اسميتها سلطانتي

الفصل التاسع

في بيت ابو امير
عند هبه
صارن يصيحن الحبايب: العرس جه العرس جه
و الحاطه طن مكياج وحاطه الكلنسه عله اثمهه و التلثم و التنادي بجهالهه لا يندعمون
اما هبه من كالن العرس جه صارت ترجف تحاول تسوي نفسهه طبيعيه بس رجفتهه كل مره تزيد

جه العريس اللي هوه حمد باسهه عله راسهه وكضب ايدهه وعله طلب من هبه جابو مصورة مو مصور و
حمد يحاول يبتسم جت من وراها ساندي لبستهه القبع و صورو چم صوره و طلعو متوجهين للقاعه

................**...............
في القاعه
اللي جانت منفصله طلع حمد من قسم الحبايب و ركضت سلطانه تسلم عله هبه وهيه ما تدري انو نادرة موجوده
سلطانه بابتسامة عريضه: الف الف الف مبروك يكلبي تستاهلي كل خير
هبه: الله يبارك بيج حياتي
سلطانه: تدرين انصدمت من كالو هبه متى انخطبتِ علشان تتزوجين
هبه: كلشي صار عالسريع و اصلن انتي جنتي غايبه كل ذن الايام
سلطانه: ضروفي
هبه: انتي و من جيتي....... او ويه من
سلطانه: جيت مع زوجي
ما انتبهت سلطانه عله نادرة اللي جت
نادرة: خييير زوج شنو يا شيخه تره ما يصير تشاقين هجذان
سلطانه بفرح: نادرة
وكامت حضنت نادرة
نادرة بشك: ايي ما كلتي زوج شنو
سلطانه: زوجي
نادرة: منو؟
سلطانه: فؤ... فؤاد
نادرة: يعني الكالتو المايعه صحيح
سلطانه: ايش كالت
نادرة: عود نسولف
سلطانه: حته انتي يا نادرة حته انتي صدقتيهم وصدقتي اني اسويها
نادرة ببردو بس من جوه تغلي: عجل ليش تزوجتي بهل سرعه
سلطانه بغصه: لان ما عندي ام تدافع عني و ما عندي اب يوثق فيني
سلطانه بعد هاذه الكلام راحت و كعدت بسد ام فؤاد
الحرمه اللي بسد ام فؤاد: هاذي البنيه مني
ام فؤاد ابتسمت: هاذي مرت ابني فؤاد
الحرمه: هيمت تجوز ما سمعنه
ام فؤاد: البارحه
الحرمه: وسويتو عرس
ام فؤاد: لا بعد ما سوينه
الحرمه تا تسولف ويه سلطانه بس كالت سلطانه: يمه انا بأروح اذا احتجتي شي ناديني
ام فؤاد: روحي يعمري انتي

راحت سلطانه وهيه ما تدري وين تروح
............**.............

اما في قسم الرجال
و عند فؤاد
فؤاد: يا اخي افرح خلص اليوم وانته معكض
حمد: يكلبي لو بيدي جان فرحت بس....
فؤاد: تدري اني همين تجوزت وغصبن عني بس الحمدلله هسع راضي
حمد بصدمه: تجوزت...... وهيمت تجوزت
فؤاد: اي يكلبي البارحه صارت احداث من اسولف لك اخليك تحمد ربك انك ما تجوزت مثلي
حمد كام و هوه الابتسامة من شحيف للحيف و سلم عله فؤاد: مبروك تستاهل حبيبي مبروك
و شاورو: الحمدلله تورطت مثلي
الكل استغرب ضحك حمد المفاجئ الا ان سمعو رد فؤاد: الله يباركلك
بعد هاذه الموقف نادة ابو فؤاد: فؤاد تعال يا وليدي
راح فؤاد اللي جان رزين و لوه مكانتو بين الناس
فؤاد: هله يابه
ابو جاسم: مبروك مبروك تستاهل بس صحيح اللي سمعناه
فؤاد: الله يباركلك شنو اللي سمعتوه
ابو جاسم نصه صوتو بس بالصحيح عالي: مواعد و ما مواعد ترا انته جبير و تعرف شنن ذن الحركات
فؤاد: اولا الكلتو مو صحيح ثانيا واحترام لعمرك ما راح ارد عليك بس لانك صرت گرايبنه
وراح فؤاد و خلاه
فؤاد مر من بسد حمد: دعد اروح بره هسع اجيك
حمد يدري انو صار تلاقي بالكلام من الصوت العله: روح