حب مرفوض

الفصل السادس

بقلم هوس ريجا
الجزء28
يومين راح مازادش بان حالتي من سيء لاسوء نبكي مانسكتش غير سمية معايا واشبيك بنتي دايرة مندبة وحدك راح الله لايردو تلافو يجيب خلافو الف واحد يتمناك هاهو صالح يتمنى خزرة منك علاه غير هو راجل ديجا مافهمتش واشبيك طايحة فيه هكذا تقول غير هو لي راجل ديجا نقولك حاجة هذه العلاقة ملول غالطة وانا السبة كون ماجيتش نعمرلك في راسك راكي لباس عليك  بصح كيما حببتك فيه نكرهك فيه ماتخافيش واش ديري بواحد معقد الخدمة مكانش واللبسة مكانش والهدرة مكانش والمكياج ماكنش مدة قصيرة فرض روحو عليك والغالك شخصيتك كي شافك تحبيه وماتفدريش بلا بيه راه يديرلك هكذا بقيت نسمع وساكتة مهما حاولت تشوهلي صورتو ماقدرتش نكرهو شفت مع الساعة ال5 نضت غسلت وجهي نحيت الطابلية لبست الفيستا هزيت صاكي وخرجت تلاقيت بصالح خرج بقا يشوف معايا واشبيك رفيدة ،لا والو _ كاش مابك كاش مايخصك راني هنا ،لا والو شوية مريضة برك _كنتي تبكي ،لالا راني مڨربية برك نبان كنت نبكي _مروحة ،ايه _هيا نوصلك في طريقي ،لالا معليش نروح وحدي _هيا برك نحطك في طريقي ،لالا مرسي حابة نروح وحدي_كيما تحبي خرجت انا وياه البرا دار عندي هيا برك نوصلك خير ماتمشي في هذا البرد وانتي مريضة _معليش حابة نمشي بقا يحاول فيا باه يوصلني وانا ماحبيتش حتى سمعت صوتو ورايا راهي تقولك حابة نروح وحدي علاه راك تسيف في روحك عليها  درت عندو متفاجئة لباس سروال  بيض وتريكو تاع صوف خفيف بيض وباسكات بيضة وفاست كوير هو بيض ولابس كلش بيض  ممكن اكثر شي خلاني نحبو هو الكاريزما لي عندو رجولتو طاغية وتفرض نفسها مالغري صالح خير منو فالزين مليار مرة لكن مانميل غير لذياب كي يحضر ذياب يطفي اي راجل قدامو على الاقل في عيني انا شايفاتو ومانيش شايفة غيرو شاف معايا صالح هيا تهلاي في روحك كاش ما تحتاجي عيطي جبدني وراه وضربو بيدو على صدور ياوو راني هنا اذا ماكش شايفني واشنو هذه كاش ما تحتاجي عيطيلي _جابلي ربي ماهدرتش معاك هدرت معاها وماتزيدش تهدر بيدك _وكي نهدر بيدي واش راح دير بعد يدو على صدرو وشاف معايا تهلاي في روحك رفيدة  درتلو براسي ايه وراح مشا دار عندي واش عجبك ،باردون _راني نقولك واش عجبك غبت عليك يومين لقيت الحالة مطورة بيناتكم ملا كون زدت طولت شوية راني لقيتكم تزوجتو ،وانت واش يهمك الشي يخصنا حكمني من ذراعي ماتقوليش يخصنا رفيدة وزيد هو لاه يقولك اركبي موالفة تركبي معاه ،حاجة تخصني _ماتهبلنيييش  ،علاه تعيط واشبيك ناس تسمع واطلق يدي _موالفة تركبي معاه ،ماركبتش واذا ركبت حاجتي _اذا عدتي فحلة وجابتك يماك اركبي معاه جبدت ذراعي جيت نمشي _امشي معايا لطوموبيل ،راح نروح فالطرام _اركبي رفيدة ،قتلك راح نروح فالطرام _وانا قلت