#الكاتبة_ودق_اياد 💖
الـبــارت الـتـاسـع ↓
-أن يناضل المرءُ ضد شعورهِ، هذه أقسى معاركهِ على الإطلاق..
____________
ملك:ما اقتنعت الصراحة صحت بصوت عالي يـا ملك الأبيض "عسا ولعل يسمعني سمعت اصوات مخيفه وغريبة بنفس الوقت من بعد ما صحت بأسـمه كأنو صوت صوائق،أرتعبت حيل
_قلت لكِ لا تنادينه !
ملك:كلتله بصوت خايف "شنو شصار؟؟"
_هل تذهبين الى الملك الأبيض؟
ملك:شلون يصير؟؟
_أغمضي عيناكِ
ملك:غمضت عيوني بدون تفكير ما كلت هذا شلون أثق بي حسيت بشي قوي على گلبي صرت اسمع اصوات غريبة صوت ناس يبچون واصوات سيوف وصياح عالي
_أفتحي عيناكِ الآن اهلاً وسهلاً بكِ في "العوالم السبعة" ..
ملك:فتحت عيوني مكان حلو يخبل وبصفه مكان اظلم مرعب كأنو مدينة اشباح أنرعبت عفت الحلو وصفنت بالمرعب كوه كدرت اسأله وين الملك الأبيض؟
_قلت لكِ لا تقولين أسمه سوف يأخذونكِ الآن وحتى الملك الأبيض لا يستطيع مساعدتكِ .
ملك:يُمااا منو ياخذني رجعني بطلت حتى هو ما أريده صار ما يسمعني بس يمشي اجيت امشي بنصهم اشكالهم تخوف أحس گلبي يريد يوكف من الخوف الي حسيت بي،سحبني وأجاني صوته المرعب ..
_الى أين؟ لا أستطيع إن أخرجكِ إليهم .
ملك:هو جاي يحچي وكف كدامنا واحد طويل ومرعب يسمونه الملك الأحمر لابس ملابس حمره شكله يخوف حيل
الملك الأحمر:هل هذه الآنـسيـة الذي تحول وتعذب لأجـلها الملك الأبيض وتحول الى سواد !!!!
الملك ميمون أبانوخ:نعم
الملك الأحمر:خذوها الى الطرف الأيسر من العوالم .
ملك:باوعت بخوف الطرف الأيسر قصده الطرف المرعب!!!!،أني شسويت بنفسي ما أكدر أرجع لواقعي وحدي أحس نفسي نايمة ومجاي اكدر اصحي نفسي،حقيقي الي جاي اعيشه! طببوني للمكان شفت أشياء من كد ما تخوف ما أگدر أفتح عيوني واصرخ من كل گلبي،ربطو رجليه بـ سنسله حديد حاره حيل حرگت روحي صارو يعذبون بيه ضربوني ضربه قوية بظهري أخر شي اتذكره صحت بصوت عالي بأسمه وصارت الدنيا سوده بعيوني .
يتبع..
#الكاتبة_ودق_اياد 💖
