اللهم صلِّ على محمد وآل محمد
فصليه ابن الشيخ محمد
الكاتبه هاجر حسين
♡ياقوت♡
ياقوت: رجاءً جود لا تمزح معي
جود: والله ما جاي اتشاقه
فتحت عيوني و تعابيري توحي على الصدمه صحيح هُم دائماً يتعاكون بس ما تخيلت ابد انهم يفكرون بالطلاق خشمي صار ينزف دم كلت بصوت مرتجف
ياقوت: و هسه شلون جود والله ما اريدهم ينفصلون اذا انفصلو وين نروح احنه
طلع جود كلينكس من جيبه و حطه على خشمي مددني على الجربايه كال بصوت حازم: منو المسوي بيج هيج و مكسرج تكسر
ياقوت: جود بس عفيه جود…
جود: ياقوت منو مسويييي بيججج هيج كوليييي!!
ياقوت: ر.. رائ....رائد
عيون جود صارن حمر و جهه انطعن احمر من العصبيه عيونه صارت بكصته و شريانه برز
ياقوت: جود بس اهدئ رجاءً جود اهدئ
حاول يسيطر على رجفته و عصبيته و رجع و كال بنفاذ صبر
جود: السبب
ياقوت: زوجته الثانيه ميس…
جود: اتزوج عليجج! هذه من هيمت
ياقوت: بعد اسبوع او اسبوعين من زواجنه
جود: صبرك عليه رائد …المهم كملي
ياقوت: ميس كايله اله انو اني معليه صوتي على امه و جنت راح امد ايدي عليها و امه مأيده كلام ميس
شراينه برزت اكثر و بوضوح و رجفته زادت صار عصبي و شكله يخوف، المهم لكيتها فرصه و كلتله على كل شي لحد ما رجعوني على البيت، اشو هذا كام و طلع و معصب اني نمت و نريحه دماغي
كعدت ثاني يوم بدلت ملابسي كوه نزلت لكيت فاهد و جود كاعدين على سفره الفطور كلت بأبتسامه اول مره اشوفهم ملتمين على سفره وحده
ياقوت: صباح الخير
جود: صباح الخير
فاهد حتى ما عبرني بس مبين قطعت حديثهم كعدت على السفره باوعت على الاكل و كلت
_منو مسوي؟
فاهد: اني سويته
_ تعرف تسوي اكل فاهد؟!!
ما جاوبني كام من الاكل و عافنه كام وره جود اكلت و خلصت شلت الاكل الباقي وديته على المطبخ و عفته مسكت الموبايل العب بي وشويه اضيع وكت
مياسن…
بعد حادثه ياقوت رجع علاء و ريم وحدهم!! انضرت ريم حتى تجي وحدها لان ذكر اسم ياقوت صار شبه محرم نذكره كدام احد من اهل البيت
كعدنه بالغرفه مالتي باليل و سئلتها مباشره
مياسن: ريم ياقوت وين
ريم: رجعناها لبيتها لأجل سلامتها
مياسن: سلامتها؟
ريم: اي ما تشوفين رائد يريد بس يلزمها مره ثانيه حتى يكتلها
سكتت لان هيه على حق اخذت جهاز امي شويه اسله بي لان ما عندي جهاز او بالاصح حتى اخابره و اسمع صوته الي اشتاقيتله محد جان يعرف هذه الشي لان بساعتها تكولين وييي سفره الى الله لا رجوع منها
طبعاً محد يتوقعها مني لاني هادئه حيل ف محد يتوقع هيج يصير اخذت الموبايل و طلعت وره البيت
جنت راح اكمل طريقي بس شفت رائد واكف يدخن جكاير وحده بالحديقه الوره البيت اهجسه مغموم
الحمدلله ما شافني لانو جان منطيني ضهره اتسحبت و رجعت للبيت و صعدت فوك السطح كتبت رقمه اول ما بده يرن تسارعت نبضات قلبي بسرعه جنت متحمسه اسمع صوته و المستاقتله رد و اخيرا
_الووو يا بعد روحي
مياسن: الووو
_دكولي مشتاقتلك شي مو هيج جافه
مياسن: اشششش اسكت اسكت انت ماتعرف شي
_اموت عليج
مياسن: هييي! ما يصير عيب
_اسفين خويه ما جنه نقصد بس مشتاقلج
جنت بوكتها ميته من الخجل بس الغصه الكل مره احس بيها من اخابره متعبتني اعرف ان هذه ميصير و حرام بس كلبي الي محتاج احد يضربه ببوري حتى ينعدل
مياسن: فااااهددد!! …
يتبع…
حبايب والله ادري مقصره بس جاي احاول اكتب الكم بارت و خصوصاً اني طالبه سادس علمي و احتاج وكت جثير للدراسه وخاصه هاي الايام مشغوله و اريد اطلع معدل عالي ارفع راسي و راس اهلي
أنت تقرأ
فصليه ابن الشيخ محمد
Romanceظلم الاهل انتزاع حق بريأ فصليه ظلم الاهل و الناس و كل شي بحساب هل سوف ينتهي هاذا الظلم او لاا
