ソウルメイト (ආත්මයේ සහයකයා)

Episode 2 - අලුත් ඉස්කෝලෙ පරණ යාලුවෝ

සහස් අලුත් ඉස්කෝලෙ යන දවසෙ කවදාවත් නැතුව උදේම නැගිට්ටා ​ගෙදර අයටත් හිතාගන්න බෑ...නැගිට්ට ගමන් කරේ අයියට මැසේජ් එකක් දාලා කරන්න ප්ලෑන් කරන් ඉන්න කුප්ප වැඩ ටික කිව්ව එක....දැන් ඉතිම් කොහොමත් තනියම නෙවෙයිනෙ ඉන්න තියෙන්නෙ පොඩි කාලෙ ඉදන් කරපු නසරානි වැඩ ටික, කරපු කෙනා එක්කම තියෙනවනෙ....සහස් පුදුම Happy එකෙන් හිටියෙ...

"සුදු මහත්තයා අද පට්ට හැපී එකේ නේහ්, දෙන්නා එක්ක ඕනි නැති වැඩ එහෙම කරන්නෑ"

මොන දේ උනත් සහස්ගෙ අම්මා දැනන් හිටියා මේ දෙන්නගෙ නැටිලි ගැන...සහස් ගෙදරින් යන්න කලින් සහස්ගෙ අම්මා මේ වගේ කතාවක් කිව්වෙ කියන දේ ටිකක් හරි එයාගෙ පුතා අහයි කියලා හිතාගෙන...

සහස් ඉතිම් අලුත්ම ඇදුමකුත් ඇදගෙන අලුත්ම පැත්තක අලුත් ඉස්කෝලෙට යන්න Bus Stop එක ගාවට ආවා....උදේ 7ට විතර නිසා මහ ලොකුවට එලිය වැටිලා තිබ්බෙත් නෑ...නුවරඑලිය පැත්තෙ ඉතිම් එලිය වැටෙන්න කොහොමත් පරක්කුයිනෙ...Bus එක තියෙන්නෙ 7.20 උනාට සහස් උදේම ආවෙ කෝකටත් පලවෙනි දවසෙම පරක්කු උනොත් ඉවරයිනෙ කියලා හිතිච්ච නිසා....කොහොමහරි සහස්ගෙ වෙලාව හොද නිසාද මන්දා එදා Bus එක 7.10 වෙද්දි ආවා...බස් එකේ ඉදගන්න ඉඩක් නම් තිබ්බෙ නෑ...සහස් මේක බලාපොරොත්තු වෙච්ච නිසා කරබගෙන වටපිට බල බල බස් එකේ අයියලාගෙ ගෙවල් ගාවට වෙනකල් ආවා...අයියගෙ ගෙවල් ගාවින් අයියා නැග්ගෙ නැති උනාම සහස්ට දෙලෝ රත් උනා

"මේ යකා එන්නැද්ද අද? යකෝ බස් එකට එන්නවත් බැරි උනාද? මල කෙලියයිනෙ දැන්"

සහස්ට පුංචි බයකුත් දැනුනා අලුත් ඉස්කෝලෙ කොල්ලො රැග් කරොත් ඉවරයිනෙ කියලත් හිතුනා...ඕනි දෙයක් වෙද්දෙන් කියලා සහස් ඉස්කෝලෙට ගිහින් කලින් දවසෙ මාමා පෙන්නපු පන්තියටත් ගියා....යද්දි කලින් දැකලා පුරුදු මූණක් පන්තියෙ ඇතුලෙ හිටියා...

"පාර වැරදිලාද බොසා? දැක්කකල් යකෝ මෙච්චර කල් කොහෙද හිටියෙ"

ඒ දැකලා පුරුදු මූණ පන්තියෙ අස්සෙ ඉදන් සහස්ගෙ කරට අත දාගන්න ගමන් කියාගෙන ආවා...

"අඩෝ උබට මාව මතකද ශෙහාන්? මං දන්නෑනෙ උබ මෙහෙ යන්නෙ කියලා"

ශෙහාන් කියන්නෙ සහස්ගෙ After O/l Course එකක සෙට් වෙච්ච යාලුවෙක්...දෙන්නා ඒ කාලෙ ෆිට් උනාට ශෙහාන් ඉන්න පැත්තක්වත් ගීපු ඉස්කෝලයක්වත් සහස් දැනන් හිටියෙ නෑ...ලක්ෂපාන ඉස්කෝලෙ 12 Commerce එක අස්සෙ හිටපු ශෙහාන් දැක්කම සහස්​ට තවත් Happy....දැන් අදුරන අය දෙන්නෙක්ම ඉන්නවා....සහස් දැනගත්තා A/l Life එක ආතල් විදිහට ගෙවෙන්න යන්නෙ කියලා....මේ එක්කම ශෙහාන් සහස්ව දොර ගාවට එක්ක ගියේ ශෙහාන්ගෙ යාලුවොන්ට සහස්ව අදුන්නලා දෙන්න වගේ....ඒ එක්කම...

"කවුද බං මේ? අලුතෙන්ද?"

කියාගෙන කෙට්ටු උස කෙල්ලෙකුයි සුදු කොට කෙල්ලෙකුයි ආවා...සහස් බිම බලාගත්තෙ "කෙල්ලො කියන ජාතිය I Don't like that වගේ" සීන් එකක් පෙන්නලා...

"අලුතෙන් තමා බං...වැඩක් නෑ බං කෙල්ලෙක් ඉන්නවා"

ශෙහාන් මෙහෙම කිව්වම සහස්ට දෙලෝ රත් උනා...අවුරුදු 18ටම කෙල්ලෙක් ඉදලා නැති සහස්ට කෙල්ලෙක් ඉන්නවා කියලා අලුතෙන් ගීපු ඉස්කෝලෙ කෙල්ලො ටිකකටම කිව්වම සහස්ගෙ Aura එක -999 වගේ වැටුනා....වෙච්ච දේ උනා කියලා හිනා වෙලා හිත හදාගෙන සහස් පන්තියෙන් එලිය බලද්දි ඈතින් අයියා තව කොල්ලෙක් එක්ක එනවා සහස් ලාවට වගේ දැක්කා....ඇත්තටම සහස් නොදැන හිටියට සහස්ගෙ දුර පෙනීම ටිකක් අඩුයි...ඒක නිසා සහස් අයියව මේ වෙලාවෙ දැකලා පුරුදු නිසා අදුරගත්තා මිසක් හොදට දැකලා නෙවෙයි අදුරගත්තෙ....

"බස් එකට එන්න බැරි උනා බං, උබ ශෙහාන්ව අදුරනවද? අවුලක් නෑ අද දවල් වෙද්දි මුලු ඉස්කෝලෙම අදුරගනී...මෙහෙ කෙල්ලො නම් සැරයි කෙල්ලො නම් දාගන්න හදන්න එපා මෙහෙන්"

හැමෝම කෙල්ලො ගැන කියන එකනම් සහස්ට ටිකක් Weird...අයියා උනත් එහෙම කතාවක් කියද්දි සහස්ට ඒක ටිකක් Comfortable මදි උනා....

"මට කෙල්ලෙක් ඕනි උනොත් උබ දාලා දීපන්කො චරිත් අයියේ.."

සහස්, අයියට හරහට උත්තරයක් දීලා අයියයි ශෙහානුයි එක්ක ඉස්කෝලෙ වටේ රවුමක් දාන්න එලියට බැස්සා.....