وقاد الاصهب

البارت السادس

ـــــــــــــــــــــــــــــــــــــــــــــــــــــــــــــــــ الاصُهب
﷽
عذراء الزبيدي
بقلمي : روايه وقاد الاصُهب

- عَلىٰ أهدَابِ عَينَيكِ ، قَصِيدَةُ حُبٍّ

لطفاً لا تنسون التصويت والتفاعل بين الفقرات

سدن : نهيت الاتصال من لوجين اريد انزل جوه يم ماما
بعدني يم الباب رن جهازي رجعت آشوف منو رقم مجهول
جاوبت ب ملل اول مافتحت خط اجاني صوت ابنيه ناعم
تبجي بحركه تشهك بحجيها وسعت عيوني ب صدمه من حجت

اسيل : ولججج راح يموت اصُهب شسويتي بي الله ليوفقج

سدن : اريد اجاوب فصل الخط بوجهي رفعت ايدي على
حلكي مصدومه افكار تراودني اخاف صار بي شي
اخاف مات نزلت ادموعي ماعرف شنو اسوي وكفت
افتر بالغرفه القلق ذبحني رجعت اتمددت على افراشي
اريد انام مااكدر الخوف مسيطر عليَّ مر وقت كلش طويل
تعبت من التفكير نمت لا ارادياً لثاني يوم الصبح كعدت
غسلت وجهي اتوضيت صليت صلاه الصبح اريد انزل
رن جهازي اخذته نفس الرقم جاوبت بسرعه

_ الوووو الووووو اسمعيني
اسيل : ليش هيج سويتي بي ليش ؟ ولج والله راح يموت
ولج هذا اخويه الي ميهزه شي والله الكل يهابه ويخاف
منَّ اصُهب اخويه الصامد البارحه ابجي على حالته

من سمعت حسراته وناته متت الف موته هوَ اول تالي
يجي لبيت شارب شلعبتي بحاله انتِ دمرتي والله دمرتي

سدن : ايدي على حلكي اكتم شهكاتي ادموعي على خدي
حجيت بنبره مكسوره

_ اكلج اسيل هوَ وينه

اسيل : بغرفته حالته كلش تعبانه لا ياكل ولا يشرب

سدن : اريد احجي وفصل الخط بوجهي نزلت الجهاز من
ايدي ببطى رفعت ايدي على وجهي ابجي بصوت عالي
نزلت ايدي من سمعت صوت ماما

رنده : هااا بنيتي شبيج تبجين
_ راح يموت واني السبب
رنده : منو ولجج احجي منو راح يموت ؟
_ اصُهب يمه اخته اتصلت عليَّ
رنده : فهميني يمه فدوه اروحلج !
_ امسح ادموعي النازله على خدي اشهك بقوه
حجيت لماما كلشي اتقدمت عليَّ حضنتني اتحاول
اتهديني طبطبت على ضهري وحجت

رنده : اصُهب راح يتغلب على كلشي انسان شهم
لتخافين عليَّ بس اريد اكلج شي بنيتي اني شفت
الحب والخوف بعيونه يعنى مو هوَ الخسر لا
بل عكس انتِ خسرتي هيج شخص مثل اصُهب
نادر حارب القريب والبعيد لخاطرج