___________________________ غيض الأسرار
~~~~~~~~~~~~~~~~~~~~~~~~~~~~~~
تصويت+تعليق بين الفقرات بناتيي الحلوات🩵
~~~~~~~~~~~~~~~~~~~~~~~~~~~~~~
#ياقوت الموسوي
#غيض الأسرار
......................................................................
اندفر الباب علي نهضت بگل قوتي من الخوف كلت انتهيت طبو وهمه ينكطون شرار احس كلبي طلع من صدري كثر مخايفه
هدأت خطواتهم وكل واحد يكول اني متعصب اكثر منك محمد واكف وهمه وراه
زينب: ش ششبيكم
محد جاوبني اندار مصطفى يقفل الباب بعد ماسمع خطواتهن اجن
قفل الباب و صار يندك بقوه
ياسمين: محمد الله يخليك بس افتحه نفهم شكو
نزلت دمعتي كلت انتهيت وانتهت ثقت اهلي
اتقدم محمد بحركه سريعه لزم شعري وضربني راشدي فر وجهي فر حسيت طلع منه نار واذاني كامت تطلع منها دم
لزم فكي بكل قوته ورجعني ليوره لحد مانطخيت بحايط حيل حجه من بين اسنانه
محمد: شعندج وياا
زينب: بس افهمكم ولله ما..
بعدني ممكمله وانرفست من بطني
حسيت مصاريني اتكطعت
وخر محمد ولزمني مصطفى لزم راسي من وره وركعه بــ الحايط
مصطفى: احجييي شعندددج ويااا لوو تنتهين اليوووم
كل مااسكت مااجاوب يزود بلضرب راسي عنجر وصب دم من الضرب ماشاف نتيجه
دارني واخذ ايدي ربطها ع ضهري نفسه الحار لفح اذاني بغضب وهوه يحچي كلمة گلمة
مصطفى: جاوبيني شعندج
حجيت وحلكي كل مااحجي اتفل دم كثر ماوجهي يصب
زينب: صدكوني ماعندي شي هوه هوه مهددني
اريد اكمل ونفر مصطفى وسحبني علي
صار الراشديات ركع بوجهي
لزمني من شعري وفراني حيل منه لحد ماندفرت بــ الكاع وطك راسي بحافه جربايه شاغت روحي احس انتهيت كمت حته ماشيل ايدي احمي نفسي استسلمت الهم وهمه يدفروني صرت ماشوف شي غير الدم ترس الغرفه يضربون بدون رحمه علي يدفر بطني ومحمد بضهري حسيت كمت انازع ادور ع هوى ماكو يدفرون واني بس عيني مفتوحه
محمد: لجج ماااعندج شييي وانتتِ تتباوسوون وحااصرج ورايحه وياا بشقة شلووون
يصرخ ويدفر تعب وانهد حيله من الضرب اخذ مكانه مصطفى ماضربني ولا دفرني لزم شعري عتاني وتفل بوجهي وطلع
طلعو من الغرفه جسمي كل جزء منتهي ايدي ماكدر احركه عيوني ماشوف بيهن نزل الدم سمعت قفل الباب وماكو صوت هدوء غمضت عيوني بالم ودموعي نزلت حركت خدي صرت ارجف بكل قوتي احس انتهيت لا ايد ولا رجل رجلي اتصلبت اصابيعي انعوجت اجت نوبه ومحسيت بشي بعد
أنت تقرأ
غيض الأسرار
Mystery / Thrillerبُقعة على الأرض فيها ظلامٌ دامس خطوات نحو المجهول كُلما اقتربنا كُلما زاد خوفنا مابينَ العَزم والتردد نَحو التقدم قلوبنا تَرتجف رعبَاً من مانراه وحوش مُتلبده ب هَيئة أنسانية جَرفنا الوهم ليظنُ بِها خيرُ حتى ادركنا بشاعة مايحدث حافظنا على ما تبقي منا...
