أبيه يا سعود لو أنه جمرة تحرق كفوفي

البارت العاشر .

البارت العاشر .
**
" و السيف في الغمد لا تخشى مضارية
و سيف عيونك فالحالتين بتار "
**
فالمطبخ .
كان مروق على الأخير و جا مشاري من وراه و خرشه و فز على طوله
وهو حاط يده على قلبه
عصب و قال وهو يحذف علية المنشفه : وش جوك أنت؟
فطس ضحك و قال وهو يغمز : بالله عليك بوشو كنت تفكر ؟
عبدالله شوي و يهبده : أفكر شلون أقتلك بدون ما أحد يدري
مشاري حط يده على خصره و رفع حاجب : هذا الي يقال له من حبك قتلك ؟
عبدالله ضرب جبهته من القهر و قال : وربي إنك حمار
مشاري شهق و يمثل الزعل : أنا حمار؟
عبدالله زم شفايفه ماسك الضحكه وهو يشوف أم مشاري ماسكه الشبشب و واقفه ورا مشاري بالضبط
مشاري أول ما شاف نظرات عبدالله لف و يا ليته ما لف جاته هبده تجيب الصرع
حس عبدالله إنه بتجيه هبده ف حط رجله و هج و وراه مشاري
و شاف العيال جايين جهت المطبخ و أول ما شافوا عبدالله جاي مسرع
وقفوا و قالوا له : وش فيك ؟
سطام لمشاري : وراك جاي تلحقه كأنك كلب ؟
الكل فطس ضحك من كلمة سطام
مشاري قعد يتحلطم : ترا ما عرفت الحين انا كلب ولا حمار ؟
فارس قعد على الأرض يضحك على أخوه : يا عزتي لك يا مشمشه
ثامر بتفكير عميق : شباب بالله وش رأيكم نروح و نطب المسبح؟
علي فتح عيونه بتعجب من أخوه : واوووو أول مره تقول شي مفيد
ثامر رفع راسه بغرور : ترا أقوالي مفيده بس محد معطيني وجه
المهند يكش عليه : مع نفسك
سطام : دقيقه حنا كم شخص ؟
نواف : ارفعوا يدكم بحسب
الكل رفع يده
نواف : أممممم كلكم 9 نفرات
سعد يبي يسوي جو : بالله كلكم أوقفوا سطر واحد
الكل وقف زي ما قال سعد
سعد : بقول 1'2'3 و الأخير الي بيطمر فالمسبح يكون العشى علية
علي تحمس : والله ما أخسر
العيال مع بعض : ..
1
2
3
......
و أنطلق قطيع العنز جهت المسبح و المفروض كان لازم يحطون لهم أنشودة " أفتح يا سمسم " ..
الكل طب المسبح و كان المسبح مرره كبير و بشكل خُرافي .
سطام وهو يشيل التيشيرت حقه : المفروض تحطون أغاني !
العيال يخزوه
سطام : وش فيكم تخزوني كذا ؟
عبدالله مندهش منه : متى عضلت كذا ؟؟
علي يتفل عليه : والله سكرت ملفنا
ثامر : حتى six-pack احسن من حقتي
سطام ضحك عليهم و قال : هذا مجهود نفسي وش عرفكم
و كل واحد تيشيرته و بدوا يستعرضوا عضلاتهم
شوي الا يجيهم عبدالرحمن وهو مستغرب : وش ذي الزحمه ؟
توهم يستوعبون و يصرخوا عليه : العشى عليك يا هطففففف
سعد رجع شعره لورا و ابتسم و قال : مين قالك تبطي ؟
عبدالرحمن كشر : مالت عليكم .
نواف : بالله شغل السماعه نبي أغاني .
عبدالرحمن : ما تستاهلون يا مناغيل
المهند : خير ؟ ما المغولي الا أنت !
عبدالرحمن : أوريك مين المغولي
و يروح جهت السماعه و شغل أغنيه " prendio "
فارس : والله انها جوي
و هنا بدأ جدول العيال وهم يرقصون نفس الرقصه
و يضحكون و هواش شوي شوي و سباق سباحه
...
عند البنات .
صحوا من غيبوبتهم
روز شوشتها طايره و قالت بكسل : بنات اسمع صوت اغاني ولا انا باقي نايمه
تولان اول ما سمعت فزت و قامت ترقص و البنات ضحكوا عليها
و تروح و تطل على الشباك و حمر وجهها من منظرهم و رجعت للبنات وهي حدها مستحيه
رهف : وش وش شفتي ؟
ريناد : أنا بشوف
تولان ما تكلمت لأنها أول ما طلت على الشباك طاحت عيونها بعيون سطام الي بصدفه ناظرها و ابتسم لها وهي استحت
ريناد شهقت و استحت : بنات العيال بالمسبح ..
