هذه الأيام أثقل مما تبدو أنها تعبُر
من فوق قلبي .🥺
.....
الواقع الحالي
شمس : فزيت من الماضي ع بجي ابني علي الي عمره ايام وكعدت اشربه حليب وجانت تجي يمي بنتي ملاك الي عمرها سنتين
ملاك : ماما بابا دا (بابا جا)
شمس :اي حبيبي هسه ننزل جوا شوفي وتعالي
خلصت من علي ونومته ونزلت
ع ضحكات فراس ومريم الي اخذو بعض بعد معاناة وهوا يباوعلها بحب وعشق
باوعت ماعندي اي مشاعر تجاه فراس بس حسدتهم ع عيشتهم الحلوه
فراس : جعل محد يضحك غيرج يروحي
مريم : بعد روحي فيفو اعشقك والنبي
ملاك : بابا بابا
اجه حضنها بقوه كلش يحب جهاله خصوصا ملاك لان تشبهه
وسالني ع علي كتله نايم
ومريم تباوعلي بغضب
اخذت ملاك وطلعت فوك اذكر الماضي
.............
فلاش باك
ابو شمس : هييي اصحي كافي تمثيل
اركان : عوفها بلكي تموت
سهى ونهى : اميييين يارب
ابو شمس : لا تدعون ماطول فراس راح يخطبها يعني راح يغركنا بفلوس
نهى : والله وراح يجينا الخير من ورا هاي العوبه
شمس كعدت ووعيت ع نفسي بس اخ يا شعور الخذلان سلمت امري لرب العالمين
وكلت انشاء الله فراس يطلع احسن منهم
بس شون مريم خطيه شون راح أخذه منها لليل اجه فراس وحده وانطا لأبوي مبلغ خيالي ابوي تخبل
فراس : ابو اركان اني شاري بنتك الصغيره وشتريد اني حاضر
ابو شمس : صدك جذب استاذ كبع واخذ
فراس : ٢٠ مليون كافي
ابو شمس : هاااا صدك تحجي اي اي كافي كوم أخذها
فراس : شرط تنسون شمس ولا بيوم تكولون خل نشوفها وَتشيلون منا اني اشتريتلكم بيت بغداد بمنطقة *****
ابو شمس : معقوله صدك
فراس : المهم تنسون عدكم بنت
ابو شمس : هذا هو جيب السيد واعقد ووديها
فراس : تم
شمس انصدمت من كلام فراس لما ضيفته جاي ابوي جبرني اكعد مقابيله وهوا يباوع بنضرات مقززه ع جسمي
ووكل هذا ابوي يكول خلي تولي وياك سكتت واني الدمعه بعيني
فراس : راح ادزلج بدله بيضه البسيها بليل وخلي يرتبوج زين حتى نعقد ونروح
شمس: سكتت مجاوبته ابوي صيح كالي كوليله تدلل
كتله ماشي
العصر جابولي بدله عرس الي جان بمثابه كفن لي .. شون عمو فراس راح يصير زوجي ماانكر انو البدله تجنن ملكيه وبيها ذيل طويل من ورا ولونها اوف وايت مو ابيض وياها مسكه ورد لونها اصفر فاتح
سحلوني سحل الوحده من الصالونات المشهوره بمحافضتنا
واني ابجي واتوسل بأبوي يتراجع
ابو شمس : والله لو تموتين هسه ما أتراجع ولج انطاني بيت ب***** ومبلغ فلوس وتريدين أتراجع
شمس : بابا اني بنتك
ابو شمس : ماعندي هيج بنت من ام گح**
شمس :اخذوني نتفوني بالشعر جسمي واني اصلا شعري خفيف نوب سوو تقشير ومدري شنو ويكولون هاي عروسه استاذ فراس راح بس يعقد وياخذها بدون زفه
شمس: ياربي دخيلك اني اكله عمو شون راح يكون زوجي بلشت وحده تسوي شعري واني مثل الجثه اش تسأل مااجاوب اخر شي نهى صيحت عليه كتلها بكيفج
فتحو شعري ع طوله بس سوو ويفي وخلو تلك مدور ملكي ويا طرحه طويله غركت بالبدله لان كل عمري 16 سنه مو مال هيجي بدلات
سالوني ع مكياج كلت بكيفكم
كالت المديره مال المركز
ادري شبيج هيجي فاهيه هذا عرسج وله عزاج
بعدين فراس حلم كل البنات
شمس : طييييط
نهى : قزرقط بلا تربيه
شمس : ضاجو مني وسوو مكياج ع ذوقهم خلو سكوكي مدري سموكي
باوعت ع شكلي اول مرا اشوف روحي بهل منظر
حواجب منضفه وشفايف حمره وضلال بعيوني واني جنت اتمنه اخلي مكياج بس نهى متخليني
اضافري مصبغي بطريقه حلوه كلشي حلو
اله النار الي بكلبي والكلمه الوحيده براسيي الي هيه
عمو فراس راح يصير زوجي وهوا بكد عمي؟ ومريم حبيبته راح تموت اذا عرفت بي مزوج .. اصلا حقها لان المنطقه كلها تدري بعشقهم وبعناد ابوها لان عندو ثار ويا ابو فراس
كملو كلشي ورجعنه للبيت
اجه عمو فراس ويا ابوي والشيخ
واكفه ورا الباب اجه اركان
اركان : كلمه وحده اذا نطقتي غير ( نعم وانا موافقه) راسج يوكع بالكاع
شمس : كان مخلي سكين ع رگبتي سألني الشيخ
شمس بنت عارف موافقه ع زواج من استاذ فراس محمد
شمس : سكتت
اركان ضرب بوكس ع ضهري متت من الألم
استسلمت وكلت نعم موافقه ..
