نيران الأدهم ♥

بارت 23

السلام وعليكم

‏شايف من تريده وهوه مرايد؟
ومن تدز رساله يكلك شرايد... 💔

الكاتبه نور العنزي
ــــــــــــــــــــــــــــــــ
وتين
-بعد ماراحت نيران للمدرسه كمت غسلت ورتبت الغرفه وخلصت دخلت سبحت وطلعت بدلت وخليت مرطب لوجهي وحمره خفيفه

بالون الشفه بعدين نشفت شعري اخذت المشط حتى امشط وسمعت خطوات تتقرب من الغرفه بقيت جامده بمكاني شوي وايد الباب تحركت اريد امشي مااكدر احس رجليني انشلن انفتح الباب ودخل اخر شخص اتوقعت اشوفه باوعلي ونزل راسه وكال

الشيخ كاسر: خلي شي على راسج

وتين انتبهت على نفسي وبسرعه اخذت شال ولبسته دخل للغرفه وسد الباب جان شكله حيلل متغير وجهه ذبلان كتله شعرفك بمكاني

الشيخ كاسر: هديتي حيلي

وتين: بقيت ساكته وارجف ورجع كال

الشيخ كاسر: ليش بويه شردتي وكسرتيني

وتين: نزلت راسي كال ومبين من صوته عصب

الشيخ كاسر: جاوبي لاتسكتين برري عملتج

وتين: شردت لان خفت اتزوج

الشيخ كاسر: احنه كلنه خطوبه مو زواج وليش خفتي تتزوجين

وتين: نزلن دموعي وبقيت ساكته

الشيخ كاسر: احجي مو هديتي حيلي

وتين: اخاف

الشيخ كاسر: من شنو تخافين

وتين: من كلشي

الشيخ كاسر: تعالي

وتين: وين

الشيخ كاسر: هنا واشر كدامه

وتين: رحت يمهه اتقرب لزم ايدي اجيت اسحبها عصر ايدي وكال

الشيخ كاسر: احجيلي ولاتخافين من شي انه يمج ومااخلي احد يسويلج شي

وتين: بس اذا عرفت يمكن انتَ الي تسوي شي ويمكن تضربني

الشيخ كاسر: ماامد ايدي على مراة احجيلي

وتين: نكعد واحجيلك

الشيخ كاسر: ماشي

وتين: كعدت على الكرويته وهوه كعد يمي بديت احجيله من البدايه من جان عمري 9سنوات لحد اليوم الي شردت بيه جنت احجي واني منزله راسي رفعت راسي من ماحجه شي

شفت عيوه صايرات حمر والشراين الي بركبته بارزه كال

الشيخ كاسر: ليش ماحجيتلي من البدايه

وتين: خفت منك اتقرب باس جبيني وكال

الشيخ كاسر: وعد اله اخذ حقج من كل واحد ئذاج ونزل دمعتج وراح اخليهم يبجون دم وعد ومو رجال اذا مانفذت وعدي