ونجح بسنه انه يصير السكرتير ويقرب من جسّار جدا ، هي ما تدري ليه عقلها رافضه وقلبها يبيه ما تدري ليه تنفذ كلام أبوها ما تدري كيف حبته ما تدري عن اي شيء ، كانت ضايعه مرهه وما تعرف اش تسوي او اش ينتظرها وأكبر سؤال شاغل بالها هل هي تحب نواف ؟ ولا تشوفه مجرد حبل نجاه من أبوها...؟
في مطار المدينه المنوره كانوا ميان ودانيال يمشون خارجين من المطار وميان معصبه لأنها كانت تحسب انه بيتركها تروح جده على طول ، ودانيال يناظر حوله وقال لميان بسخريه عشان يغير الجو : بهذا النقاب كأنك فلبينية جايه تهريب
شاتته ميان وقالت : كل زق !
دانيال ضحك بخفه وقال : هههه شفيك عصبتي يا حساسه انتي
ميان بفضول : ذحين بعرف كيف اسمك دانيال وأنت تقول انك سعودي وتتكلم سعودي احسن مني ؟!
دانيال : امي إيرانية وابوي سعودي وسمتني امي على أسم احد الأنبياء والي كان اسمه من اصل فارسي
ميان : احد الأنبياء ؟
دانيال : يوهه شكلنا مطولين الزبده ان النبي دانيال عليه السلام ما ذكر في القرآن بس المصادر والأحاديث الإسلامية تقول انه نبي والله اعلم حتى أنا لما كنت صغير كنت ابحث عنه وكان مفسر أحلام وكلام كثيير
هزت ميان راسها بفهم وكملوا طريقهم وميان مبتسمه مع ان المفروض تكون خايفه ، ليش هي مرتاحه جدا مع شخص مجرم ؟
بعد يومين في مطار جده كان زياد يتصور في حمامات المطار بلبس دوامه ( طيار ) ، طلع من الحمامات وهو يتفرج فالصور ومو مركز حوله وفجأه خبطت فيه بنت بقوه وطاح وهي طاحت فوقه ، كانت روفان تجري تبي تلحق تودع صحبتها وتراسلها في الجوال عشان تعرف فين وصلت وخبطت في زياد الي ماكان منتبه لها وطاح وطاحت فوقه ، ناظرت له بخرشه وهو كمان كان مصدوم وهو يشوف بنت لابسه عباية ومتحجبه كامل بس خرب حجابها وبانت خصل من شعرها الأشقر وناظر في عيونها السوداء وقبل ما يتحرك ، تحركت روفان وقامت من فوقه وقالت بإحراج : ا..انا اسفه..بالغلط..!
ادرك زياد نفسه وصد عنها وقام وهو يقول : حصل خير يا اختي بس...
سكت شوي مو عارف كيف يقولها وناظرته روفان بإستغراب وقالت : وش ؟
اشر على حجابها وقال بإحراج : حجابك..انفك
ناظرت في جوالها وشافت انعكاسها وان طرحتها انفكت وقالت وهي رايحه : شكرا..!
وراحت بسرعه لحمامات النساء ، ناظر زياد مكانها الفاضي وقال بنفسه ( وش ذا ريشه مهي آدميه ! ) استغفر وسمع صوت مساعده في الطيران يناديه عشان يروحون للطيارة...
في حمامات النساء سوت روفان حجابها وهي تشوف وجهها بينحرق من الاحراج ، طلعت وشافت رساله صحبتها الي تقول فيها انها تراقب الطيارة مع القزاز في الممر الثاني ، راحت لصديقتها ولقتها واقفه عند القزاز وحضنتها وقالت ريناس وهي تأشر عند الطيارة : شوفي الطيار والمضيفين ، اعنبو غيرهم شقق !!
ناظرت روفان وشافت زياد من بينهم وقالت وهي تأشر عليه : هذا الطيار صح ؟
هزت ريناس راسها بنعم وقالت : ايوا واسمه زياد شفته في الشاشة حقت الرحلات
كانت روفان ساهيه وتناظره من ورا القزاز ومو يم سوالف ريناس الي تمدح الجو الحلو وو... ، عند زياد ناظر في الجهه الي تناظره منها روفان وهو يحس احد يناظره ولان ما كان فيه شمس وهو قريب من مكانها بس ع الأرض قدر يشوفها وعرفها فورا ، ولا اراديا ابتسم وسوا لها هاي بيده
، ارتعش جسد روفان ودق قلبها لما شافته يسوي لها هاي ، ناظرتها ريناس بصدمه وهي كمان شافته وقالت : ويي ويي اش صاير يماما ؟؟ ليش يسوي لك هاي ؟؟
روفان بخرشه : يسوي لي انا ؟ لا لا اكيد لواحد خويه !!
رفعت ريناس حاجبها بعدم تصديق وقالت : لا بالله يناظر فيك وتقولين خويه ؟ واصلا محد واقف ع القزاز غيرنا ما بقي إلا تقولين انه لي ؟
روفان ضحكت وغمزت وقالت : يمكن وش يدريك ؟
ضربتها ريناس بخفه وقالت : ايه صدقت ، اعترفي يا بنتت!
