فلاش باك .........
شمس : فر السياره وكام يسوق بسرعه جنونيه ووصلنا لبيت مدري اول مرا بحياتي اشوف هيجي بيت
مدري لان احنا حالنا ضعيف وله البيت من صدك واو
فراس : نزلييييي ولج لو متعوده الخدم يفتحون الباب الج
شمس : ديله عساس صاعده ويا تيم حسن كلك ع بعضك ما اگلبك زير النسوان
جرني من تسريحتي
فراس : ولج تايهه ماينلام ابوج من يكلج گح** والله اله اربيج من جديد
شمس : ربي روحك بالاول دادا وبعدين ربي العالم البركه بي زوجي العزيز
دريد : خرب بجدك فراس ولك هاي من صدك شمس ولك توج وج
شمس : قزرقط شنو ماشايف بشر
دريد : لا وصلفه هم اخ يربي اموت ع الصلفات
شمس : دنجب والله لو ما البدله الي لبسوني ياها جان ضربتك ضربه خليت طشارك ماله والي
فراس : صخام بوجهك دريد عود كتلي اخذها صغيره حتى جوا ايدك هاي اله تسحلنه من شواربنه
شمس : (( انا شمس واحركم بناري))
دريد : معليك هسه براشدي اجيبها ع طريق
شمس : دولي بوخه صارلك ساعه تلغي يم راسي چنك عجوز بايكين عشاها
جا فراس ضربني راشدي انطبع ايدو بخدي
دريد : لا مو هيج هسه نعذبها بطريقننا وغمزلي
فراس : تدلل ضلع
شمس : سحلوني سحل جوا واني اصرخ واضرب بيهم واشوفهم يباوعولي بنضرات مقززه
فراس : دباع الجسم الخصر تكول ( عود فرنسي)
دريد : خصر شنو دشوف التفاصيل الفوق والتحت
شمس : قوتي كلها راحت من تقربو مني
دفعتهم وكعدت اتوسل بيهم
فراس : انقهرت عليج كلت مااسويلها شي بعدها صغيره بس من صلافتج جبرتيني اكسرج
شمس : انته مو تكول اخذتني علمود تكسر حبيبتك زين دريد شعليه لا تتقرب مني الله يخليك
فراس : دريد ضلعي وبكلشي يشاركني
دريد : ولو اني ماافوت بنات خصوصا ام شامه
شمس : تقربو ثنينهم بنضرات مقززه وجروني من فستاني
خرمشتهم ثنينهم سويت وجههم خريطه
فراس : اخ ولج بنت الكلب اهكدي
دريد : خرب ب*** ولج اوكفي
شمس : ابتعدو ثنينهم كعدت ابجي كبالهم
كتله فراس اني كنت اكلك عمو عليك العباس ابو فاضل عوفوني لا تتقربون مني شتريدون اسويلكم بس لا تسوولي شي والله حرام عليكم هسه انته حلالي دريد ليش
فراس : كافي تبجين
دريد : يمه كاعده تستشرف وهيه امها تركص بالملاهي
شمس : اني شنو ذنبي اذا امي هيجي
شنو ذنبي ولكم (امشي عليكم رايه العباس اذا تقربتو مني) اطلعو شوفو المنطقه مليانه بنات ليل روحو عليهم وعوفوني الله يخليك
فراس : تعال برا اكلك شغله
دريد : شبيك ولك
فراس : تخيلتها رحمه اختي الي بعمرها مدري لعب نفسي من ردت اتقربلها
دريد : الصراحه من حلفتني بالعباس ابتعدت مدري شون واني اول مرا ابتعد من بنت لو حتى يرفضوني اسوي الي اريده بس مدري شون ابتعدت عنها
فراس : عوفها خليها مشموره بالبيت ولا تتقربلها
دريد : حتى انته
فراس : اي مالي نفس بيها بس خلي اتفق وياها بل اول
شمس : ضليت بالبدله كاعده ابجي
جو فراس ودريد تخبلت
دريد : لتخافين ما نتقربلج بس عدنا شرط
شمس : والله الي تريدو اسوي بس لا تلمسوني
فراس : باجر راح اوديج يم اهلي تبادلين وتكشخين مثل اي عروس
وتبينين كدامهم انج مرتاحه وانو اني احبج خصوصا كدام خواتي وامي اني ساعه واجي اجيبج هينه هنا تعيشين وحدج بدون اهلي
واني بليل انام يمج اذا توافقين مراح اتقربلج ويكون زواجنا بس ع الورق
شمس : عزه بعينك مو كتلي ما اتقربلج شنو تكلي انام يمج
دريد : لج عوبه قصده ينام بلبيت حتى لحد يشك بزواجهم
شمس : وليش بله
فراس : نعلعله الخلفوج شكد فضوليه انتي شعليج نفذي ومعليج
شمس : عادي اكلك شغله
دريد : صبر ياربي دخيلك شنو من بنت هاي
شمس : هسه انته شعليك اني دا اسال عمو فراس
فراس : أمري لله كولي
شمس : عمو والله راح اموت من الجوع صارلي يومين مماكله هناك مرت ابوي متخليني اكل
وابوي يضربني
فراس : كوم جيبلها اكل كوم
دريد : تمام شتاكلين مدام شمسو
