موج
يوم الأحد رن المنبه الساعه 5:30 صباحاً گمت من النوم رتبت سريري ورحت أتجهز للمدرسه دخلت للحمام اخذت شاور ولبست ملابس المدرسه وگعدت شويه أگلب ب موبايلي سمعت صوت الباب اندگ رحت فتحت لگيت بنت جيرانه (صديقتي )
موج : تفضلي سراب البيت بيتج
سراب: اليوم عدنا امتحان اجتماعيات اجيت علمود نراجع سوه
موج : هاچ هاي الكرسي اگعدي عليها واني اروح اجيب الجنطه واجي
سراب : تمام عيني منتضرتج
موج : جبت الجنطه صارلي يومين مانايمه اسوي ب الملخص هاذا
سراب : ولله اني اقره ب الكتاب
موج : اني ما اكدر لازم اسوي ال تعاريف ب ورقه والتعليلات ب ورقه والتعديدات ب ورقه
سراب : دوختيني سچاچه بعد
موج : ديلا يلا هاچ البورد (اللوح مال الورق ) لزميها واني اقرالچ شوفي وين غلطي
سراب : جيبيها
سراب:ماشاء الله ماعندچ ولا غلطه
موج:جيبي كتابج علمود اني الزم الكتاب وانتي تقرين
موج: شويه عندج غلط ب التعاريف عيديها لحد مانوصل للمدرسه يلا گومي
سراب : يلا گومي
موج: رحنا مشي لان المدرسه قريبه وصلنا للمدرسه ورحنا للساحه اني وسراب گعدنا راجعنه شوي ودگ الجرس الامتحان چان اول درس
__________________________________
سراب
گمت من النوم تريگت واخذت شاور ونظمت جدولي ولبست حذائي وجنطتي وطلعت للشارع ورحت لبيت موج دگيت الباب وفتحتلي موج ورحبت بيه وگعدت ب الكرسي وانتظرتها تجي علمود نراجع سويه
اجت وراجعنا وكملنا وگمنا نروح للمدرسه ووصلنا للمدرسه طبينه للصف خلينا جنطنه ؏ الرحله وطلعنا للساحه راجعنه شويه ودگ الجرس وچان الامتحان ب الدرس الاول طبينه للصف واجت المدرسه واني وموج قبل كل امتحان نقره سورة الفاتحه ونهديها ل أم البنين باوعت ل موج شفتها تقره واني هم قريت الفاتحه وكملت اني بـس ثلث اسأله ماعرفتهم أما موج چانت تكتب ورجلها ترجف بشكل مو طبيعي كملنه وانطينه اوراقنه للمدرسه وطلعنه للساحه سألت موج
سراب :شلون جاوبتي؟
موج: كلش زين جاوبت بـس چان اكو فراغ نسيتها
سراب :اني هم نسيت هذا الفراغ
وصار الحلة وحلينا للبيت اني وموج
وصلنا للبيت ...............
____________________________________
موج
وصلنا للبيت ومن دخلت شفت جدي وجديتي گاعدين سلمت عليهم وبستهم والجهال اجو حضننوني وباسوني
موج:على كيفكم يمعودين
دخلت للمطبخ سألوني شلون جاوبت
موج : كلش زين بـس فراغ ماجاوبت
ام (موج):هيه فراغ اهم شي جاوبتي يلا ادخلي جوه بدلي وتعاي واحنه راح نصب الغده
موج : تمام
ام(موج) : صدگ قبل لا انسه معزومين للعشه اقري من هسه علمود مايبقه شي وتروحين وبالچ مرتاح
موج : وين رايحين يمه ؟
ام (موج): خليها مفاجئه
موج : اهووو يلا راح اروح ابدل
موج: دخلت لغرفتي بدلت وكملت ورحت لگيتهم گاعدين ؏ السفره گعدت أكلت وكملت وطلعت للغرفه وقفلت الباب وشفت شعندي ب الجدول طلع ماعندي شي بـس كتابه وتحضير كتبتها كلها واخذت ريست صحت على اختي الصغيره انطيتها فلوس علمود اشتريلي تايگر واندومي اشترتلي وطبخت الاندومي وأكلتها ورجعت اقره التحضير وكملت التحضير
ورحت گلت ل امي.....
____________________________________
سراب
وصلنا للبيت ومن دخلت اشتميت ريحة دولمه
سراب : (بصوت عالي ) الله الله ؏ الريحه الطيبه منو مسوي دولمه
عمة(سراب):اني سويتها الج لان تحبيها
سراب : عاشت ايدج مبين من الريحة طيب
عمة (سراب): روحي بدلي وهسه راح نصب الغده
سراب :تمام عمه
سراب: بدلت وكملت ورحت گعدت ب السفره واكلت وطبيت للغرفه وقريت ومن كملت رحت كبل ؏ السرير ونمت ......
____________________________________
موج
رحت گلت ل امي
موج : يمه عود گعديني علمود أتجهز للعزومه مالتج اني راح اخلي منبه بـس خاف ما اكعد
ام (موج): تمام يمه راح اكعدج روحي نامي
موج: طبيت للغرفه واتجهت للسرير وخليت راسي ؏ المخده وغفيت
ونمت.....
____________________________________
صوتولي ب النجمه لاتنسون حلويني 🫶🏻🥹