قاطعهم النداء لركاب الطائرة رقم***** وكانت هذي طيارة ريناس وقالت وهي تسحب شنطتها مبتعده عن روفان : أتفاهم معاك إذا رجعت ، ومارح اسييبك !!
وفعلا راحت ريناس ، تاركه روفان تناظر للطيارة من القزاز وهي تقول بنفسها بخجل ( اش يبي هذا يسوي لي هاي ! )...
في اليوم الثاني في الصباح وفي الرياض ، كانت الساعة ٧ وفي غرفه قوس كانت تتجهز وتقفل شناطها ، دخلت عليها آيلا وقالت : اشبك ؟ فين رايحه مع صباح الله مو اليوم اُف ؟
قوس : بنروح اليوم للظهران الدكتورة قدمت الموعد
هزت آيلا راسها بتفهم وقالت بإبتسامه : اوكيه استودعناك الله يا سوسو
لبست قوس عبايتها وارسلت بوسه في الهواء ل آيلا الي ادعت انها مسكتها وحطتها في جيب بجامتها وقالت : محفوظة في جيب البوسات لا تخافين عليها
ضحكت قوس وضبطت نقابها وودعت آيلا الي بس هي صاحيه وراحت وهي تسحب شنطتها...
- الديره
في المدرسة الثانوية كان فصل ثالث اغلبهم غايبين بحكم انه يوم خميس وهذا معتاد جداا ، والمداومين بس رعد ولمياء وثلاث بنات ، دخلوا ميرا ورينا لفصل ثالث وقالت ميرا : لولوو رورو وحشتونااا
ناظرتها لمياء وقالت بسخرية : وحشناكم ولا طفشانين ؟
جلسوا رينا وميرا في الكراسي الي قدام لمياء ورعد وقالت رينا : اكييد طفشانيين معلماتنا اغلبهم غياب والباقين سحبوا علينا
ميرا هزت راسها وقالت :اييه جحوداات ما يبغوناا
طلعت لمياء جوالها وقالت : اوكييه كم معاكم بنطلب طعمية ؟
طلعوا رينا وميرا مصروف المدرسة اليومي والي هو خمسه وقالت لمياء : تماام معي انا ورعد كمان خمسات وكل وحده بتدفع من خمستها ٤ ريال والريال الباقي عشان التوصيل ب ٤ كمان ، هزوا البنات رأسهم بتمام وراسلت لمياء السواق المعتاد الي يجيب لهم اكل وقالت للبنات : السواق يقول موجود وش تبون إضافات ؟
ميرا : شوفي انا كاتشب بس بدون خضراوات
رعد : خليه يحط لي كل شي
رينا : انا كمان كل شي بس بدون طماطم
هزت لمياء راسها بمعنى تمام وكتبت طلباتهم وارسلتها على السواق ، قامت بنت من الثلاث المداومين تبي تطلع من الفصل ، رفعت لمياء صوتها وقالت : الحلوه وين رايحه؟؟
توترت البنت وقالت بتوتر : هاه؟ بروح الحمام
ابتسمت لمياء بسخريه وقالت : يلا بسرعه ولا تتأخرين اوكيه ؟
طلعت البنت بسرعه وراحت لمكتب المديره في الدور الأرضي وهي كانت من البدايه بتروح تفتن على لمياء ، دقت الباب ودخلت للمكتب وقالت : أبلا عليا..
ناظرتها المديره وقالت : نعم ؟ شصاير ذي المره كمان ؟
البنت : لمياء جابت جوالها وبتطلب هي ورعد وبنات من ثاني اكل
قامت المديره وبسرعه راحت للدور الأول تبي تمسك لمياء قبل تخبي الجوال ، وفي ذي اللحظات راحت لمياء عند مكتب المعلمه في فصلهم وفتحت الدرج الي مفتاحه ضايع من بدايه السنه ومحد يفتحه او بشكل اصح لمياء سرقت المفتاح ، حطت جوالها وقفلت الدرج وحطت المفتاح جوا بطانه كرسي المعلمه ومن شق صغير مستحيل احد يلاحظه وقربت من البنتين الي بقو في الفصل وقالت وهي تبتسم بشرّ : لا تصيرون زي صحبتكم يا حقات...
سكتت وهمست لكل وحده بكلام وبعدت ورجعت لمكانها والبنات خايفين ومصدومين وهما أصلا الي شجعوا صحبتهم تروح تفتن والحين ما يقدرون حتى ينطقون عشان ما تفضحهم لمياء ، وصلت المديره واقتحمت الفصل وراحت فورا عند لمياء وهي تقول بعصبيه : ويين الجوالل؟؟
مثلت لمياء الغباء وقالت : اي جوال ؟
عليا سحبت لمياء وقومتها وبدت تفتشها وهي بس تبي تلقى الجوال لدرجه انها دخلت يدها من فتحه بلوزه لمياء لصدرها وهي تفتش عن الجوال ، دفتها لمياء بسرعه وقالت بعصبيه وصراخ : كييف تتجرأيين وتلمسييني بهذيي الطرييقهه!!
تجاهلتها المديره وراحت للبنات الثنتين وقالت : اعترفوا ! وين ودت الجوالل؟؟
قالت وحده منهم : اي جوال يا ابله
ناظرت عليا في البنت الثانيه وقالت : ايوه حنا مو دارين عن اي جوال تتكلمين ما معنا جوالات هذا الي نعرفه
