فصليه ابن الشيخ محمد

part10

صلوا على الحبيب المصطفى

فصيله مضلومه/فصيله ابن الشيخ محمد

الكاتبه هاجر حسين

ياقوت......

بعد 15 يوم اجه رائد حتى ياخذني و محد جان موجود من اجه
كان واضح عليه أنه مجبور أو ما طايق روحه وكفت كدامه ايدي مكسوره و مجبسه راسي ملفوف أعرج بالمشي
نزلن دمعه مني من شفته واكف كدامي و اني هيج
ما تعودت اكون كدام أحد ضعيفه

مسحت دمعتي بأيدي السليمه باوعتله و عيوني حمره من القهر
احس بحراره بوجهي و بجسمي كلت بتعب و اني اعرف الجواب
مال السؤال بس اريد اعرف شنو حجته

ياقوت:ليش .....رااائددد ليششش ..ليششش
رائد: ياسمين يلا امشي حتى نروح و بطلي درامه
ياقوت :بس اني اسمي ياقوت مو ياسمين
رائد:مو مهمه المهم امشي يلا حتى نروح مال الي خلگوالج و إلى درامتج الما تخلص
ياقوت:برأيك بهذا درامه من تكسرني تكسر

هو سكت من هين و اجته ضربه مليانه حقد و غضب من هين باوع رائد وراه لكه جود ، جود ما جان يشوف شئ كدامه صار يضربه بقوه ما انطه لرائد

مجال بس بسرعه رائد عالج صدمته و هو هم كام يضرب و هم الاثنين يضربون
بعض من اشوف جود هيج يضرب برائد افرح أن اكو ليه سند مثل جود

ما حاولت حتى أبين أن اني خايفه أو قلقانه من الجاي يصير
كنت بالعكس فرحانه اجه فاهد يركض يلهث حاول يفازع بهم بس ماكو فاصلين

بعد معانه كدر فاهد بفازعهم راح رائد بره للسياره و راح بطريقه بس ما يطلع من اذانه دخان لا
هذا حتى من رجلينه طلع دخان من الغضب

دخلت جوه بعد اسبوع اجه سجاد أخذني طبعا بعد
معانه بسبب جود رحت هناك اول ما وصلت كال سجاد

سجاد:راح تشوفين جهر زفره بس مثل جهره ميس ما راح تلكين فد زفره و وصخه من دور جدي ما سابحه

فحطتت من الضحك على تعليقه العفوي على ميس
دخلنه للبيت فتت لغرفتي سبحت و خلصت من طلعت جانت تنتضرني
ريم و مياسن باوعتلهن بأستغراب كعدت يمهن كالن

مياسن:راح تبدي الحرب بينج و بين ميس و راح تكون حرب منو عندها افضل كيد زين حلو يلا في امان الله نترخص

ياقوت:لحظه لحظه وين وين شكو شنو السالفة

راحت مياسن و ضلت ريم تحجي وياي طلعت و من طلعت عرف اكو مكيده مدبره من كلام مياسن و تلميحات ريم

ثاني يوم طلعت من غرفتي ما شاء الله نزل علي الوحي و قررت اتحجب و بالفعل اتحجبت
لبست الشال و لبست تشداشه بأكمام طويله نزلت لكيت السفره محضره من نزلت هي نضره و هي دعاوي نزلت علي من ام رائد تدعي علي و ريم و مياسن يسكتن بيها