موج: گعدت من النوم على صوت دگ الباب
موج: هسه جاية فتحت الباب لگيتها خالة ام (وجدان)
ام (وجدان): صباح الخير خالة گومو تريگو
موج: هسة خالة بس اگعدهم ونجي
ام (وجدان): تمام
موج: هزيت وهج وگلت ،وهج وهج گومي تريگي
وهج:ها صقر شتريد
موج:ولچ ياصقر اني موج گومي تريگي
وهج: هسة اگوم خمس دقايق
موج: تمام اروح اصحي البقية على ما تگعدين
موج:هزيت وجدان وگلت ، وجدان وجدان گومي تريگي
وجدان : اريد فستان عرسي وكعبي يلا أنطوني
موج:يافستان ياكعب ولج كومي تريگي اني موج
وجدان:هسة هسة بس خمس دقايق وأگوم
موج:اهو ديلا
موج:رحت على سارة وهزيتها، سارة سارة گومي تريگي
سارة:خمس دقايق ماما عليج الله
موج: اني مو ماما اني موج ياسالفة ال خمس دقايق ال ماتخلص
موج :رحت على سرار واني خايفة تسوي مثلهم ،
هزيتها وگلت سرار سرار
سرار:شتريدين
موج:گومي تريگي
سرار:عشر دقايق واگوم
موج: يا يمه سويتيها عشر دقايق امري لله اروح اكعد حلا
موج:هزيت حلا، وگلت حلا حلا گومي تريگي
حلا: خايب ماتولين منانه
موج: هيچ صارت بسيطة
موج:رحت جبت ماي مثلج وذبيته عليهم
البنات بصوت واحد:غرگنا
موج: غرگنا ياعمو سامي ،وضحكت ههههههههه
حلا:اني اراويج
البنات ركضو ورا موج
موج: شفتهم گامو ركضت ركض ووگعت من الدرج وبعدها
اكو شي دافي نزل من راسي وماحسيت ب شي بعدها
البنات صيحو واجه الكل وشافها فهد
فهد:وخرو أشيلها اوديها للمستشفى
فهد:شلت موج واني راح أموت وصعدتها ب السيارة وسقت ب اعلى سرعة
وصلنا للمستشفى اخذو موج لل عمليات
فهد: مامستوعب لهسة كل الصار
وجدان : صقر كوم أخذنا للمستشفى
صقر : يلا گومو
وجدان: وصلنه كلنا وشفنه فهد يبچي
صقر: فهد ادعيلها البچي مايفيد ترا
فهد: ولله لو بيدي كلشي اسويلها روحي انطيها ولله
وجدان :الممرضه طلعت والكل ركض عليها
الممرضه: المريضة فقدت دم هواي ونريد متبرع دم الفصيلة O–
فهد : فصيلتي O– اني راح أتبرع
الممرضة : تعال ويانا حتى تتبرع
فهد: رحت وياهم وتبرعت هواي وصقر جابلي عصير وماشربته
ودخت وغمضت عيوني وما حسيت ب شي
فهد: فزيت لگيت شاديني مغذي وكانيولا واتذكرت موج وشلعت الكانيولا ورحت ركض ل غرفة موج
ام (وجدان): يمة عمة ليش گمت
فهد: موج موج
ام (وجدان): حالتها زينة تريد تدخلللها؟
فهد: راح ادخل عمة وخلي صقر يأخذكم للبيت
ام (وجدان):تمام
فهد: دخلت ل موج شفتها مغمضة عيونها گعدت يمها وبست أيدها
موج: فهد اريدك
فهد: عيون فهد
موج: اريد أبوسك
فهد: بست موج من شفتها بوسة خفيفة
موج: اريد اطلع
فهد: ماكو
موج: فهدددد ما اريد لبقة هنا
فهد: نگدر نطلعها؟
الممرضة: عيني تگدرون تطلعوها وكتبنالها دوة(علاج) لازم تأخذها
فهد: شلت موج ووديتها لل سيارة ووگفت ب نص الطريق
موج: ليش وكفت؟
فهد:معليچ روحي
موج: راح فهد و ورا شوية رجع وب ايدة كومة حلويات
فهد : هذني حلويات واندومي وكومة أشياء الج
موج: ليش تعبت روحك
فهد: تعبچ راحة موجتي
موج:وصلنا للبيت وشالني فهد ب حضنة ووداني ل غرفة وجدان
____________________________________
أسفة لان كلش قصير بس أعوضكم ان شاء الله 🥹❤️
