ليلة الهجران

بارت الثاني

وَتبسَّمت فَبدأ هلالٌ لامعٌ
لَو شافهُ أهلُ الصيامِ لَعيَّدوا

-حَدث حِدثَ بالماضي
علي : شموسه فدوة هاي شطالعة
شمس : عيني أني دائمًا حلوة شنو هسه أنتبهت
علي : ولج مو بالعادة أكو شيء متغير بيچ
شمس : شنو متغير
علي : يا أگول شنو متغير طلعتي سابحة والوصخ طايح كون يومية يجي العيد حتى يخلي الناس تسبح وتصير ريحتهم طيبة
شمس : يعني هسه لازم نضحك الك عود شگد فكاهي
عادل : بابا كافي تتعاركون شنو السالفة عيب
شمس : عمو صيح بأبنك تقبلها هيچ يگول
علي : أي يقبلها ونص
شمس : أنچب
صادق : ولكم أحترموا
عادل : شلون أحنا بهل جاهل شوكت يكبرون ويعقلون
يوسف : عمي بس أني وسما عاقلين
جنات : دخيلك يا علي إذا أنتَ وسما عاقلين
سهى : دكافي عاد يا ولد يا بنات روحوا أطلعوا بغير مكان تعاركوا
يوسف : الله يطيح حظك مهيمن دوخت مرت عمي وعمي وأبوي وأمي دگوم ما عندك أحساس ما يردونك
مهيمن : عفية قندرة بكل سالفة مدخلينا هوَ أني شحاچي
آريا : أبن عمي الزود لا تزعل هذا يوسف طايح حظ ما تعرفه
مهيمن : قابل ما أعرفه هوَ بلوه علينا أجه
يوسف : ديلا شلون شخصية أنتَ هوَ أنتَ كلك مهيمن وجهك 24 ساعة مگلوب عبالك عجوز متعاركه وي چنتها
مهيمن : يوسف تريدلك كتله أنتَ اني وجهي 24 ساعة مگلوب خرب عشيرتك
عادل : أطلعوا بره لا أگوم أكسركم راح يجون خطار قابل نگعد نگابل العرك مالتكم
يوسف : سمسمتي نروح نطلع
سما : يوسف ولك اسكت هسه يسمعونا
يوسف : امشي ولج
سما : ولك أسكت لا تهمس هسه يحسون
صادق : يلا عيني أطلعوا بره روحوا بالصالة او بالگراج خففوا شوية دوختونا الله يزيدكم ههههههههههه
آريا : أبوي العود مو تدلل هسه أطلعهم سفرة للسطح ها شتگولون مو خوش سفرة
مهيمن : أي خوش فكرة حتى نشمرهم كلهم من السطح
علي : يلا يلا نطلع
يوسف : سمسمتي ما عليچ بهذول الخايسين خلي يرحون حتى نسولف وحدنا
سما : ولك أسكت
علي : أي هسه طلعنا شنسوي عود
آريا : أستاذ علي شتسوي مثلًا أختار وين تروح لدولة المطبخ او لدولة الغرفة أو لدولة السطح أو لدولة الصالة او الگراج بكيفكم بعد
علي : شگد فكاهي
جنات : آريا ما تضحك
آريا : منو گلچ أضحكي أختي العزيزة
مهيمن : نروح لدولة رأسك
يوسف : سمسمتي خلي ينامون هذول الثيران وأنطيچ عيديتچ محضر الچ مفاجئة
سما : صدك شنو هيَ
يوسف : اني انطيها الچ بعدين بس ينامون هذول العتاوي هسه راح أطلع وي اصدقائي لأن ما اگدر أتحملهم
سما : تمام عمري
يوسف : أروح فدوة لعمرچ
سما : ديلا ديلا روح لا تلح
يوسف : الله يطيح حظج
سما : وحظك همَ
يوسف : سهلة سهلة
سما : هههههههههههههه
يوسف : يلا عيني اني اترخص أطلع عود أنتم تناقشوا وحدكم لأي دولة ترحون
مهيمن : عمي بس روح سبع احجارات وراك
علي : يوسف اخذني وياك وارحمني بعد ما بيه حيل اسمعهم
يوسف : هسه بلكي عندي موعد وي حبيبتي وأريد أروح أعايدها هسه أنتَ وجه الفگر شكو رايح وياي تريد تطفر البنية
علي : غالبني بجمالك أنتَ چنك قرد مبلل
يوسف : خاب منو منكم يلحك جمالي وسيراميك مكة أني غير كاسركم كسر بجمالي وبنات المنطقة كلهن يركضن وراي
مهيمن : گام يتفيك علينا يوسف الصديق
يوسف : ما عندي وقت ألكم حبيبتي منتظرتني
علي : دنچب وخلي أروح وياك
يوسف : بعد لزگ وجه الفگر دروح أصعد بالسيارة
علي : ديلا منتظرك
سما : سهلة يوسف متواعد وي حبيبتك مو
يوسف : سمسمتي غرتي عليَّ شنو
سما : دروح شنو أنتَ واغار عليك على گوله علي چنك قرد
يوسف : كل شيء يطلع منچ مثل العسل سمسمة
سما : ديلا لا تلح روح
يوسف : مو تنامين بالليل أنتظريني
سما : الله كريم ..