قـاطف التيـن

البارت الثاني عشر

الکاتبه دموع📍
       
                   من اهالي النـاصريه

              ///////////////////////////////////

دخلو ثنين زلم
واحد كبير بلعمر واحد وسطاني. ..

واحد منهم اعرف عيونه كلش زين

. ...مستحيل هاذ هووااا..

بقو يباوعون عليه ومثل الي انصدم  نسيت الموجودين ونسيت نفسي...

تقربت عليه  امشي وخطواتي بثگل  اتقربتله واني ارجف شلون اذا طلع هوواا.....

بقيت اباوع بعيونه هاي عيونه اعرفهن..

تينة: انت منو..؟؟؟

حاتم:منو. .

حت نفس نبرة الصوت

تينة:اني شايفتك واعرف عيونك....

ابتعد مني وراح غير مكانه ويمسح  على وجهه..

حجه احمد..

احمد:اعرفج هاذ ابوي حجي كاضم..
  وهاذ اخوي حاتم الاكبر مني..

بس اني عقلي مو وياي اني بالي مشوش معقوله هما معقوله هاذ لولد نفسه الي ذبح اخوي....

بقيت صافنه بوجهم اباوع على حاتم وعلى حجي كاضم..

كاضم:سلام عليكم شلونج بنتي...

احمد:بويا تستحي ف اعذرها

كاضم:حقها يابه حقها ناس متعرفهم الله يستر عليج بنيتي..

حاتم:شلونج اختي..

احمد:گلنا تستحي عوفها اخيي...

ساكته وبغير عالم هاذ الصوت سامعته وهاي العيون نفسها متأكده نفسها...
بقو يحجون ويا الحجيه ويتحمدولها السلامة...

فات الدكتور :الحمدلله على سلامة الوالده وتكدرون تطلعونها بس اريد منك تنتبهون على الاكل والسوائل والعلاج بلوقت انتي بنتها مو؟؟؟

قبل لااحجي رد احمد

احمد:لا جنتها  دكتور ومثل بنتها انشاء الله..

الدكتور: الله يحفضكم عندها العافيه يابه..

ابو احمد بقى فاتح عيونه بصدمة وحاتم مصدوم من الي گالي احمد
حيخبلني هل ولد شوكت صرت مرته....
ياربي ماريد اكرها من ورا سوالفه  هو مو گال للحجيه راح اخطب شكو يگول مرتي يلا شدعوه اهتم...

كاضم:متزوج بويا وماعندي علم؟؟؟

حاتم :هيه هاي الخوه ليش مانشرفك احنا...

احمد:يابه خلوني احجي... واصلا صار الصاار وبعدين افهمكم..

كاضم:هاا يعني دخلت عليها..

ام عامر: ياااا شجاكم صدك جذب شني هل حجي يم البت حته عيب هاي عود كبار وفاهمين...

احمد:بعدين تفهمون يابه بس كافي...