عند شما كانت تتمشى وياه اربيعاتها
عذاري : تخيلي شموه امس و نحن سايرين دبي شفنا واحد مززز مزيون
روضه : هههه هيه والله
عذاري : و روضه راحت تمشي صوبه فجاه قالها لا تقربين هههههه
شما : ههههههههههه امبيه روضه ههههه
روضه : جب ما يضحك عاد
شما : ههه خلاص بنسكت
عذاري : بنات وين تبون تتعشون ؟
روضه : عادي اي مكان
شما : خلنا نسير زوما
روضه و عذاري : تم
راحو زوما و كان زحمه شباب
عند حمدان دق على اربيعه
حمدان : ذياب وينك
ذياب : عند الاهل فبوظبي
حمدان : احلف انته فبوظبي ؟
ذياب : هيي
حمدان : يلا طرش لي لوكيشن بمر عليك بنسير نتعشى
ذياب : بس تم
مر حمدان على ذياب
ذياب : هلااا الحمدي شو تسوي هني
حمدان : هزاعو اخوي ياي يزور ربعه فالمستشفى
ذياب : سلامت
حمدان: الله يسلمك
ذياب : وين بنسير ؟
حمدان : وين تحس مكان حلو راقي نتعشى فيه
ذياب : زوما صوب غاليريا
حمدان : يلا تم
عند قوم شما وصلو المطعم و طلبوه
شما : بنات تبون شي زياده ؟
عذاري و روضه : لا بسنا
قروب شباب جدامهم
الريال 1 : اقول شوف هذيك ام غمازه اففف تهبل
الريال 2 : بسير ارقمها
الريال 1 : قم رونا شغلك
عند حمدان توه وصل المطعم و شاف الوضع و راح عالطول عندهم
حمدان : ايه استح على ويهك قوم من هني
روضه و عذاري انصدمو يوم شافوا حمدان
ريال 2 : وانت شدخلك
حمدان وهو يصارخ : قوم بطيب ولا بروايك شي ما يعيبك
ريال 2 : انزين انزين
حمدان : شباب آخر زمن
شما مصدومه من ردت فعل حمدان و كبر فعينها و حست انه منهم و فيهم بس طنشت
شما : مشكور اخوي ما قصرت
حمدان : سوالكم شي ؟
شما : لا لا حمد الله ييت فوقتك
حمدان : تمام و سار
عند البنات
روضه : وايييي شما تخيلي ها الي شفناه ف دبي
عذاري : اففف طلع متربي بعد
شما : بس عيب سكتو
ردو البنات البيت و شما سارت المستشفى عشان تعطي سيف الكوكيز
عند حمدان خلص تعشى و رد المستشفى يشل اخوه حمدان دق على هزاع
حمدان : " الو "
هزاع : " هلا "
حمدان : " خلصت ؟ "
هزاع : " هي تعال غرفه سيف "
حمدان : تمام
شما وصلت المستشفى و عطول دشت الغرفه و عطول حطت عينها على حمدان و انصدمت و حمدان بعد انصدم قال فنفسه ليكون هاي بعد بنت عمي شما علطول طلعت و راحت قسم النساء تترياهم يطلعون
حمدان : يلا عيل نحن نترخص
سيف : مشكوريين وايددد فرحتوني بزايرتكم
هزاع : عسى دوم
ابتسم سيف
طلعو حمدان و شما و سارت عند سيف
سيف : يعني دقي لي قبل ما تدشين
شما : وانا شدراني انه ربعك وياك
سيف : ما عليه اصبري عليه
شما : يبت لك كوكيززز
سيف : شكراا
شما فتحت له الكيس و تم ياكل
سيف : يلا ردي البيت الوقت تاخر
شما : تمام
طلعت شما من المستشفى و ركبت سيارتها و طول الوقت تفكر بحمدان
و شما فنفسها منو هذا فكل مكان يطلع لي قطع تفكيرها حد يدلقها
شما : " الو أبويه "
بوسيف : " وينج متأخره "
شما : "ابوي كنت عند سيف احين يايه فالدرب "
بوسيف : " ليش سيف وينه رشود قالي انه فدبي "
شما توهقت
شما : " هييه ترا عطيته شي نساه و احين راده
بوسيف : " وين واصله ؟ "
شما : " عند جسر شخبوط "
وصلت شما و دخلت البيت و شافت امها و ابوها و ميثه يالسين
شما : السلام عليكم
كلهم. : وعليكم السلام
و سارت فوق سوت روتينها اليلي و حطت راسها و تمت تفكر شوي و رقدت
عند حمدان و هزاع ، حمدان يسوق و هو سرحانننن قطع تفكيره صوت هزاع
هزاع : حمدان حمدانننن
حمدان : هااا
هزاع : شفيك ؟
حمدان : تعبان
هزاع : المهم شكرا
حمدان ابتسم : ما بينا
وصلو و حمدان حط راسه ع فراش و تم يفكر بشما و عرف انها بنت عمه و قال فنفسه ياله متى ياخي متى ابوي يسير عند يدي و يستسمح له
بعد ربع ساعه رقد
