عند شما و ظبيه الي كانو يسوون سكن كير و يسوون روتينهم الليلي
شما : ظبيه شرايج ترقدين عندي اليوم
ظبيه : الله جدول تم
شما : عندج نفس بجامتي؟
ظبيه : هي يوم سرنا مع بعض دبي مول و خذنا
شما : عيل البسي نفسي
ظبيه : تم
تمو يحطون ماسكات و جي و فجاه يرن تلفون شما رقم غريب و شما كانت مصدومه منو يدق هالوقت ف ما ردت بس الي يدق حارق
التلفون
شما : اهووه من ها حشرني
ظبيه : ردي حطي سبيكر نشوف منو
شما : الو
الريال : الو سيف و زايد مسووين حادث و حالتهم خطره حاولو تون المستشفى بقرب وقت
شما شهقت
شما و هو تصيح : أييي مستشفى!!!!
الريال : مستشفى برجيل - محمد بن زايد و بند التلفون
ظبيه الي تصيح على اخوها و ولد عمها و قلبها متقطع عليهم
و شما الي ركضت صوب غرفه ميثه و تخبرها قررو ما يخبرون
اهلهم راحو ظبيه و شما و ميثه المستشفى
ميثه هو تصيحح : ظبيه دقييي على راشد بسرعه حرقي تلفونه
ظبيه و هي حابسه الدمعه : والله دقيت ما يرد بجرب مرثانيه
عند راشد الي كان راقد و جاف تلفونه يرن( 6hbooy )
قال فنفسه هاي ليش داقه نص اليل و و رد عليها
راشد : اممم
ميثه وهي تصيح : رشوود قووم مش وقتكك
راشد فز و عدل قعدته و هو مستغرب
راشد : شفيج ميثوه اهدي اهدي فيج شي ؟
ميثه و هي تصارخ : كيف تباني اهدأ و سيف و زايد مسوووين حادث
راشد : هاااا وانتو ويننن
ميثه : فالطريق سايرين المستشفى
راشد : وانتي كيييف تسوقين فالحاللل واي مستشفى؟؟
ميثه : ياخي مب وقتككك تعاللل مستشفى برجيل ولا تخبر حد من الاهل
راشد : يلا ياييي
قام راشد لبس كندورته و شل مفتاح سيارته و ركض برا ركب سيارته
و سار يدعس عشان يوصلهم و ميثه وياه فالخط
ميثه : لا تدعس انته الثاني مب ناقصينك تسوي حادث
راشد : انزينن احيين قريب قريب انتو وين واصلين ؟
ميثه : عند الاشاره المستشفى
راشد : تمام
بعد ربع ساعه وصلو المستشفى كلهم و سارو الاستقبال عشان يسلون عنهم
راشد : السلام عليكم المريض سيف عبدالله و زايد علي موجودين؟
النيرس : و عليكم السلام ، دقيقه أجيك لكم
