وقاد الاصهب

البارت الثالث

ـــــــــــــــــــــــــــــــــــــــــــــــــــــــ الاصُهب
﷽
عذراء الزبيدي
بقلمي : روايه وقاد الاصُهب

ربما لن تنال ما تحب ولكنك ستنال ماهو خير لك.

لطفاً لا تنسون التصويت والتفاعل بين الفقرات

اصُهب : اتصل عليَّ عمي فاضل ابو ايهم جاوبته ومن
صوته عرفته كلش اعصاب اول ماكلت الوو جاوبني
وسعت عيوني بصدمه من كال الجمعه

فاضل : اصهب تعالو الجمعه اطلبو سدن مني قبل لا
اخسرها بسبب جواد
اصهب : هاهيَّ عمي الجمعه ان شاءالله يمكم
نهيت الاتصال منَّ واني الفرحه ما واسعتني من
بعد اشهر حلمي راح يتحقق اتصلت على علي
بلغته بالصار وكال ينتضرني بالمركز حركت سيارتي اتوجهت
لمركز بس وصلت ركنت السياره قريب من المركز دخلت
صار بوجهي علي

علي : يابه الف الف مبروك ان شاءالله يوم الي
اصهب : هههههه واني اول الحاضرين

كملت دوامي بالمركز طلعت متوجه لديالى اريد اخصم
كلشي وي ابويه وعمي حافظ بعد ما مر وقت طويل وصلت
اول مادخلت المضيف الكل موجود اتحمحمت وحجيت

اصهب : السلام عليكم
الكل : وعليكم السلام
اصهب : الله بالخير عليكم اني اجيت اخصم كلشي وياكم
وبعد انتو كلكم مجموعين خلي نحجي
ابو اصهب : ولك اصهب انتَ شلووووون هيج تحجي من
كيفك شنووو احنا كدامك لعدد اصهب انهي هاي المهزله

اصهب : اسمعني يابه اني حجيت اكثر من مره مااريد احجي
اكثر هاي آخر مره ومااريد اكرر الموضوع اني سدن احبها
واريدها بويه افهمني اني مااكدر اعيش ثانيه بدونها

حافظ : اسمععععع اصهب لو تنطبك السماء على الارض
ماتاخذ غير من بنات عمك ابوك حاجز نور من فتره طويله

اصهب : صوووووتك لتعلي عليَّ لتخليني انسى منو انتَ
واسمعني ياعمي زين سدن اخذهااااا يعني اخذهااااا
اني اتفقت وي ابوها الجمعه اتروحون تخطبوها الي

حافظ : شنيييييي ولك انتَ من بشر ماعندك عقل غير
نور هيَّ محجوزه الك
اصهب : نور اني حاسبها مثل اختي
حافظ : ماكووووووو تاخذ بنتي نور شني غير ابوك موكفها الك
اصهب : عمييييييييي كلت الك مااريدها شنو ماتفهم انتَ اسمعوني
اتروحون الجمعه ويايه لا وحق العباس اسويها مجزره وانتَ
يابويه تعرفني كلش زين شنوووووو اسوي لتلعبون وي الاصهب