كملو العقد وابوي كله ع الاتفاق
ابو شمس : جيب المبلغ وبنتي الك وما نريدها
شمس : جرني من ايدي وذبني جوا رجله وكال
ابو شمس : أخذها وهيه جوا رجلك
فراس : مشكور ياريت تنسوها
ابو شمس : طلقه براسها اذا ضربت ما علينه
فراس : خوش
شمس : جرني من ايدي للسياره
فراس: شمس تني ازوجتج عناد بأهل حبيبتي اخذتج علمود اكسر عينهم واكوللهم اخذت الاحلى من بنتكم واني ما بقيدكم
شمس : حرام عليك واني شنو ذنبي والله كرهت شكلي بسببك شعليه بيك وبحبيبتك
فراس :شعليه اهلج باعوج بكم مليون وخلوج جوا رجلي
شمس : شوف ولك اني من زمان اكرهك واكلك عمو لا عبالك اسكتلك لا والعباس ابو فاضل اموتك واكتل روحي
فراس : صيري عاقله وافتهمي ترا ماعندج اهل يعني محد اكو غيري
شمس : تيل بيك وبأهلي وبمريم وذبيت الورد من الجام وشمرت التاج بوجهه
فراس : انعل ابوج لابو الخلفج بنت النعال اني مره تراددني هيجي والله والله دكسر عينج ولي
شمس : شوف دكلك شي
(( اني البنت الي اهلها باعوها لذالك ماعندي شي اخاف منه.. كلشي خفت منه عشته)) لذالك متخوف جلبي ..
فر السياره وكام يشوق بسرعه جنونيه
..................
في مكان اخر ..
مثنى : نزلت للبيت من الدوام اني منتسب بالجيش نزلت بحماس لان مشتاق لزوجتي وبناتي
دكيت الباب جو ركض بحضني رزان ورؤيا كد مااحب امهم سميتهم ثنينهم ع حرف امهم
روان : اليوم نزول مثنى عسريع مسحت كلشي من واتسابي ووصيت حسين لا يخابرني اله اني اخابرو
دك ال الباب عرفت هذا مثنى
فتحتله حضني وبادلته وراحو عليه رزان ورؤيا
مثنى : اشتاقيتلكم يروح باباا واشتاقيت لحبيبتي رواني
روان : حروح اصب الاكل لان احنا اكلنا
مثنى : ماشي عيني ماشي
بيني وبين نفسي انصدمت معقوله روان شبيها كلمرا متاكل اله اني وياها واوكلها بيدي شنو الي غيرها
خليتها براحتها كلت يمكن تعبانه
رحت عليها للمطبخ
مثنى : حبيبتي يروحي انتي شكد مشتاكتلج وعلي اني بالواجب وافكر بي
روان : مثنى تعبانه اني بعدين
مثنى : يروحي فهمتيني غلط شنو يعني مااكدر اتغزل بحبيبتي؟
روان : الاكل جاهز اصبلك بالمطبخ؟
مثنى بصدمه : روحي يابه اني اصب لروحي
روان : اوك براحتك
مثنى : هاي اول مرا تتصرف هيجي كلمرا تتلكاني بحبيبي وحياتي هلمرا حتى الجنطه مال العسكريه عافته بالكاع
بس لاحضت تلفونها بيدها ابد متخلي بالكاع ودوم متوتره وتباوع عليه
غلست ع الموضوع جو جهالي كالو بابا جوعانين
مثنى : ليش بابا مو ماما كالت احنا اكلنا شنو ماشبعتو؟ رزان عمرها 6 سنوات ورؤيا 4 سنوات
رزان : بابا ماما اكلت وحدها كالت بعدين اكلو ويا ابوكم جانت تخابر وماخلتنه نكعد َوياها
مثنى : باوعت عليهم ضعفانات ومبهدلين وشعرهم منكوش مبين هاملتهم وكع شك بگلبي بس كلت معقوله روان عدها شي!!! اني احبها وممقصر وياها راتبي كله بيدها مدللها دلال كل البنات يتمنو معقوله تسويها؟
فكرت انو اراقبها بس گلبي. وجعني والله مابيه حيل للخذلان
ناديتلها ماردت رحت للغرفه بسرعه ضمت تلفونها
عصبت وكتلها شبيج وياي
روان : ولا شي بس نفسيتي تعبانه
مثنى : عرفت كذب بس ماردت تشك بشي كتلها ماشي حبيبي خل ارتاح اليوم وباجر اطلعج للمول
روان : لا اريد اروح لأهلي
مثنى : رواني حبيبي تروحين لاهلج واني نازل
روان : اي وخلي الجهال يمك نفسيتي تعبانه منهم يوم واحد وارجع
مثنى : ماشي حبيبي اوديج اهم شي راحتج بستها من گصتها وهيه دارت وجهها ونامت
مثنى : قررت باجر اوديها واخلي الجهال يم اختي الي هيه منبع اسراري واحنا بيتنه طابقين طابق الفوك عازل بي وطابق الجوا ابوي واخوي يحيى واختي زينه
امي متوفيه..
