هروب من الـجحيم

البارت ثلاثه عشر 🦅

‏لن يتوقَّف الكون لأنك قد كُسِرت،
ولن
تُقام طقوسُ العزاء لأنك حزنت،
الجميعُ
قادرٌ على تأمل لحظة سقوطك،
لذا قف
وانهض ورمِّم نفسك بنفسك.

‏- العلاقاتِ لا يُبقيها الحُب،
ما يُبقيها هُو الأماَن وعَدم الخَوف
من الغدر
وتقلُب الرأي، فحيثُما كان الأمَان،
وُجد الاستِقرار والاطمَّئنان.

ـــــــــــــــــــــــــــــــــــــــــــــــــــــــــــ
أشهب : خير شنو من سالفه هل مره

أبو أشهب : اجيت علمود تخطب نور .........

أشهب : ههههه ضحكتي والله يابويه

أبو أشهب : احترم اني ما حاجي شي يضحك اخطب نور واعقد عليه لان هيه عايشه وياكم بالبيت
وعلمود ابنه هم

شغف : يحجي واني مصدومه شنو يخطب شنو يعقد جا اني شنو هنا مو زوجته وبعدين كفختني صدمه ثانيه هذه ابن منين ابو منو ليش أشهب يعقد عليه وبعدين الطفل وينه ولا شفته واني الي يومين بهذا البيت شنو هل مفاجئات اليوم

أشهب : حجي هسه شنو رايد من عندي

أبو أشهب : اريدك تعقد على نور

أشهب: شلون اعقد انتَ تعقله اني اعقد عليههه

أبو أشهب : اي تعقد وتعرف شنو اسوي اذا ما نفذت هذا العقد

نور : ما اريد يعقد عليه شكو هو ستوه متزوج واني ما اخذ واحد متزوج واني عندي ابن بله مرته اذت ابني اني وين انطي وجهي

أشهب : مو هسه انتِ كاتله روحج على ابنج بله تعرفين وينه صارلهه يوميين ما موجود بالبيت

نور : اي عايفته يم امي

أشهب : يم امي بله  تعور صار بي شي شنو هل الاهمال الي انتِ بي

نور : اووووي اروح للغرفه وتفاهموا سوه وعود بعدين اشوف شنو قررتوا

شغف : همه يحجون واني صافنه عليهم شلون يتعاركون وأشهب عصبيته نار

أشهب : اني ما اعقد عليه وبعدين انتِ شدخلك انتَ مو عايش حياتك ويه عائلتك شكو اجيت بس اريد اعرف

أبو اشهب : اجيت بعد هسه شنو تره اتصال واحد من عندي يخرب كل شغلك الي انتَ صارلك سنين تشتغل حته بس توصل للتريده

أشهب بعصبيه : انتَ شنوووو تهددني ما اخاف من اي واحد ولا عبالك ناسيه الك هذيج الشغله ارجعه الك ارجعه وكول أشهب ما كال

ـ حجه هذا الحجي وطلع من البيت كله

ام أشهب : انتَ صدك تحجي خليته يضوج وهو مريض شنو من اب انتَ
حَسْبُنَا اللهُ وَنِعْمَ الْوَكِيلُ يا ظالم

أبو أشهب : هواي حجيتي حجي ماصخ لا تتدخلين بيني وبين أشهب احنه نعرف شي وانتِ تعرفين شي لا تتدخلين