اركبي وغير اركبي خاطر مراحش نخليك تروحي ،انت علاه ماتفهمش  قتلك رايحة فالطرام ،ومدام علبالك بلي مانفهمش  اركبي وماتعينيش صينو نجرك معايا ،مانيش حابة نركب معاك _راح تخليني نجرك رفيدة ،جرني وشوف اذا مادرتلكش فضيحة هنا بالعياط درا يديه وراه عيطي راني نسمع بقيت نشوف معاه _عيطي واش تشوفي معايا ،علاه دير معايا هكذا _هيا نركبو فالطوموبيل ونهدرو مليح ،اهدر هنا _ماتصلحش فالطوموبيل احسن هيا امشي معايا ،مانروحش حكمني من يدي ضربتو بعد ماتزيدش تمسني _هيا برك مانزيدش نمسك رحت معاه فتحلي الباب ركبت وجا ركب ديمارا وڨارا في نص الطريق نحا السانتورا ودار عندي اهيه واش حوالك ،خير منك _واشبيهم عينيك كنتي تبكي ،علاه نبكي _تبكي عليا ،علاه نبكي عليك مت _لا كي رحت وخليتك تخنزرت فيه ضحك قرصني من خدي والله نحبك صحا قوليلو وقتاش يروح باباك ،اذا ماشي فاليومين هذو السمانة الجاية _راني قررت ،وشنو _اليوم نحكي ليما وبابا عليك ،علاه _كيفاه علاه ،يه علاه تحكي واش دخلني انا حتى تحكي عليا _كون نضربك ضك نكسرلك فمك راح تلوميني ،تضربني؟؟ _ايه نضربك وعندي الحق كيفاه انا نقولك راح نهدر مع بابا ويما عليك وانتي تقول واش دخلني ،ايه مافهمتش لاه تهدر عليا _راح نقولهم بلي نحبك وانتي تحبيني ويجو يخطبوك ليا ،ماشي خلاصت علاقتنا _علاه خلاصت شكون خلصها ،انت _وقتاش خلصتها انا قتلك خلاص ،راك تتمسخر بيا انت _مانيش نتمخسر وقتاش قتلك خلاص ،ماشي كيما قتلك بلي راح يجو يخطبوني قتلي  مبروك عليك _وانتي ماصدقتي ياك ،ذياب مانيش فهماتك كامل _واش فهمتيش رفيدة ،نسيت واش صرا بيناتنا قبل يومين _لا مانسيتش عمري ،اهيه وكيفاه _واش لي كيفاه ،ذيااااب _واشبيك تعيطي ،انت راك تتمسخر بيا كيفاه قبل يومين باركتلي على الخطبة من غيرك وضك تقولي نهدر مع يما وبابا عليك _رفيدة ماناش نلعبو هنا انا راح نهدر مع بابا ويماك عليك وجدي روحك ،لواش _لكلش بقيت نشوف
_رفيدة شفت معاه راكي مستعدة ولا لالا راكي قادرة لواش جاي علاقتنا راح تخرج لبرا مستعدة تواجهي الناس ،وانت ؟_قتلك انا مايهمنيش نعفس على الناس ونفوت انا علبالي وين راني ماشي علبالي راح بهجمونا كامل واولهم والديا بصح مراح يقدرو يديرولي والو غير الهدرة وماعندهم مايقضولي خاطر مانيش ذراري صغير ولا مراهق راني بالغ وراشد وواعي وكبير ونعرف صلاحي مراحش يقدرو يواجهوني حتى الهدرة ماطيراهمش معايا ونعرف كيفاه نسكتهم قبل مايهدرو ابار والديا تهمني رضايتهم ومجبور نقنعهم بصح كلش راح يرجع عليك انتي وڨاع راح يهاجموك انتي وراح يلوحو فيك عيوب السبعة ويتهموك ويخونوك ويشوهوك ويشوهو صورتك ويهدرو فيك  وتوقعي الاسوء الور اذا ماعلبالكش واش راح يصرا بعد ما نعلن علاقتي بك هذا هو الشي لي راح يصرا لذلك لازم نتاكد