اسميتها سلطانتي

الفصل السابع

في بيت ابو محمد

عند ام محمد اللي انصدمت من كالت رحاب انو سلطانه و فؤاد متواعدين
واسيا كذالك
ام محمد: عيني اسيا خبري عله صهيب شوفي شصار
اذا طلعت جذابه ما تشوف رحاب خير
اسيا اخذت الموبايل تا تدك بس سمعت صوته
جه صهيب و نادر و ابو محمد
صهيب: جيت يمه جيت
ام محمد كامت: ها شصار
ابو محمد: تجوزو
اسيا بصدمه وصوت عالي لا ارادي: منو اللي تجوزو
صهيب بس دحك عله اسيا
ابو محمد: سلطانه و فؤاد
ام محمد بنفس صدمه اسيا : شلون تجوزو؟
نادر: يمه ابنج ما يثق ببنتو اصلن مبين لا فؤاد يسويهه و لا سلطانه
صهيب: اصلن حتين فؤاد بهدوم الشغل
ابو محمد: اااااااه اااااه
وراح بدون لا يسولف اي كلمه ثانيه
اسيا: اي كملو شصار؟
كعدو و سولفو لام محمد و اسيا كلشي

اسيا: شلون هسع يمه و محمد تا يجي من السفر
ام محمد: عادي هاذي السالفه لا تطلع وراح انسوي لسلطانه احله عرس
نادر و صهيب بصدمه: محمد تا يجي
اسيا: اي ملك كالت
ملك هي مرت محمد

نادر ضل مصدوم

بس اللي ما جان متوقع انو رنا سمعت كلشي سولفوه عن سلطانه و فؤاد وراحت كضبت مبايلهه وكالت للكل

................**...............

اما عند سلطانه
من اخذهه فؤاد من بيت سلطان وهيه خايفه منو ومن كلشي حواليهه و تحس انو فؤاد وحش مو بشر
اخذهه عله بيت اول مرة تشوفو وراح وخلاها

گعدت و كامت تبجي لان تجوزت بذي الطريقه معقوله ابوي لذي الدرجه ما يثق بيه انا اللي طول عمرة يگلي انتي غلاي اذا انا غلاه و كذا لو مهو بغلاه كيف
تعبت من البجي
كامت تريد تاكل شي ضلت تدور بس ما لكت كلشي
سلطانه: ايش ذا البيت حته اكل مهو بموجود
يربييي جوعانه

راحت تدور مرة ثانيه راحت الثلاجه وما لگت شي كعدت وهيه كاضبه بطنهه: يربييي لي ما يحس
بس شهگت لمن حست انو انفتح الباب
فات فؤاد ببرود: جبت اچل لان ماكو هين
سلطانه بتسرع: طلعت تحس
وسكتت لمن شافتو يدحك عليهه بنضرات تساؤل
فؤاد: شنو؟
سلطانه بتوتر: على ايش؟ مهو بشي
فؤاد: اخذي هاذه الاچل و اني دعد اروح تأخرت حيل عله دوامي من ارجع نروح لاهلي
سلطانه:.......................
فؤاد: محتاجه شي؟
سلطانه: ابا ملابسي ما جبتهم معي
فؤاد: اوك من اجي اجيب لج هدوم..... محتاجه شي اخر
سلطانه بتعود عله هاذي الكلمه: سلامتك
فؤاد استغرب بس ابتسم
راح توجه للباب بس وقف عله صوتهه
سلطانه: هنا فيه قرآن؟
فؤاد: اي اكو بهذيج الغرفه
اشر للهه عله غرفه
سلطانه: اممم شكراً
فؤاد بنفس لهجتهه: تبين شي ثاني
سلطانه تعجبت بس ما اضهرت وهزت راسهه ب (لا)

طلع من البيت متوجه للشغل وهو يكول بينو و بين نفسو سبحان الله البارحه مثل هجذان اني مو مفكر اتجوز بس اليوم و بنفس الوقت متجوز
يالله ﴿عسى ان تكره شيء وهو خير لكم و عسى ان تحب شيء وهو شر لكم و الله يعلم و انتم لا تعلمون ﴾
اللهم اجعلها خير