حب مرفوض

الجزء الثاني عشر

الجزء الثاني عشر

تسارع الاحداث

حكمو عليه 3سنين ممبعد هبطوه لعامين ومزال الجلسة لخرى  عييت في بابا نتنازلو على الشكاية ماحبش حاولت نستعطفو بلي عندو طفلة وغير هو عند باباه ويماه والديه ناس كبار شكون بيهم ماحبش قلبو قاسي على ذياب حجرة كون يلقا الموت يحطها عليه تالمو كارهو جات عندي سمية انتي كيفاه تشكي بذياب كيفاه عطاك قلبك ودرتيها ولو ضربك كنتي قادرة تعاقبيه بالف طريقة اذا ماشي على جالو على جال بنتو ووالديه ماخممتيش فيهم كيفاه يصرالهم بلا بيه شكون بيهم يماه كيفاه يصرالها فرد طفل عندها تركز عليه رحتي باصيته _شكون قالك انتي شكيت بيه _راهم ڨاع يهدرو الناس كامل سمعت بلي عم طليقك ضربك وشكيتي بيه ،وانتي صدقتي أنا نروح نشكي بيه هما لجبروني وعييت في بابا نتنازلو ماحبش مالقيت ماندير _نقولك واش ديري وكون جيت في بلاصتك نديرها _واش ندير_روحي اتنازلي انتي ،كيفاه _شكون لي شكا وامضى على شكاية انتي ولا باباك ،انا _خلاص ملا روحي نحيها وتنازلي عليها وقوليلهم سمحتلو وتصافينا ،زعما يقبلو _علاه مايقبلوش انتي انسانة كبيرة وراشدة وواعية ماكيش قاصرة باه مايقبلوش راكي كبيرة بقيت نخمم في هدرتها ايه نديرها مستحيل نخليه يباصي غير راحت سمية دخلت ماما واش كانت تقولك هذاوين قاتلك روحي تنازلي على شكاية ياك ،ايه رايحة _اتحركي ويجي باباك نقولو وهذه سمية نزيد نحكمها هنا نشركها غير جا بابا قاتلو بلي رايحة تنحي شكاية دخل ضربني وحبسني فالشمبرة  وقال ليما عسيها لا تخرج وراك مالقيت كيفاه نخرج جربت الف طريقة مانفعتش لكن هذا الشي ما زادني الا اصرار وتعنت راح نتنازل على شكاية ولو بقى نهار في عمري اصلا انا الغالطة نهار لول نورمالمو مانشكيش بيه ولو حطو الموس على رقبتي
عيط بابات حسان لبابا نجو نحددو لادات رانا أجلنا بزاف قالو العشية رواح دخلت عندي ماما نوضي دوشي ووجدي روحك العشية جايين يحددو لادات ،شوفي تقولي لبابا يديني نتنازل على شكاية صينو قسما بالله غير نبطل _روحي ديريها وشوفي واش يدير فيك ،ملا العشية كي يجو ندخل عندهم نقولهم مانيش قابلة وحابة نبطل وانتما جبرتوني على هذا الزواج انا ماني حابة وليدك ماني قابلة بيه _أ طفلة واشبيك انتي لاه وليتي ماتحشميش هكذا ،لي عندي قلتو غير روحي قنعي بابا يديني نتنازل _كيفاه نقولو الهدرة هذه والله يدخل يقتلك ،مايهمنيش يقتل ولا يقعد روحي قنعيه من عندك ديجا علبالي انتي لي راكي تعمري فيه على ذياب كون عينيك تخليه يتنازل زوج كلمات من عندك وانتي خليتيه يتنازل _هذا الراجل واش دايرلك حتى راكي ميتة عليه هكذا ماكيش حاشمة من روحك ومن باباك ديري هكذا على راجل ،وانتما علاه راكم تعذبو فيا هكذا جا خطبكم فيا علاه ماقبلتوش علاه لازمكم تعذبوني علاه دمرتولي حياتي المرة اللولى مديتوني لواحد مخنث وضك راح تمدوني لواحد ناقص عقل وكي خطبكم راجل تاع الصح ويحبني ويخاف عليا رفضتوه علاه ديما ضدي علاه علاه ماتحبوليش السعادة مانيش مسماحتكم على هذا العذاب والضرب لي ديتو من عندكم بقات تشوف معايا ولا راحت خرجت خلاتني