شمس : اي شي عليك العباس بس كون اكل وماي هم عفيه
دريد : تريدين بيتزا
شمس : ماعرف طعمو بس جان اركان يجيب للبيت ماينطيني ياكلون هوا واختي سهى
دريد : ماشي رايح اجيبلج
طلعت برا صحت فراس
فراس : شتريد
دريد : والله انقهرت عليها شنو من اب هذا والله تورطت كتلك روح اخطبها عبالي مثل امها بس طلعت بريئه مبين من وجهها
فراس : اسكت قهرتني من كالتلي عمو فراس تخيلتها رحمه
دريد : خطيه تكول مماكله ابد بيتزا
دروح اجيب
فراس : جيب هوايه خطيه
دريد :صار
فراس اخذت ملابس جنت مشتريهم وماخذ احتياطي ما جنت اريد اتقربلها بس من شفتها صلفه كلت هيه مثل امها خل نتونس اني ودريد بس كسرتني من كالتلي عمو عليك العباس اذكرت رحمة وابتعدت
شمس : جا عليه جاب تراك
فراس : طبي اسبحي وبدلي ملابسج بين مايجي دريد
شمس : ماصدكت اخذته منه وطبيت للحمام حاولت ويا الفستان علما فتحته بألف يا علي يلا انفتح
وشعري تقشمرت علما فتحتو اندك الباب عليه
فراس : شنو متي بالحمام صارلج ساعتين
شمس : عمو بعد ماسبحانه هستوني فتحت شعري
فراس : سلملي
شمس سبحت ع سريع
اني مو محجبه طلعت شعري ينكط ماي شفت اكل كدامي جايب ثلاث كراتين بيتزا ويا ببسي وماي ركضت ع الماي كمت اشرب ميته عطش غصيت بي كام يكول قرج ماشايفه ماي
طلعو برا وكعدت اكل بشهيه باوعت اكلتهم ثلاثتهم
دريد : طاح حضك فراس جايب بقره
فراس : الحجي يگوي العين والسكته أولى
شمس : اكلت وقفلت الباب ونمت صحيت ع صوت الباب
فراس : كومي بدلي مثل مااتفقنا
اريدج تكولين انو اني نسيت مريم وانج حبيبتي انا مرتاحين سوا
شمس : سهله تدلل
فراس : واذا سالوج ع نيشان كولي فراس مايقبل
شمس : نيشان ايش
فراس : صخام الصخمج متعرفين شنو نيشان
شمس : نيشان الخطوبه قصدك چا وين سويتولي خطوبه مثل القرچ اخذتوني
فراس : لج بربوك تقرب شاورني وكالي النيشان ************
شمس : وجهي صار طماطه شهكت عزه بعينك ولك سربوت متستحي تف عليك يا كواد يا سرسري
فراس : ولج والله انتي المعامله الزينه متفيد وياج شو تعاي
شمس : ملخني وعضني حيل بربكتي كالي اذا ماصدكو حتى يشوفون الآثار
فراس : يلا انقلعي ع سياره
شمس : هيييي متعرف تحجي مثل الاودام استاذ فراس
فراس : هي بعينج ولج صبري خل نرجع ماردت اضربج حتى لايصير طبع بوجهج ويشكون بشي
شمس : متخوف چلبي
فراس : اشتعل عشيرتك دريد
شمس : وصلنا للبيت عزه بيت شنو ولكم قصررررر حرفيا دمار يموت بكلبي كلت هذا مطبخهم كد بيتنا وبيت ميساء
الله شكد مشتاقتلها
فوتني جوا وكانو اهلو يباوعلي من فوك لي جوه
ام فراس : لا بارك الله بيك ولك عفت مريم بنت التاجر **** وأخذت هاي بت عارف القرچ
شمس : سكتي احنا مو قرچ
مااشوف اله كرصني فراس وحضني كدامهم وكال
فراس : اني احبها معليكم هيه بت منو المهم مو مغروره ومو كسرتني
شمس : بگلبي كلت حبتك حيه بجاه ام البنين
هوا طلع برا صاحتني امه
ام فراس : هيييي تعالي هينه
شمس : خاله شكو
ام فراس : وخلخاله الخلخلت عضامج وين نيشانج لو مثل امج گح**
شمس : اني مو گح** وذاك نيشاني يم ابنج روحي جيبي اني شكو
وركزت ع ركبتي وعوجت حلكها وراحت
لان اني مو محجبه ..
تغدينا ورجعني للبيت
فراس : اني طالع هياته دريد جوا اذا ردتي شي ولغيره ماتفتحين
شمس : تمام بس دريد ليش جوا
فراس : ساكن وياي بالطابق الارضي وسكتي لا تسألين بعد
شمس : هوا طلع واني غميته
شويه ودك الباب كلت منو كال اني دريد
شمس : فتحتله وطب للبيت
تفضل شتريد
دريد : شوفي اعتبريني منو ما تريدين (كواد.. چلب.. حقير اي شي بس اريد اسالج سوال)
شمس : وشتريد بالله
دريد : اساعدج
شمس : عليك العباس
دريد : ههههه يابه وداعت العباس مالج
شمس : اسأل شتريد
دريد احجيلي قصتج بالتفصيل ويا اهلج وشنو الي خلا ابوج يبيعج
شمس : اخ هيجت المواجع
اسمع ......
