قـاطف التيـن

البارت العاشر

الکاتبه دموع📍

من اهالي النـاصريه

///////////////////////////////////

:أحَبك لچن ما أگدر
أحاچيك ..
وأگضي الوَگت كُله شلون بشلون
وبَس أصرف نَضر لمن ألاگيك
وعلى دَربك تِصد
وترف العَيون .

بقيت بصدمه مستحيل استوعب الي سمعته اني ساكته وهو هم منتضر احجي
حسيت انفاسه حاره وجهه قريب على وجهي راد يتقرب لشفايفي.
خليت ايدي على صدره ودفعته قوي وكفت اباوعله واحس كوه لازمه الدمعه..
معقوله يحبني زين شلون بهاي السرعه. زين ليش سوا هيج وتقرب لشفايفي شنو شايفني رخيصه عنده لو اسكتله لاا بسيطه دشوف شراح اسوي بيك.

تينة:وكفت وضربته راشدي ع وجهه قوووي..

ضل صافن وعيونه يطفرن شرار.. يحجي وكاز على اسنانه

احمد:هاي شسويتي..

تينة: شنو شايفني اسكتلك وشتريد تسوي يجرالك وشوكت ميعجبك هل مره سويتها مرة ثانيه اكسرك والله واعوف البيت واطلع قبل ليرد رحت امشي شبهه الركض ومعصبه ...

احمد:يابه بس خلي افهمج والله تسرعتي بتفكيرجج..

تينة:والقران الم الدنيا على راسك عوفني اروح. .

دخلت للغرفه وقفلت الباب.. مانمت للصبح خايفه من تصرفه..
اول مرة اسمع هل كلمه واول مره اشعر بهيج شعور بس اني مشاعري مخربطه شلون يريد انطي فرصه وشلون يريد احبه. . ياارب والله ضعت سمعت صوت فتحت الباب الحجيه تريد تسوي جاي بلمطبخ..

تينة:صباح الخير خاله انطيني اني اسوي لاتعبين نفسج

ام عامر: صباح العافيه حبيبه لا اني اسوي جا شمالني. .

تينة: يلا على راحتج اسويلج الريوك بس شعجب كاعده من وكت اليوم..

ام عامر: يا ولج ياوكت غير فزيت مخروعه تدرين هسه الضحى..

تينة:ليش بيش ساعه هسه؟؟

ام عامر:يا ولج بلعشره الصبح..

عزاا يعني اني لهسه كاعده وماحاسه بلوقت كملت الريوك ونزل احمد وعطره يهفهف عطوراته كلش هادئه وجذابه صبح علينا وسلم مارديت

ام عامر: صباح العافيه يبعد امك يلا اكعد نتريك...

احمد: صباحج كاهي ياكيمر السده بله وريني لسانج..

وصدك الحجيه فقيره فتحت حلگها ومدت لسانها وعلى هل موقف ماكدرت اضم ضحكتي بس سويت نفسي اضحك..

احمد:ها عبالي مبلوع لسانج وماتحجين..

عرفت يقصدني سكتت عنه..

.. صبيت جاي استكان واحد ماردت الحجيه تحس اكو شي لو ادور خباثه عيب انطيتهم الريوك ردت اطلع.

ام عامر:يا وين حبيبه تعاي كعدي

تينة: لا بلعافيه..

ماريد حت اباوع بخلقته مو نوب على سفره وحده صرت من يتواجد بلبيت اقفل الباب عليه.. ومن هو مو هنا اطلع يم الحجيه
بعد ماراحو يكملون فحوصات العمليه بقيت وحدي مره بلحديقه مره على التلفزيون بقيت على فلم من الملل كوه كملت الفلم..
شوي ورجعو وهم ماسلمت عليه.