بمزرعه كبيره فيها خمس بيوت
مزرعه "الـ مـنـاحـــي"
في بيت "حمدان"
في غرفه لهفه تحديداً،
قامت من نومها على صوت حريم الديره فتحت جوالها تشوف التاريخ
"الجمعه 4 سبتمبر"
تنهدت وهي تتذكر ان اليوم الي الجده "مزنه" تعزم كل حريم الديره كبار وصغار عشان يفطرون ويتغدون مع بعض...
قامت غسلت وجهها ولبست جلابيه والغشوه الخفيفه الي تستر جسدها المنحوت وحطت الشيله على كتفها
عارفه انهم بيخلونها تفتح البيبان لعمامها وعيالهم ....
نزلت للحوش وباست راس جدتها ونطقت
لهفه: سلام عليكم جميعاً صباح الخير
الجميع:وعليكم السلام صباح النور قومي ساعدينا نسوي الفطور...
اتجهت لهفه تدخل المطبخ وجلست ترتب وتسولف مع بنات اعمامها
لهفه: يبنات ما صحاني من نومي الا قلقلتهن ازعجتني حسبي عليهن
وجد: يبنت استغفر ربك انتي كذا كذا صاحيه .
شوق: احسن من انك تصحين واخوك رامي عليك علبه مويه
البنات بصوت واحد ضحكو
جت "مريم ام لهفه"
مريم: قمن خلن السوالف عنكم روحو رتبو الاغراض في الحوش
لهفه: هلا هلا يما نور يومي بشوفتك يا راحتي
مريم: هلا يا عيوني اعرف حركاتك وحافظتك تبين الراحه قومي ساعدي البنات قومي.
ضحكو البنات عليها وقامت وهي تتأفف
لهفه : يووووه ذا حالي كل جمعه
قامو حريم الديره ياكلون بالحوش والسفره طويلله فيها كل مالذ وطاب
الجده: كثر الله خيركم يا حفيداتي ما قصرتو
البنات: خيرنا وخيرك يا جده
الجده: سمو بالله
كلهم نطقو : بسم الله
قبل لا تحط " لهفه" اللقمه بفمها دق باب المزرعه
ناظرو فيها كلهم وبصوت واحد: قومي افتحي الباب يا لهفه
لهفه الي حمر وجهها من القهر: ليش انا طيب!!!
الجده: اصغر القوم خادمهم
لهفه : لا حول ولا قوه الا بالله....
قامت لهفه وهي حاطه الشيله على شعرها ومغطيه فمها بالطرحه لاكن عيونها الكحيله ، رموشها الطويله وعيونها الواسعه السوداء كانت باينه وكانت تسحر الي يناظر عيونها....
فتحت الباب وطلعت راسها وقالت
لهفه: مين؟؟
شامخ الي ما عرف صوتها: انا .... انا شامخ
لهفه فتحت الباب وطلعت راسها ووقع عيونه على عيونها الجذابه
شامخ سكت دقايق يناظر عيونها لاول مرا يناظر فيها وقال: انتي لهفه
كشرت لهفه وقالت: انت شامخ ولد عمي؟؟
شامخ: ايه... ايه انا
لهفه : امر وش تبي؟
شامخ: بدخل بيتنا باخذ الدله للرجال الي برا
لهفه : دقيقه بقول للحريم يتغطن عنك..
راحت لهفه تنبهم
شامخ بينه وبين نفسه:
معقوله!.... ذي لهفه... عدوتي وانا صغيرر؟
وش ذي العيون...صحصح على نفسه وهو يستغفر : استغفر الله استغفر الله
ثواني
دقايق
طلعت لهفه راسها وقالت: تفضل يا عدو الطفوله وضحكت بصوت واطي بس سمعها
شامخ: هههههه ما توقعت تتذكريني عالعموم يلا انا بدخل
رغم انهم بنفس المزرعه
بيوتهم بجانب بعض
بمزرعه " الـ مناحـــي"
راح تهب عاصفة حُب قويه
معقوله بيت جديد بيتعمر بقلب هالمزرعه الي تتردد اصوت الضحكات فيها؟
طلع شامخ وسكر الباب وراه
رجعت لهفه لمكانها وبدت تاكل
رغم اني الحريم خلصو اكل ما بقي الا بنات عمها ينتظرونها
لهفه: مسرع اكلن وخلصن؟؟
البنات: لك نص ساعه ما بغيتي تجين
لهفه: شسوي استنيت شامخ يطلع وبالاخير هو الي سكر الباب ليتني جلست وكبيت السناعه الزايده عني
البنات ضحكو...
شوق غمزت لـ لهفه: وراه ما بغا يدخل لبيتنا؟
شكله شاف عيونك وتمعن فيها ما بغا ينطق..
لهفه : عيب عليكن اتركن الكلام الفاضي وامشن نرجع الفطور ورانا غدا
رهف: يا اختي عساس تفطرين شكل شامخ نساك حتى جوعك
ضحكو البنات جاهلين لهفه الي حمرت وجناتها بطريقه لطيفه من الخجل
وضربت كتف شوق
لهفه: خلاص اسكتن لحد يسمعكن
وجد: عاد ذا الشامخ نص بنات الديره مكرشين عليه.
لهفه : ما لنا دخل فيهن الله يستر عليه وعليهم
متجاهله الشعور المؤلم بقلبها......
اذان الجمعه
قامن البنات يكلمن جدتهم
البنات. يا جده نبي نروح نصلي بالمسجد
الجده: استودعتكن الله دقيقه بكلم شامخ يمشي معكن
الديره فيها الصاحي والمجنون مانبي مكروه يصيبكن
لهفه بتوتر: لا لا يا جده معليك انا اكفي عن عشر رجال
الجده : كبي عنك الهياط الزايد واجلسن لين يجي شامخ...
وجد ورهف بهمس: ما تبين تشوفين الي أسر قلبك؟
لهفه : عليكم قل صح يمين بالله ان ما بعدتن عني لهف كل وحده بطراق يشق وجهها.
انخرشو البنات منها وضحكو بتورط
تغطو البنات
ودخل شامخ الي وصلت ريحه عطره قبل ما يوصل
سلم على راس جدته
شامخ: سلام يا جده وراك ناديتيني عسى ماشر؟
الجده: خير خير يا وليدي
وصل البنات للمسجد يبون يصلون الجمعه بالمسجد
شامخ الي خطف نظره على السريع من لهفه وابتسم تص ابتسامه وقال
: ابشري ابشري يا جده
مشو البنات وقدامهم شامخ الي يخطف نظرات من لهفه ما بين لحظه ولحظه.......
لهفه الي قلبها كان يدق بعنف كل ما تلاقت عيونها بعيونه
لهفه بينها وبين نفسها: بسم الله وش صار لي، استغفرالله يارب
صلو ورجعو للبيت ولهفه الي كان تفكيرها
ليش قلبها يدق اول ما تشوف "شامخ"؟
انتهى البارت الاول اتمني عجبكم ♥️.......