منك قبل ماننفذ هذا القرار انا كنت مأجل شوية الموضوع بصح مدام دخلو فيها الخطابة وباباك نعرفو مليح علبالي يمدك ومايسالش لذلك قررت نزرب بالموضوع لكن لازم نتاكد منك انتي لولى انا صاي على اتم الاستعداد بصح انتي راني نشوف فيك خايفة ومترردة خفت ندير هذا الخطوة و تخليني في نص الطريق ضك هنا تعطيني قرارك اسكو قابلة تكوني معايا ومستعدة لكش ولا ماتقدريش ،وانا خايفة منك انت وليت نشك فيك _كيفاه تشكي فيا ،انت الامور من جهتك ماهيش واضحة انا كلش من جهتي واضح وتعرف كلش وماني مخبية عليك والو _علاه واش لي مراهش واضح من جهتي ،مثلا قبل يومين كي قتلك خطبوني ديراكت سمحت فيا قتلي بالبراكة عليك _كي خبرتيني بلي خطبوك واش قتلك انا ،قتلي بالبراكة عليك _لالا قبل ،قتلي المطلوب _ايه قتلك المطلوب مني وشنو انتي واش جاوبتيني ،قتلك والو _ايه واشنو هذه والو انا سقسيتك المطلوب مني وشنو وانتي بكل برود قلتيلي مكان حتى مطلوب منك والو جيست حكيتلك هذا واش يعني ،واش يعني _يعني بلي راكي قابلة بيه كون جيتي ماكيش قابلة راكي قلتي دير حاجة ارواح اخطب اعطيني حل واش تشور عليا انتي لالا ،علاه حتى نطلب منك انا _رفيدة انا ملول صارحتك بكلش وقتلك يابنت الناس اصبري معايا شوية نريڨل اموري ونحل هذ الموضوع بصح مدام ولات فالخطابة وباباك راح يمدك الامور راح تتبدل لكن انتي عندك كشغول عادي علبالك بلي باباك راح يمدك واي لحظة تتخطبي بصح مادرتي والو ردة فعلك عادية وباردة  ماشي تاع وحدة خايفة كشغول راكي تقوليلي انت ولا غيرك كيفكيف على الاقل قوليلي دير حاجة دبر عليا واش ندير حسيسني بلي صح تحبيني وماكيش حابة تكوني مع غيري اصلا انا لي وليت نشك في حبك كنتي تقولي نحارب عليك بصح كي وصلنا لصح تراجعتي وترددتي وراح تستسلمي ،وحسينة لاه تعيطلك لاه كي سقسيتك ماعجبكش الحال لاه انت تدخل في اي حاجة تخصني وتفرض عليا امور مانيش حابتها وانا على جالك قابلتها وساكتة _تحوسي نصارحك حسينة ديما تعيطلي وحابة ترجع عندي ،وين تعرف نيمروك _مراهيش تعيطلي فالبارسونال راهي تعيطلي في تاع الخدمة ،وين تعرفو هي _نميرو تاع الخدمة مكانش لي مايعرفوش راه مكتوب فالبلاكة تاع الڨاراج ،وعلاه مابدلتوش_  كيفاه نبدل نميرو تاع الخدمة لي عندو سنين وسنين على جالها هي اواه رفيدة  مانقدرش  هذا تاع خدمة والناس كل تعرفو لي يحب يتواصل معايا يعيطلي فيه بصح البارسونال ماتعرفوش _علاه مبلوكيتهاش كيما كنت تبلوكيني انا _والله بلوكيتها الف مرة ،بصح خرج نميروها مكتوب حسينة يعني نميروها مخليه عندك _انا واش كان عندي تليفون ،عندك زوج ايفون وسامسونغ هز الايفون كان يتشارجا هاهو الايفون وهذا بارسونال وراكي تعرفي نميروه _والسامسونغ ياك شفيتي عليه اول مرة واش كان لونو _كان كحل