وقاد الاصهب

البارت الرابع

ــــــــــــــــــــــــــــــــــــــــــــــــــــــــــــــــــ الاصُهب
﷽
عذراء الزبيدي
بقلمي : روايه وقاد الاصُهب

لاتتركني وحيداً حتى لو اتعبتك معي

لطفاً لا تنسون التصويت والتفاعل بين الفقرات

لوجين
هزيت راسي نهيت الاتصال منَّ نزلت يم اهلي
اسمع ماما تبجي وتحجي بهمس وي اختي نزلت ادموعي
لا ارادياً رجف جسمي من كالت

رنا : يمه الدكتور كايل ابوج صحته يوم عن يوم تدهور
حالته
رسل : لا يمه فدوه ادعي ان شاءالله وي العلاج يتحسن وضعه

لوجين : ابجي ب همس ايدي على حلكي صوت شهكاتي
غدرتني وطلع صوتها لتفتت ماما عليَّ اتقدمت حضنتني
اطبطب على ضهري بايدها وبهاي لحضه كلشي كاتمته
انفجر بجيت ب صوت عالي نار ب كلبي مشتعله وصعب
تطفي بعد وقت بعدتني ماما من حضنها أتصبر عليَّ بحنيتها

مر كم يوم اتصل عم اختي ابو زوجها يردون يستعجلون
بالعرس وماكدرنا انأجل اكثر راحت اختي لمركز ورجعت
بعد فتره وكانّها لعابه كعدت تنتضر اهل الولد يجون ياخذوها
اكو شي بداخلنه ناقص بسبب مرض بابا بعد وقت مو قليل
طلعت زفتها لختي من بيتنا والمعازيم بدو يرحون شي بعد
شي نضفت البيت وي ماما كملت كلشي ودخلت لحمام
سبحت وسويت شعري لبست اتراك خفيف نمت من كد
التعب فزيت على صوت ماما تبجي نزلت ولكيت
عمامي ولد عمامي الكل يمنا وكفت ب مكاني من حجه جنيد

جنيد : ام غيث عيوني انتِ بس اسمعيني عمي لازم
يسافر لان حالته الصحيه ادهورت خلي يسافر خارج
العراق يتعالج
رنا :  يمه ولوجين شلون بيها وين تبقى والله بالي
راح يضل يمها اني مااكدر اعوفها وحدها

جنيد : صدك جذب ام غيث لوجين أمانتي وبروحي
قبل اعيوني اخليها

رنا : اعرف يمه بس هذا الشي مامقبول تبقى يمك
اعرف انتَ ابن عمها بس هذا الشي غلط

لوجين : التزم جنيد السكوت مااعرف ب شنو يفكر
اتحمحم وحجه بصوت خافت
جنيد : اعقد عليها ومن ترجعون يصير خير

رنا : شلووون تعقد عليها ليش نسيت شنو صار
من اسنين
جنيد : لا ام غيث مانسيت بس ماكو غير هذا الحل

رنا : كل الأطراف حترفض هذا الشي
جنيد : ميحتاج احد يعرف
رنا : شنوو ؟

جنيد : ام غيث افتهميني اعقد على لوجين ومن ترجعين
كلشي ينتهي احنا مجبورين انسوي هذا الشي وماكو
اي شخص غير اني وانتِ ولوجين راح نعرف