#الكاتبة_ودق_اياد 💖
الـبـارت الـسـابــع↓
أيمكن للمرء أن يتفوّه بالوداع و قلبُه قاصدًا المكوث؟..
____
الملك الأبيض:عايشين بـ العوالم السبعة"
ملك:زين هيه صدفه اسمائنا بيها شبه؟
الملك الأبيض:نعم صدفة،لماذا والدكِ لا يحبكِ؟
ملك:شمدريك؟؟
الملك الأبيض:أنـا لا تخفى عليه هكذا اشياء .
ملك:ابوية ما يحب البنات يحب الولد مع العلم النبي محمد صلى الله عليه وآل وسلم كال رفقاً بالقوارير وكال المؤنسات الغاليات ..
الملك الأبيض:سوف يأتي يوم ينظر لكِ بحُب وسوف تسامحينه..
ملك:الله كريم ولو اشك يجي هيچ يوم المهم ليوين راح تبقى تلاحگني حتى من انام اخاف منك أني .
الملك الأبيض:ملك هل تريدينني أن ابتعد عنكِ؟
ملك:اي ياريت دام كلشي انتهى وراح أنتَ هم روح ..
الملك الأبيض:حاضر أيـتها الأنـسـية .
ملك:أختفى بقيت صافنه هسه الي يشوفني اسولف ويه نفسي مو يكول اتخبلت لازم اعوف الغرفة هاي دام عندنا غيرها اكو وحده بالطابق الثاني رتبتها وقررت انام بيها اجة الليل بقيت اتصفح بموبايلي ماكو شي مهم أني وحيدة لا صديقة ولا صديق ما لكيت شي يغيرلي مزاجي فتحت شباج غرفتي بيها بالكونه الجو جان مغيم كعدت اباوع ع الشارع واباوع للسمه شلون كامت تبرق اجة ابالي من نزلت قطرة مطر كلت هل يا ترى شنو جاي يسوي لالا ملك أنتِ كلتيله روح لا تصيحينه،شي كلي وإذا صحتي جربي شوفي يجي! غمضت عيوني وحطيت أيدي ع گلبي وصحت بصوت خافت يا ملك بقيت شويه انتظر يجيني صوته فتحت عيوني وعدتها بصوت أعلى هم ماكو ضجت حيل يعني معقولة صدك أختفى وبعد ما يجي زين أني ليش ضايجة يجوز لان ساعدني ..
ازهار:ملك كاعدة؟
ملك:اي ماما تعالي
ازهار:صايرة حلوة عيونج وجهج بارزه ملامحه .
ملك:ماما هاي أنتِ هيچ تتغزلين بيه بعدين شكو لابسه أبيض شعدنه اليوم
ازهار:هههههه هيچ عجبني وأنتِ لايگلچ هذا الأبيض ..
ملك:اجيت أرد جان سمعت صوت ثاني يجي من الباب !
ازهار:ملك بنتي تعالي راح نحضر فلم نباوعله سوه .
ملك:كبل درت وجهي على الي جانت كاعدة يمي ابتسمت بوجهي واختفت ..
يتبع..
#الكاتبة_ودق_اياد 💖