والبوشات شفافة _والتليفون لي شفيته عندي كيما عيطتلي هي  فيه واش كان لونو شفت معاه _جاوبي واش لونو _زرق لاح يدو من الجيب جبدو هاه شوفي زرق مي البوشات نفسها شفافة ،واش قصدك مافهمتش _تكسرلي تليفون القديم وشريت هذا وركبت فيه لابيس ونسيت نحطها فالبلوك من هذا التليفون هذا مكان وضك راني حطيتها بقيت نشوف معاه _رفيدة انا بلاك كلش فيا غير الكذب والقوالب وندي ونجيب واش يكون راني نصارحك عجبك الحال ولا ماعجبكش انا كلش في طرف لساني كون جيت نتواصل معاها والله غير نصارحك نورمال حسينة من نهار  طلقتها خرجتها من حياتي وماتزيدش تدخلها انا كي نفوت ونرمي واحد من حياتي صاي  وحسينة رميتها ووفا سوقها ،وانا _واشبيك انتي ،حتى انا راح ترميني _نصارحك ولا نكذب عليك ،اكيد صارحني _انتي غير الكل والله ماتشبهي لحتى وحدة ووحدة ما تشبهلك عطاني يدو مزال ما جاوبتنيش راكي واجدة حطيت يدي في يدو ايه واجدة فتحلي ذراعو دخلت في حظنو بقا يمسح على ذراعي
طلعت راسي شفت معاه درالي براسو وشنو _ماتزيدش تبعد عليا والله يومين وانا نبكي عليك باسلي عينيا في زوج اصلا مانقدرش نبعد حتى واذا حبيت اسمعي رفيدة من اليوم مكانش الرجوع انا راح نخبر يما وبابا عليك وعلبالي مراحش يقبلو لكن راح ندير لامبوسيبل تاعي باه يقبلو ومتاكد فالاخير راح يرضخو  انا الطفل الوحيد عند يما وبابا انا مومو عينيهم شايفيني ومراهمش مصدقين رواحهم ملي كنت صغير وانا المدلل تاعهم من بين خويا وخواتاتي وبعد موتة خويا بابا ويما ولا عندهم رعب من جيهتي فالنهار يهبطو عندي الف مرة باه يتاكدو بلي راني لباس او بالاحرى راني عايش مساكن مايلقاو مايدرولي راني في هذ العمر وببنتي ومزالهم مدلليني يعاملو فيا كالطفل الصغير مراحش تكون ساهلة اقناعهم بصح راح يقنعو المشكل لكبير هو من جهتك انتي ،وانا علاه قتلك قابلة _باباك ماشكيتش يقبل ومكانش 0,1 ذرة قبول من عندو نزلو دموعي بكيت _ماتبكيش رفيدة عمري  خليني نهدر لازم حتى انت تعاونيني علبالي باباك واعر بصح انتي ماترضخيلوش على الاقل ماتستسلميش ديري جهدك ماشي تخليني نحارب وحدي وفي باطل انا راح نحارب وكي نقنع والديا نجيبهم ديراكت يخطبوك ليا وهنا لي راح تتعقد وتكبر بيني وبين باباك وبيني وبين مرت خويا وعادل حسبتي عادل راح يبقى ساكت الور للمرة الاخيرة تقبلي ولا نن شفتي روحك ماكيش قابلة قولي راني عطيتك فرصة لتراجع ،وكون مانقبلش  انت راح تخطيني _نصارحك ولا نكذب عليك ،اكيد تصارحني _مانقدرش نخليك من نهار شفتك وانتي ساكنة عقلي مراحش نحبس عليك حتى نديك ليا انتي ملول تاعي وملكي ومراحش نسمح في املاكي  علبالك وليتي جمرة وسط قلبي ومراحش تطفى هذا الجمرة حتى نديك بقيت نشوف معاه هيمانة قرصني من خدي هيا نوصلك لدار باه نرقد شوية هذا