طول الليل واني مااكدر انام اباوعلها تلفون جوا راسها زاد الشك بگلبي
حاولت امثل النوم وهيه نامت وللأسف ماكدرت انام للصبح واني عسكري وتعبان
( نزلت البيت ارتاح .. ماعرفت العسكريه اريحلي)
مثنى : روان جهزي حالج بين ماأخذ الجهال يم زينه
روان : اوك
مثنى : نزلت يم زينه خليت الجهال يمها وحجيتلها السالفه وهيه حجتلي سالفه صارت مثل الصاعقه ع راسي
زينه : خويه صارلها شهر ع هذا الحال خطيه رزان ورؤيا ينزلون عليه يكولون عمه جوعانين
وهيه ملتهيه بالتلفون مرا كلتلها روان حبيبي اهتمي بالأطفال شويه خطيه باعي حالهم
روان : انتي لاتدخلين يا مسمومه
زينه : كتلها مو مثنى يضوج بعدني ممكمله ضربت البنات وأخذتهم سوده عليه فرفحو وهيه ملتهيه تخابر
مثنى : ماشي يصير خير..
خليتها عد أهلها وگبل رحت ع محل صديقي يبيع كاميرات مراقبه
كتله اريد كاميره كون متبين اني مخلي
كالي ابشر
اشتريتهم ورحت نصبتهم بمكان ما يخطر ع بال ابليس وربطته ع تلفوني ..
صار الليل خابرتني كالت تعال اخذني. رحتلها وجبتها
ضليت اتعامل وياها بأسلوب حلو حتى متشك بشي وهيه هم جانت احسن من امس
روان : يلا حبي تعال ناكل وجيب البنات.
مثنى : جبت البنات وجنت محضر خطه كعدنه ناكل كلتلها
خابروني من الفوج عدنا إنذار (جيم) ولازم الكل يلتحق لان صايره مشاكل بالفوج
روان : بفرح صدك ليش حبيبي
مثنى : بعد هاي الحياة العسكريه هيجي
رزان: بابا لاتروح والله مشتاقيلك
رؤيا : اني بابا لاتلوح (تروح)
مثنى : كسرو گلبي.. حبيباتي اني يومين وارجع مااطول عود اجيبلكم شعر بنات
رزان ورؤيا : نوتيلا وجبس ابو جيس عود (جبس ليز)
مثنى : صار يروحي
حضرت جنطتي ولبست عسكري حتى لاتشك بشي الصبح ودعتهم ورحت
رحت ع كافتيريا خارج منطقتنا وخليت الجنطه بالسياره
وعيني ع تلفون
شفت ما سوت ريوك للأطفال وراحت نامت وخلتهم وحدهم
والعصر كعدت وهيه ماسكه التلفون وتراسل سوت الها للجهال كلمن لفه
ومستمره المراسله
الى ان صار الليل شفتها جابت عصير
ومدري شخلت بي
وشربته للجهال وماطول نص ساعه ونامو
تخبلت هذا اكيد منوم
صار ساعه 2 بليل رحت كعدت لان الكافتيريا عزل واني كوه فاتح عيوني من التعب
انتضرت شويه وجانت صدمةةةةة حياتييي
_____________
انتضرو البارت الثالث مليانةةة أحداث 🔥
وياكم الكاتبه اميرة ✨
قراءة ممتعه كتاكيتي
