فهد و عندي 18 سنه
جويرية: طيب وانا جويرية و عندي 20 سنه يعني انا اكبر منك
و بعدها اعطته جويرية رقمها و رقم ال ID الخاص بها ليلعبوا و بعد فتره صعدوا جميعهم ليرتاحوا قليلا في المساء كانت جويرية تتمشى مع خطيبها مازن جويرية بحماس: مازن مازن تعالى نتمشى على البحر
مازن: يلا
و بالفعل ذهبوا للبحر و لكن حدث ما لم يكن في الحسبان و وجدوا امامهم ثلاثه شباب لكن لم يكونوا في
وعيهم و قال احدهم: اوووه بصو لقيت ايه
قال الاخر: ايه لقيت ايه
الاول: لقيت بت بس ايه عود بطل

امسكت جويرية في مازن بقلق مازن بقلق حاول اخفائه: انتو مجانين ازاي تعاكسوها
اخرج احدهم سكين صغير او ما يسمى(بالمطوه)
و قال: طب ايه رايك اننا هناخدها و غصب عنك
و كان سيجرحه اما مازن ف ركض باقصى سرعته و ترك تلك المسكينه واقفه لتواجه مصيرها
الرجل: ايه ده ده طلع جبان و سابك و مشي
جويرية بقلق: ابعدوا عني

اما الاثنين قد ظلو يقتربون منها و هي ترجع الى الخلف اما على الناحيه الاخرى كان زياد يتمشى هو الاخر و رأى ثلاث شباب مجتمعون و راى في منتصفهم فتاه و كانت تلك الفتاه تبكي ركض ناحيتهم بسرعه و قبل ان يمسها احد كان زياد اخذها ورائه الرجل: لا لا احنا الي لقيناها الاول
زياد: لقيتوها الاول ايه هي ازازه سبيرو سباتس
الرجل: لا مزه يا روح امك
و شهقت جويرية بصدمه بعد ان جرحه الرجل بالسكين الذي معه في ذراعه امسك زياد ذراعه بالم و كان سياخذ الرجل جويرية لكنهم سمعوا صافره الشرطه و هربوا

جويرية: دراعك بينزف
زياد: لا عادي مش مهم
جويرية: لا مهم تعالى عشان اطهرهولك
زياد: والله ما في حاجه
جويرية: يلا و كفايه دلع
زياد: هو انتي اتحولتي ولا ايه مانتي كنتي شبه الكتكوت المبلول من ثانيتين بالظبط
جويرية: بص ماهو انا هطهرهولك يعني هطهرهولك لان انا السبب
و بالفعل اخذته جويرية لصيدليه قريبه و طهرت جرحه و عاد كل منهما للشاليه الخاص بهما و الي بالصدفه كانا بجانب بعضهم البعض

دخلت جويرية الشاليه و قالت جودي: غريبه ليه مازن رجع قبلك
حكت لهن جويرية كل ما حصل جنى: اه يابن الندله
جويرية: انا تعبانه و مش عايزه اتكلم عنه
جنى: طب خشي ارتاحي
و بالفعل دخلت جويرية و اخذت حماما دافئا و جلست على السرير و فتحت هاتفها و تلقت رساله من رقم مجهول

و كان محتوى الرساله:«اهلا يا جويرية انا فهد الي كنا اتكلمنا الصبح انا بس كنت عايز اطلب منك طلب لو مفيهاش ازعاج»
ردت عليه جويرية:«لا مفيش ازعاج اطلب»
وصلتها رساله اخرى و كان محتواها:«انا بس كنت عايز شويه فلفل عشان مفيش في السوبر ماركت لو انتي عايزه»
جويرية:«اكيد انا هنزل اديهولك»
فهد:«شكرا»
وبالفعل نزلت جويرية و معها الفلفل و التقت مع فهد واعطته الفلفل و ذهبت للشاليه.....

..................................

اسفه على التاخير كله بسبب الواتباد ماعلينا متنسوش الفوت و
Follow me🎀✨
مَجَانِينْ عَالبَحّرِ!
بقلم: Mona&Amira✨