وين وصلت ،علاه وين كنت _كنت مسافر كانت عندي خدمة وانتي قاسية القلب ماسقسيتيش عليا ،وانت علاه ماعيطتليش _كنت نستنا فيك تعيطي علاه كي نتزاعفو ماتعيطيش ديما انا لي نعيط ونجيك انتي لالا ضحكت _اضحكي اضحكي  جبدت روحي هيا وصلني باه تروح ترقد ترتاح تبان عيان _ايه نروح نرقد فالليل عندي معركة طويلة ،خبرني واش يصرا معاك _ايه نشالله بقيت نشوف معاه _ماتخافيش باذن الله كل شي يكون كيما نحبو حنا نشالله وصلني لدار حطني وراح
   كنت نتعشا انا وماما سمعت تليفوني يصوني من شمبرة رحت لقيتو هو غلقت باب الشمبرة وريبونديت علبه وي _وي حبي ،صحا نوم هذاوين نضت _ايه هذاوين مزالني فالفراش تخصي غير انتي سكت ديراكت ضحك واشبيك تبكمتي وانا علاه راني ندير هكذا غير باه نجيبك لهذا الفراش ونساميك ليا كرهت وانا متخيلك معايا  بقيت ساكتة _واشبيك ساكتة ماكيش حابة تكوني معايا ،لا حابة _وعلاه ساكتة ،واش نقول _قولي حبيبي مام انا حابة نكون معاك حابة نرقد معاك ونحظنك ونرقد على صدرك سكت مالقيت مانقولو حسيتو ماشي نورمال غير من نبرة صوتو _اهدري واشبيك ،وشنو _ماكيش حابة تكوني معايا ،لا حابة _ماكيش حابة ترقدي معايا ،ايه _وماكيش حابة ترقدي على صدري ،ايه _وشنو ايه رفيدة قولي ايه حابة نرقد معاك حابة نحظنك علاه باردة هكذا يكون في علمك انا نحب مرتي تكون رومانسية وتشبعني وتقلشني وتلبسلي سورتو انتي كنت متزوج مرتين بصح ماكنتش مركز على هذا الامور عادي بصح ملي عرفتك انتي والشيطان عڨابي ،واشبيك انت اليوم _واشبيا؟ مابيا والو جيست راني نحكيلك باه ديري حسابك ،واش من حساب _رفيدة انا ماراحش نديك باه نقرا معاك المصحف وماراحش نديك باه ديريلي ناكل ونشرب ونغسل ضك كلش كاين برا الماكلة كاينة برا والغسيل كاين برا انا راح نديك ليا لنفسي راح ندخل عندك تعبان وهلكان وفي اسوء حالاتي وانتي راح تستقبلبي احسن استقبال تحظنيني وتبوسيني وتقلشيني وتحويني عندك وتسمعيني غير حبيبي وعمري وتوحشتك وتلبسيلي وتثيريني وترقصيلي وبزاف حوايج نظن تعرفيهم حتي واذا ماتعرفيهم انا نعلمك فيهم بصح باه ندخل انا هلكان وتعبان ونلقاك انتي وجهك مقلوب ومشنفة وعاصبة راسك وعقدة الحاجب لا مكياج لا روايح لا لبسة مثيرة لا كلمة حلوة وتنكدي عليا مانقبلهاش وراح نهرب منك بقيت غير ساكتة ونسمعا_صحا رفيدة تفاهمنا راح نديك ليا ولنفسي انا اولى من كلش ماشي تبعيلي الدار والشغل وتحطي جهدك فيه وكي نطلبك ليا تقوليلي تعبانة وعيانة لازم ديري بروڨرام لروحك باه توفقي بيناتنا ،والخدمة _مكانش الخدمة رفيدة ياك تفاهمنا ،وشنووو وقتاش تفتهمنا _ماشي قتلك ماتساعدنيش المراة الخدامة ،وانا قتلك حابة نخدم _رفيدة انا صارحتك مانيش حابك تخدمي ،وانا مانقدرش نحبس الخدمة _وشنوو ،كيما سمعت