وقعت في حب الملياردير المغرور

نهايه سعيده ❤

فريده وهي بتحفر تعبت وراحت تشوف رأفت يساعدها وقتها المساعد كان بلغ البوليس زي ما امير قاله وفعلا البوليس وصل بس فريده لاحظت بخركتهم وهربت واللي اتمسك رأفت وامير وآيسل اتاخدو على المستشفى

                          تاني يوم

آيسل فاقت من النوم وصحيت

آيسل: انا فين

مريم: انتي في المستشفى يا حبيبتي

آيسل افتكرت اللي حصل: امير فين امير هو كويس مش كده

مريم بتوتر: بصراحه يا آيسل امير قي العنايه المركزه الخبطه اللي اتخبطها كانت جامده ودخل في غيبوبه والدكتور مش عارف هيصحى امتى

آيسل ببكاء: يعني اي هيفوق امتى كل اللي حصلو بسببي انا السبب لو مجاش علشان ينقذني مكانش حصلو حاجه

مريم: اهدي يا حبيبتي ان شاء الله هيكون بخير

آيسل: هو فين خدويني ليه ارجوكي

وفعلا مريم اخدت آيسل على اوضه امير وسابتها لوحدها ومشيت علشان تبقى براحتها آيسل بصت على مقبض الباب واتوترت وخافت وكانت متردده تدخل وتشوفو في حالته دي بس اتشجعت وفتحت الباب ودخلت لقت مرام جمبو

مرام: حمدلله على سلامتك

آيسل بهدوء وهي تنظر لامير: الله يسلمك

مرام فهمت انها محتاجه شويه وقت لوحدها مع امير

مرام: طيب عن اذنك هروح اشوف مريم ويوسف

آيسل: ماشي

واول ما مرام خرجت وقفلت باب الاوضه آيسل جريت على امير واترمت في حضنه وفضلت تعيط

آيسل: كلو بسببي انا من وقت ما دخلت حياتك وانا دمرتها ياريتني ما دخلت حياتك انا اسفه على كل اللي حصلك بسببي

                       وبعد مرور شهر

رأفت اعترف بكل حاجه والجرايد انتشرت بطريقه كبيره والقاهره كلها عرفت ان يوسف مش ابن عيله الخليلي وانو ابن غير شرعي وان بكده الشركه كلها من حق امير ومرام بس ولما يوسف اكتشف انو ابن غير شرعي وانو ابن رأفت انهار جدا وساب العيله واختفى ومحدش عرفلو طريق  وكانت في الوقت ده آيسل بتهتم با امير اللي لسه مفاقش من الغيبوبه ومرام كانت بدير امور  الشركه على ما امير يفوق ومريم اتخرجت من كليه التمريض وبقت ممرضه وعلي صاحب امير كان بيساعد مرام في الشغل بتاع الشركه ديما وعلقتهم اتطورت ببعض وبقو بيحبو بعض وارتبطو وقررو لما امير يفوق يعملو خطوبه