♕فصليه ابن الشيخ محمد ♕ البارت كان لازم بنزل البارحه بس كعدت الطم على حظي لان السنه اني وزاري
تصويت +تعليق بين الفراغات+متابعه الحساببببب
☞ياقوت☜
اريد اسمع شنو يكولون الفضول مرض ما اكدر اتعالج منه، اريد افهم شكو و شبيهم و هاي البنت منو، كمت اسمع مقتطفات من حديثهم لحد ما صار الصوت واضح
ام رائد: كلبي جان ههاجس ان هاذا اليوم راح يجي دحك والله اذا هاي البنت تبقه يمنه اغضب عليك جدك زوجك هل زباله على مود تعوف هل بربوك…
رائد: يمهةةةةة هاي مو بربوك ديري بالج هاي مرتي و تعمليها مثل ريم و مياسن فاهمهههه
ام رائد: هاذي تربيتي بيك ترفع صوتك عليه بسبب وحده لا راحت ولا جت اني راضيه ببنت الكلب ياقوت بس لا تاخذ هاي بنت الشوارع
رائد: بنت الكلب ما علي بيها لان ولا مره دحكتها اصلا و بنت الشوارع التحجين عنها شعره من شعرها الشقر تساوي السلف كله
بهاذي الحظه ما كدرت اتمالك نفسي من كالت امه
ام رائد: جايبلي اثنين وحده تكول للثانيه اني عاهره اكثر منج
رائد: يمهةةةةة كلتلج لا تغلطين على ميس
دفرت الباب برجلي صار حاله ذهول و صمت بالمكان رحت كدامه طولي بـ160 و هو ما شاء الله طوله بـ180 رفعت اصبعي بتحذير
ياقوت: اني مو العاهره هاي اختك و امك مو انييي دير بالك تجيب طاري اهلي لا انعل سلف سلفاك مو كفايه متحمله امك هاي الما تنجرع من امداك اي والله والله اذا تجيب سيره اهلي بـالـ مو زين لتشوف تصرف ثاني مني
رفع ايده و ضربني راشدي فر وجهييي فتحت عيوني بصدمه رجع رفع ايده حتى يضربني مسكت معصم ايده بقوه حتى ما يضربني
ياقوت: لا تمد ايدك لا اكسرها لك و لا تمد ايدك علي لان شراح تسوي اني مجربه الاقوه والله اموتك مثل …
سكتت لان جنت راح افضح نفسي، باوعت للكل الكل مصدومين من جرائتي كلت و اني اوجه الكلام للكل
ياقوت: والله الي يأذي شعر من شعري والعباس ابو فاضل احلق شعره صفر و الي يرشني بمي الرشه بمي ناررررر بتيزاببب زينن و هاذا كدامكم و كلكم اريدكم تفهمون اني مو بنت عاديه رخيصه مشترينها بفلوسكم لا والله اني جايه هين برضاتي بس على عشان اخويه الوحيد الغزر بي الزاد بس والله الي يظن بيه ظن باطل لتشوفون تصرف ثاني مني و اني اصلا ما طايقتكم ولا طايقه المكان الي انتو بي بس اكول اني سويت الصح لان هاذا على مود اخوي لازم اصبر بس خلاص للصبر حدود تعاملوني بطيب اعاملكم بطيب تعاملون بالمو طيب اعملكم بالمثل و بس بلا كلام مالو فايده وياكم لانكم ما راح تفهموننن
كلتها و تستداريت حتى امشي و اسم الدعاوي و الغلط و الفشار و السب علي صار بفلس ما هتميت رحت بسرعه على غرفتي من صحيح عاد كرهتهم كلهم و كرهت العيشه مالتهم
نمت لثاني يوم كعدت فتت سبحت طلعت لكيتهم يتركون نزلت من الدرج و الكل يخزر بيه رحت سحبت الكرسي و كعدت اكل كأنو ماكو شي صار البارحه اكل ببرود و هُم شويه و يطكون من الغيض
اباوع لميس و رائد بعالم ثاني رائد اول مره اشوفه هيج كأنو الدنيا ما سايعته من الفرح و البتسامه العريضه المرسومه على وجهه و ميس الما رفعت عينها من الاكل ابسمت والله شكلهم يجنن
بس اكو شي ناغزني و غصه واكفه ببلعومي بسبب ان اسبوع وره زواجنه و تزوج عليه لهل درجه اني مو شي كدامهم
اشوفه يسويلها لفات و هي تاخذ الفات الصغار و تاكل بخجل هو لو عليه يوكلها بيده بس ما يصير كدام اهله خلصت و كمت غسلت صعدت فوك شفت ماسه تأشرلي بمعنى تعالي اجيت يمها دخلتني غرفتها
ماسه: ياقوت شنو صاير ليش هيج يدحكون عليج اني الي عرفته ان رائد تزوج بس شمفينه
ماسه: جنت الحمدلله عند امي لان جانت مصخنه و تحتاجني يمها
ياقوت: هسه شلونها
ماسه: بخيررررر
ياقوت: يلا اني اترخص حتى اروح ادرس من باجر ابدي دوامي
ماسه: كلتي لرائد
ياقوت: لا بصراحه
ماسه: ما يصير لازم تكولين
كلت ان شاء الله و رحت بست بنتها النايمه و طلعت رحت لغرفتي طلعت دفتر المذكرات ماتي و كتبت شصار معي هل فتره باختصار. و فتحت الكتب و الملازم و كعدت ادرس الى ان تمت 4 ساعات يلا خلصت
نزلت على الغده رائد كاعد يفلس لحم كدام ميس و هي تاكل لحد ما همست بـ اذنه و هو ترك التفليس و كام ياكل خلصنه ميس راحت لغرفه رائد و الكل خلص اني شلت السفره
و غسلت المواعين و كمت ارتب بالبيت ما خلصت من كلام ام رائد المسموم بس اسوي نفسي ما سمعدت لحد ما خلصت و صعدت عايفتها تحجي و تصرخ نمت كعدت على شخص يشد بشعري بقوه
احس وكعت من الجربايه اباوع هاذا رائد …
يتبع…
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