نوره : بنات شرايكم نكشخ و الي تطلع أحلى وحده لها الي تبي .
البنات جوهم كذا كل وحده راحت لغرفتها و بدت تتزين
روز و سديم وقفوا بفشله .
هديل : وش فيكم يا بنات؟
سديم ترجع خصله ورا أذنها : يعني ما عندنا شي نلبسه
ريناد أبتسمت : تعالوا وراي
و راحوا معها و دخت غرفتها و كانت مره كبيره
روز : ماشاءالله غرفتك تفتح النفس
ريناد تبوسها على الهواء : امواح فديتك
و راحت و طلعت لها فستان كان عليه كيس مو بين وش فيه
شوفوا يا بنات ألبسوا من معي و اكشخوا انا بروح لتولان
سديم تبوس خدها : يا زينك و يا زين طيبه قلبك
استحت ريناد و طلعت
و هنا بدأ التحدي .
**
خلونا نداهم غرف البنات و نقول لكم وش عندهن
*
أول شي بغرفة تولان .
دخلت عليها ريناد و قفلت الباب
لفت عليها تولان الي كانت مفهيه و ابتسمت لها : هاه انتي وش عندك ؟
ريناد ابتسمت : بكشخ معك بنصدم البنات .
تولان : وش وش بتلبسين؟؟
ريناد : إنتي أول وش بتلبسين !
فتحت تولان الخزانه و طلعت قميص اسود من الجلد كأنه فستان لحد فوق الركبه و كان له قصه شكل ٧ و مره يجننن
و بوت طويل لفوق الساق لونه اسود و فيه لمعه
شهقت ريناد بإنبهار و قالت : واوووووووو يجنننن يا زقه
تولان بضحكه شريره : بفوز عليكن
كشت عليها و قالت :باقي ما شفتي فستاني
تولان : اشوف اشوف
طلعته و كان فستان حرير طويل و له قصه ساق و قصه رهيبة من عند الصدر و له حمالات خفيفه
تولان تحطمت : فستانك يجنن يا وصخه
ريناد رفعت خشمها : احممممم
تولان ضحكت و رمت نفسها فالسرير و صرخت بقهر .
و رمت ريناد نفسها جنبها و صرخت معها
تولان انسدحت على بطنها و قالت وهي تحرك رجولها بشكل طفولي : وش فيك هاااا اعترفي
غطت وجهها و قالت لها : وش اسوي الحين صكيت عبدالله كف
تولان فتحت فمها بضحكه : الزق ذاك ما غيره ؟؟
ريناد حمروا خدودها : إي هووو
تولان حطت يدها على خدها و ابتسمت : قصه حب اشوف
ريناد حمروا خدودها زياده : اسكتي
تولان ضحكت و بينت غمازتها : أقولك شي ؟
ريهام : وشو؟
تولان : أحب سطام !
ريناد ناظرتها : أكيد حب طفولتك
تولان : رغم انه سحب علي الا اني باقي أحبه ما قدرت احب غيره
ريناد : وش تحبين غيره ؟؟ انتي ما شفتي كيف كان شوي و يحرق المهند لما كان يناظرك
تولان : هذا الي مخوفني منه
ريناد : وشو ؟
تولان : غيرته تخوف و فوق كذا متملكني بشكل مو طبيعي
ريهام : أحسن
تولان كشرت : الله يبلاك بواحد ألعن من الي معي
ريناد أبتسمت بحب : آميننن
تولان ضحكت و نطت على السرير : بنعرس أنا و أنتي بيوم واحد
ريناد ضمتها و هي تضحك : إييي
و قعدن يستهبلن و يضحكن و كل وحده تقول وش بقلبها .
**
بغرفة مشاعل و رهف .
رهف طلعت متروشه و شافت مشاعل بفستانها الأبيض المايل للون الوردي
و كانت تغني " الوتر الحساس "
رهف من وراها : فيه واحد عاشق
غمضت عيونها و كملت رقص .
