سمعت صوت الحبايب: الزفه جت الزفه جت
وحده من الحبايب: تلثمن تلثمن الزفه جت
امونه اركضي جيبي علاوي لا يندعم
حست انهه ترجف شدت عله فستانهه حيل حته ما تبين الرجفه بس صارت تبين اكثر
دحگت وتلاقت عيونهه بالشخص اللي گاعد على ركبه
وانصدمت و بنفس الوقت فرحت من حركته
جان كاعد عله ركبه ومبتسم ابتسامه عريضه ومقدم للهه ورده بيضه
اخذت الورده من ايدو
وهو گام و باسهه على راسهه
شافته مبتسم و رغم توترهه لا اراديا ابتسمت
فؤاد بهمس: مبروك يا سلطانتي
سلطانه خجلت: مبروك يا فؤادي
وعله طلب من سلطانه جابو مصوره
گصت المصورة للهم صور وطلعو متجهين للقاعه
بمساعده فؤاد لسلطانه
اللي على كرسي متحرك
..........**...........
بمكان ثاني مختلف تماما
تركض وياهم و تبجي: لا لا اني ادبر الايجار عوفو الغراض
ركضت عله الباب: عمي رائد انته تعرف حالتنه لا تسوي هجذان تره حرام عليك
رائد: لا مو حرام صارلج ثلاث اشهر تگولين الشهر الجاي الشهر الجاي وهسع اخذي هاذه المجنون و...
گال بسخريه: وو بررررهه
احتدت نبرة صوتهه: لا تقول مجنون وهو عاقل اكثر منك
رائد: ايييه عجل اخذي العاقل هاذه وبره
دحكت عله البيت بحسرة وهو هاذه البيت اللي عاشت بي طفولتهه و عاشت بي الحلوه و المرة و گبل وفاة امهه و ابوهه وبعد وفاتهم
وردت دحكت عله رائد وگالت بحده و ثقه وهيه ترفع اصبعهه: اذا ما خليتك تندم مو اسمي ولاء
و بحنان: حبيبي فادي امش نروح
فادي هو اخوهه اصغر منهه بسنوات قليله
بس صار مجنون من شاف امه و ابوه ماتو گدامه
مشه وياهه وهيه ما تعرف وين تروح تمشي و تستنجد بربهه وتكول بقلبهه: يا ربي يا حبيبي ساعدني مالي غيرك
صارت الدنيه ضلام ووگفو عند احد الثيلات (الحدائق) اللي بالشارع
جانت الدنيه حيييل بارده وهيه مو شايله شي تغطه بي بس قمصله للهه و لفادي
انطت قمصلتهه لفادي وهيه ترجف من البرد
فادي: هئ بي.. بييي...
فهمت عليه و ابتسمت: لا حبيبي اليوم هين ننام ما ضل عدنه بيت
اشرلهه عله القمصله يعني اخذيهه
أنت تقرأ
اسميتها سلطانتي
Fiction généraleهي روايه باللهجه العراقيه للكاتبه: الملقبه احساس اول روايه لي 1️⃣
