قـاطف التيـن

البارت الخامس عشر

الکاتبه دموع📍

من اهالي النـاصريه

///////////////////////////////////

أيا امرأة تمسك القلب بين يديها سألتك بالله لا تتركيني لا تتركيني فماذا أكون أنا إذا لم تكوني أحبك جداً وجداً وجداً وأرفض من نــار حبك أن أستقيلا وهل يستطيع المتيم بالعشق أن يستقلا... وما همني إن خرجت من الحب حيا وما همني إن خرجت قتيلا

بقينا كاعدين سوالف وضحك بهل جو الحلو..

تينة:نروح على الماي؟؟

احمد:اكعدي وسكتي تتأذه رجليج.

تينة:لاشنو تتأذه دوم انزل للماي شويه مو هواي يلا يلا گوم.

احمد:تحجين صدك ولج الماي بارد بلكي يطلع قرش ويبلعج.

تينة:متضحك

احمد:لا ضحكي

تينة:ماتضحك اضحك على شنو بعد

احمد:علمودي.

تينة:شنو؟؟؟

احمد:أحب ضحكتج.

تينة:شكراً

احمد: شوفي لاعبالج انو اتحرش بيج بس قصدي احب اشوفج دائماً تضحكين..

تينة:انشاء الله.

احمد:عفيه.

تينة:يلا نرجع حته الشمس طلعت

احمد :شنو مليتي من الكعده؟؟

تينة:لا مامليت.

احمد: نروح غير مكان؟؟؟

تينة:لا مو خاف الحجيه تكعد ومتلگانه.

احمد:خذتني سوالفج ونسينا الوقت.

تينة:مااسولف هواي مو مثلك.

احمد: بس لسان مو اذا اكضج هسه تضلين مثل الزنبور طفرين.

تينة:هههههههه ههههه.

احمد:خلطفر اني معليه فضحتينا بضحكتج..
راح يركض للسياره وانه ميته ضحك على حركاته.

والله عجيب هل رجال ساعه حيل عصبي وساعه يضحك ويشاقي..
صافنه عليه وهو ياخذ الاغراض للسياره بنص صفنتي.
شمر عليه حصوه صغيره...

احمد:تضلين هنا ضلي ضلي.

تينة:لا شعندي ضاله تعبت من الكعده.

احمد:سؤال.

تينة:تفضل جواب.

احمد:هسه هاذ شط العرب اذا اريد اسحبه بسرنجه كم سرنجه وينشف.

تينة:انت شدگول.

احمد:غير هو اني كاعد اسئلج.

تينة:اتوقع مو سرنجه تنشفه.

احمد:جا شنو.

تينة:اتوقع انت تنشفه بهاذ لسانك.

احمد:دربالج من لساني..