فلاش باك ...
في إحدى البيوت العراقيه القديمه فقيرة الحال :
شمس : اليوم امتحانات الوزاري اني بصف ثالث متوسط كاعده انتضر الخط يجي رحت لاخوي بلكي ينطيني فلوس اشتريلي شي حلو حتى مااخاف ويهبط سكري لان اني من اخاف يصير عندي هبوط بالسكر
شمس : اركان حباب بس انطيني خمسميه دينار بس اشتري بي ككو حلو او جقليت اخاف اهبط من الأسئلة
اركان : دولي انشاء الله يهبط وتموتين اصلا اخر سنه الج ماعدنا بنات يفوتون ويطلعون
شمس : مشكور خويه بگلبي كلت ابو صماخ هم صارله كلمه والله يا الله
صعدت الخط ورحت جان عندي امتحان اسلاميه سهل الاسئله جاوبت وطلعت لصديقتي ميساء هيه صديقتي المقربه
ميساء : الله وكيلج حسيت نفسي يهوديه وماعرف بدين الإسلام هاي اسلاميه وما جاوبت لعد بقيه المواد سلملي
شمس : ييي انتي بربوك تفترين بالانستا اربعه وعشرين ساعه ادورين رجل شعندج وقت للدراسه
ميساء : خرب البارحه شفتلج واحد يشك شك بس كرامتي ما تسمحلي اراسله اكلج ليش متنزلين انستا
شمس : يي بلكي اهلي يموتوني هوا تلفون وماينطوني تردين انستا
ميساء : الله يساعدج انشاء الله يجي يوم وتخلصين منهم
شمس : امين
انتضرنا الخط وطلعنا لان احنا بين بيتنا وبيتهم فرع وصلت للبيت وتلكتني نهى طبعا نهى مرت ابوي لان امي ابوي طلقها وتزوج هاي البربوك
نهى :الله لا كان جاب البلا
شمس : ليش يمه شبيه ابزز
نهى : تاليتج بنت تجيبين العار النا ولج گح**
شمس : هسه دصبري خل اجيبلج العار بعدين سميني گح**
نهى : ايا بربوك شو تعاي
شمس : شبعتني كتل وحرمتني من الاكل
واني هم ماقصرت خرمشتها سويت وجهها خريطه وهيه عوبه وتخيلو المنضر
نهى : صبري ولج اله اخلي اركان وابوج يموتونج يا عار
شمس : علوا بلكت اخلص منكم
ابوي طلق امي لان امي خانته ويا صديقه وابوي كشفهم الولد شرد وامي طلقها واخذني منها وعندي اختي سهى وأركان من ابوي يعني من نهى البربوك
شمس : كعدت اقرا لان جان عندي عربي يادوب الحك ويا الادب ياريت لو الادب بي طريقه اربي نهيوه البربوك بي
لليل اجو اركان وابوي للبيت وجانت الساعه السوده
ابو شمس : سهى حبيبت بابا تعاي شوفي شنو جبتلج
سهى : الله تلفون
ابو شمس : اي حياتي تدللين انتي امج شريفه وانتي مثلها عندج اخلاق بس هذيج من نسل الكح**اب تطلع مثل امها
شمس : صح ابين اني قويه كدامهم بس داخلي عبارة عن انهيارات
سكتت خفت لا يكتلني واني جسمي يوجع من كتله نهى
ابو شمس : انتي هيييي تعالي نزعي جواريبي وروحي حضري اكل
شمس : صار بابا بس ما لحكت اسوي اكل لان دا ادرس
ابو شمس : شنووووو ماسويتي اكل شو تعالي
شمس : نزع حزامه وتقرب كام يضربني وين مايوجعني هوا وأركان الچلب كسروني ونهى وسهى يضحكون
وكالي كلمه جانت مثل الصاعقه
ابو شمس : ورب الكعبه هاي اخر يوم تداومين بيها
شمس : بابا ابوس ايدك لا كلشي اله هاي والله والله انضف البيت يوميه وارتب واسوي اكل واصير خدامه بس خليني اكمل دراستي
ابو شمس : هشششش ولا كلمه صلفه مثل امج شون ترادد بنت الكواويد
شمس : توبة والله توبة اخر مرا هاي بس خليني
ابو شمس : اكلي خ** واسكتي بربوك
شمس : فقدت الأمل ورحت للمطبخ اتمدد لان ماعندي غرفه انام بيها
وكعدت ابجي واشكي همي للحيطان
اجه اركان واخذي جنطي وكتبي وملابسي الي مشمورين بالكاع وطلع برا ركضت مثل المجنونه ورا طلعهم للطارمه وذب فوكهن نفط وحركهم
اركان : اريد تفتحين حلكج بكلمه حتى احركج وياهن
شمس: كعدت بصمت اباوع للكتب يحتركون واحترك وياهم أحلامي والله اني شاطره ودرجاتي كلها بالتسعين بس شيفيد راح كلشي وانطفت الشمس
رحت لمكاني للمطبخ وبدت عيوني بأطلاق الدموع ونمت...
فزيت ثاني يوم ع صوت ابو الخط وهوا يصيح شموسه وينج طلع الشمس والشمس الثانيه ماكو دمعت عيني وطلعت كتله عمو بعد ماا اداوم انهاريت بالبجي
ابو الخط : لا حول ولا قوة الا بالله ليش بنتي حرامات انتي كل سنه من الأوائل وصرت افتخر انو اخذج وياي بالخط
شمس : بعدني دااحجي جت نهى جرتني من شعري وكالت لابو الخط اذا اجيت هلمرا اصيح العالم عليك واكللهم بنتنا ما جاي اداوم وهوا يجي حتى يتحارش بيه انصدمت صدمة حياتي عزه خوب هيه جنها سلبوح سيان منو يباوع لخلقتها الزفره
نهى : ولج بربوك اول تالي تطلعين للزلم ولج اني اعلمج ومسكت النعال وضلت تضربني ماضل عندي طاقه ادافع عن حالي ..
سهى : اكلج شمس ممصدكه اني صرت بسادس علمي ولازم ما تزعجوني علمود اطلع معدل يرفع راس بابا وماما واصير طبيبه
شمس :زيييججججججج اذا اعلى درجه عندج 60 بس يلا عادي يخلونج بالحانوت مال المستشفى تبيعين حبشكلات للوادم او يخلوج ع الاسعاف تصيحين ويو ويووووو
سهى : ولي گح** شون الفاظ مثل امها المهم اني اداوم وانتي ضلي مگابله الحيط وكاعده
شمس : غمتني وراحت مااكدر انكر انو حركت كلبي لان هيه كسلانه واني شاطره واستحق انو اداوم بس شسوي
كمت طبخت زقنبوت الهم وكالعاده اكل وحدي لان يحسوني منبوذه بينهم او ع كولتهم امي گح**
اجت ميساء يمي العصر وتسألني ليش ماجيت ع الامتحان العربي
ميساء : ولج شمس انتي بالايام العاديه ما تغيبين نوبب امتحان لا ووزاري هم لج شكو بس لا هاي البربوك السبب
شمس : بعد مااداوم
ميساء : عزه بعينج ولج ليش
شمس : ابوي مايقبل وحركو كل كتبي لج حركو كلبي مو كتبي لج تصوري هاي القحبه سهى تتتخرج واني لااااااا لعد مو حراااام مو حرررراااام لج شنو ذنبي اذا امي خانت ابوي شنووو ذنبيييي