ضحكت عليها و راحت و لبست فستانها الأزرق المنفوش
و قالت وهي ترقص و تتمايل فيه : طحنا بنفس الحفره
مشاعل ترقص معها : أكيد طحتي بحفرة نواف
رهف ابتسمت بحب و هي تدور بفستانها : إي
مشاعل متأكد إن الشخص الي تحبه ما أعطاها وجه ولا بيعطيها اساسا .
مشاعل تحمست : هو يدري ؟؟
رهف استحت : لا
مشاعل : قولي له
رهف بكبرياء : لا هو الي يجي و يقول لي مستحيل أفرض نفسي على واحد يمكن يلعب علي
مشاعل : أوف يالساطيه
ضحكت و قعدت تكمل رقص .
**
بغرفة غلا .
خلصت و كشخت و كانت زي القمر لابسه تنوره بيضاء و قميص وردي و بوت ابيض و علية لون وردي و حكت شعرها القصير شكل " ويفي "
راحت و فتحت جوالها و شافت رقم غريب كاتب لها كالتالي.
: من الأخير إن ما صرتي حلالي يحرمون عليك الرجال مو بعدي .
بدأ قلبها يدق : مو صاحي ذا
دخلت عليها ليان بفستانها البنفسجي و قالت وهي تغمز لها : بوشو مفهيه
غلا أبتسمت : اخوك مب صاحي
ليان : سعد ؟ إيييييييي منزمان مب صاحي
غلا قامت و سحبتها وهي مبتسمه : بكيفه ما همني ! تعالي نداهم البنات .
**
بغرفة هديل و نوره .
كانن مطقمات لابسات فستان قصير و لونه سكري
هديل : يا بنت فارس يقهر
نوره : وش فيه ؟
هديل : خاق على روز
نوره عقدت حواجبها : ليه إنتي تحبينه ؟
هديل بقهر : إييي
نوره بتفكير : أسمعي دامه مو معطيك وجه أسحبي عليه ترا الجمال ذا يستاهل واحد أحسن منه
هديل : صعبه
نوره : الا سهله بس انتي مصعبتها على نفسك
هديل تنهدت : ما ادرييييي
نوره بهمس : الله لا يبلانا
هديل كشرت و قالت : الله يبلاكككك
نوره شهقت : أستغفري ربكك
هديل مدت بوزها : لا
نوره : والله لتستغفري
و تهجم عليها
**
بغرفة "ريناد " عند روز و سديم
دخلت عليهن لجين و قالت وهي تصفر : يبوي سكرتن ملفنا
سديم وهي تدور بالفستان الأحمر : شرايك بسسسس
روز طلعت و كانت لابسه فستان بيج و قالت وهي مستحيه : بنات وش رأيكن؟؟
لجين شهقت : تفتفتفتفف ماشاءالله وربي تجنني
روز رجعت خصله من شعرها الأشقر : يزينك بس
سديم بحماس : تعالن نداهم البنات
لجين : مشينا
**
تحت عند الحريم .
أم سعد : أسمعن وش رأيكن نطلع لنا طلعه بالليل؟
أم مشاري : وين ؟
أم سعد : نروح السوق و نتسوق و نروح الصالون و نغير شوي
أم سطام تحمست : والله و إنتي الصادقه
أم مشاري : الصدق يبي لنا شويه راحه
أم سطام : إي لازم نغير جو
أم علي : أجل دام الرجال طالعين بتقول للعيال يقعدوا مع البنات عشان محد يهج
أم المهند : و انتي الصادقه
أم علي : خلاص أنا أقول لهم
أم مشاري : خلاص المهمه ذي عليك
أم المهند : بقول لسواق أنا على المغرب بنروح
أم سعد : قدامم
و فجأه رفعن عيونهن عل الدرج و ماشاءالله لا إله الا الله
مين ذول ؟؟ ملاك ولا وشو؟؟
و كل وحده تسمي على بنتها و تقول ماشاءالله
أم علي لغلا : أجل توت وينها ؟
غلا : تولان مع ريناد فوق باقي ما نزلن
أم علي : إذا أنتن كذا أجل الباقي وشو
هديل تلف بفستانها : يمه وش رايك بس
أم علي : تجننين تفتفتفتفف عليكككك
هديل تبوس أمها : أموواححح فديتككك يمهه
و هنا راحت روز و شغلت أغنيه " دق الطبل "
هنا ربطت سديم خصرها و بدت ترقص
و البنات يعززن لها و تصفير و حماس
و هنا شاش رأس مشاعل و راحت معها و ربطت خصرها و قعدت ترقص
و لحقنها البنات
و الأمهات تصفير و تعزيز
..