مانقدرش  نحبسها _ملا مراحش نتفاهمو هكذا لازم عليك تخيري يا انا يا الخدمة ،مانقدرش نخير _رفيدة ضك راني نايض نخبر والديا عليك قبل مانوض من بلاصتي لازم تقرري يا انا الخدمة ،مانقدرش نخير بيناتكم _رفيدة مانيش نتمسخر انا صاي قررت ننهي هذا الموضوع نهدر مع والديا ونقنعهم باه يجو يخطبوك ليا حتى انتي لازمك تقرري يا تقبل تكوني معايا بكل ظروفي يا ،واش كمل _يا كلش يخلاص هنا ،علاه كلش يخلاص _رفيدة راني صارحتك انا الخدمة مكانش مانقبلهاش وما تساعدنيش وصارحتك من ضك خير مانقولك ايه نخليك تخدمي وكي نجيبك ليا نبطلك انا صارحتك وانتي عندك حق الاختيار يا تكملي خدمتك يا تبطليها بصح في حالة راح تكمليها علاقتنا تخلاص _علاه تخلاص واش فيها كي نخدم  باه ضارتك خدمتي _انتي تشوفيها ماتضرنيش بصح انا راح تضرني ونظن شرحتلك الاسباب الور انا مانجبرك على والو حابة تخدمي اخدمي بصح انا مانقدرش نكمل معاك ،علاه _رفيدة واش راني نهدرلك ؟ راني نقولك راح نقنع والديا باه يجو يخطبوك ليا مراحش نبقا انا غير هازك معايا وطالع هابط مانيش مراهق حاب نتزوج ونستبيت ونتهنى مانيش في وقت لعب ضك انتي لازمك تقري تخيري الخدمة ولا تخيريني انا ،مانقدرش _اخرة مرة نسقسيك الخدمة ولا انا ،بصح انا مانقدرش نبطل خدمتي _رفيداااا ماتهبلنيش كي وصلنا لصح وليتي ديري فالسبايب والقوالب وينو حبك وينو كلامك لي نحارب عليك وندير كلش على جالك كون جيتي صح تحبيني وحابة تكوني معايا راكي ضحيتي وتنازلتي انتي حابة تربحي بلا خسارة مكاش ربح بلا خسارة رفيدة يا تربحي خدمتك يا تربحيني انا ،بصح انا مانقدرش نحبس الخدمة_ نفهم بلا خيرتي الخدمة عليا هكذا ،ماشي هكذا _هاه وش يعني ملا ،مانقدرش نحبس الخدمة حابة نخدم ومانيش حابة نخسرك انت_وانا قتلك ماتساعدنيش خدمتك لازمك تخيري بيناتنا ،مانقدرش نحبس خدمتي _اك فهمت خيرتي الخدمة عليا ملا يابنت الناس واش راح نقولك  هنا وخلاص بيناتنا ربي ينوب عليك من جهة خلاف وانا نفس الشي تبقاي على خير جيت نهدر كوبا عليا عاودتلو ريبوندا عليا وي وشنو ،ذياب علاه دير هكذا _رفيدة انتي صاي خيرتي طريقك وانا مانقدرش نجبرك تغيريه حابة تمشي فيه امشي اما انا مانقدرش نمشي معاك في نفس الطريق ،بصح علاه دير فيا هكذا كي شفتني نحبك _ماشي غير انتي لي تحبيني حتى انا نحبك وملي بدينا انا لي لي نجري وراك وانا لي نعيط وانا لي نصالح وانا لي نراضي وراني نحاول نخلي علاقتنا رسمية ونتزوجو وقتلك خلي كلش عليا انا نقنع وليديا هما لولين ونفوت لولديك انتي لي عليك هو  ماتخلنيش في نص الطريق بصح فاجأتيني كي خليتيني فالبداية ومزية عرفت هذا الشي قبل ماندير هذا الخطوة بقيت ساكتة _هيا صحا رفيدة ربي يسهلك يا بنت ناس انا هنا حدي معاك وهنا يخلاص كلش بيناتنا وكوبا