................
في مكان اخر ..
مثنى :انتصرت شويه وجانت صدمةةةةةة حياتيييي
اشوف واحد طفر ع السياج من فوك لطابق بيتي
ملثم ركزت زين شو هاي مرتي الشريفه العفيفه فتحت الشباك وطب للصاله
اباوع اريد اعرفه منو
احترك كلبي من شفت حضنها وهيه بادلته واني نزلت من دوام حتى ماتقربت مني
ردت اشغل السياره واروح بس كلت لا اله اشوفه منو يالله اروح
اباوعلها نزعت اللثام من وجهه وجان منظر مثل الصاعقةةة براسيييي
اشوف حسين ابن خالي!!!!!
ولك حسين الي سندي ومأمن بي ويا روااان
ياربي دخيلك والله ضربتين ع راس تأذي
((اني الي مدللها ومعيشتها احسن عيشه وشتكول اكللها تأمرين هيجي تجازيني!؟ معقوله كل النسوان هيج! ليش شنو سويت حتى تخوني؟ ويا منو ويا عضيدي حسين!؟ شون جا من گلبها .. اخخخ ياريت ميت وبالعسكريه وضاربني قناص ولا هيجي خذلان))
سجلت كلشي شفته حتى من اواجههم لا ينكرون
شغلت وسقت بسرعه جنونيه وصلت البيت صرت ادك الباب مثل المجنون واني بالبدله العسكريه
فتحلي الباب يحيى يكلي
يحيى : ولك مثنى شجابك مو ع اساس عندك إنذار
مثنى : دفعته وطلعت ركض فوك وضليت ادك الباب لان الطابق معزول
فوك العشر دقايق اني ادك الباب وهيه ماكو
شويه وفتحت مسويه روحها نايمه وتفرك بعينها
روان : اسم الله شجابك مثنى حبيبي وليش ما خابرت
مثنى : صرخت عليها وكتلها وينو گوادج
وفتت مثل المسودن ادور عليه
ماكو الحقير شرد من الشباك بس وين يروح من ايدي
رجعت عليها
روان : شكو حبيبي شصاير
مثنى : وأهلي كلهم واكفين كتلها روحي توضي وجيبي القرآن
روان : حبيبي شبيك شصاير وليش تكول وين گوادج اني ادري بيك ادور عليه زله
مثنى : بصياح كلمةةةةةة زايده أموتج والله امشي سوي الي كتلج عليه
من خوفها ركضت ع حمام واني رحت جبت القرآن
مثنى : تعالي يولي
أحلفي ع القرآن انج مامسويه علاقه ويا حسين وما جا للبيت
طبعا اني شفت كلشي بعيني بس كلت اشوفها تحلف لولا واشوف ليا مرحله واصله الگح***
روان : والله اله اروح لأهلي شنو كاعد تتهمني واصلا حسين مثل اخويه شكاعد تحجي انته
مثنى : ضربتها راشدي حيل وردت اضربها بوكس ضربت الحايط
كد ما كنت احبها ماجا من كلبي اضربها
وصررخت ولججججج احلفيييييي دام ماعندج شي
روان : اي احلف عادي بس والله وراها مااكعدلك بالبيت
مثنى : احلفي ويصير خير
روان : تدلل
مثنى : انصدمت من تقربت وخلت ايدها ع القرآن وكالت
روان : وحق كتاب الله ماخنتك ولا جبت حسين ع البيت
مثنى : انييي تخبلت ماضل دين براسي
طلعت تلفوني وكمت اصرخ ولججححح گح***** لعد هذا شنووووو ولج نوووب تحلفيييين كذبببببب بكتاب الله ولججججج شالج الله انشالله
انهاريت عليها بالضرب تخبلت ملختها
صحيت ع زينه تاخذ الجهال برا
روان : اي اخونك واني حسين احبه من زمان ومنتضره نطلق حتى نزوج
مثنى : فوك شينه كوات عينه ولج حقيره وتكوليها بوجهي
والله اني مايشرفني تكون عندي هيجي مره گحبه تربي بناتي
روان : اصلا اني مااريد بناتك
ابو مثنى : اهده مثنى ابني انطيها فرصه بلكي اتوب
مثنى : لا يابه الگحب*** من تتوب تصير گواده
روان : اني ماريده ولا اريدكم
مثنى : اسمعي يا بنت الَگواويد
يحيى اشهد
مثنى : روان مايشرفني تكونين مرتي امشي ولي لأهلج
انتي طالق طالق طالق تحرمين عليه ليوم الدين
...............
ولهنا نختم البارت حبيباتي
انتضرو البارت الرابع انشاء الله بعد باجر انشره
احبكم 🥺🦋
لاتنسون التصويت ع البارتات
قراءة ممتعه حبيباتي وياكم الاميرة
