زقاق الدعلج

الحلقة22

2024

الكاتبة ديسمبر الشمرية

گزازة انتَ
ومن احطك بين العيون
ويا عين التغمض على گزازة
#اتبتز

حلا:-جسمي مشلول انفاسي متقطعة ماكدࢪ اتحكم بعضاءي مجرد عيوني فاتحتهم لساني ثكيل, ليش هيج وشنو كاعد يصيࢪ ماعࢪف تعبت كلش مليت طكت ࢪوحي من هلـ وضـع
نࢪشك شي حار فاير بوجهي شكد مااا حار عطت بعالي صوتي من لوچـع حسيت على ضࢪبات خفيفة كعدت عࢪكانة خايفة متعوبة حضني يمسح على ضهࢪي

دعلج:-  ولج شسويتي بيا مادكليلي مو هديتي حيلي عليج بس لو اعࢪف علتج شنو صدكيني اني اخلصج من كلشي بس خليج قوية

حلا:-دموعي نهاࢪت صارت عيني على ادين دعلج مزلقات ويجࢪن دم من طول لطول فتحت عيوني اشرت عليهن ادينك ادينك شبيهن؟  لزمت ادينه واديني تࢪجف ابجي واحجي ليش هيج ادينك؟

 :-هاي انتي هيج سويتي، رفعت اديني من ادينها امسح دموعها بنياتي ليش لبجي 

:-يوجعنك؟هزيت ࢪاسي اي يوجعنك اكيد

:-ترا مايوجعني وشحلات لئذية لو جانت منج بابا قابل بكلشي منج بس حبيني مثل ماحبيتج

:- قلبي دكاته تساࢪعت ࢪيكي نشف, فتحت عيوني باوعت بوجه ضليت صافنه وهو هم صافن بوجهي بلعت ريكي غطيت وجهي باديني ابجي بنحيب بمذلة بقهࢪ غصة بداخلي ذبحتني ذبح بس لمجࢪب هل وجع راح يحس بيا وخر اديني رفع وجهي يباوع عليه بخوف وحنان شفت نضࢪات وملامح بابا بيك دعلج نطقت هلـ كلام بصوت متقطع قرب وجه باسني من ࢪاسي وجر راسي لحضنه دفني بحضنه دفن حضنته حيل باسني من راسي اكثر من بوسه ماحسيت جاي يبوسني او يتقربلي بغاية اوو بنضرة مو حلوة لا حسيته بابا لكاعد يمي

دعلج:-حلا خليني اصير رجلج وخيالج وابوج وسندج

:-بس انت مجࢪم؟ دعلج انت مجرم؟ افهم اول وتالي ࢪاح يلكفوك وماتبقه الي

:-ولج بس وافقي حته لموت بعد مايكدࢪ يبعدني عنج

:-هو ماحط عطر بس ࢪيحته حلوة ماعرف شلون افسرها بس بي عطر طيب حضنته حيل راسي على صدࢪه لصلب حركت صدره وانفاسه السࢪيعة احس بيهم
ماوافق عوفني خليني اࢪوح عنك وانت هم سلم نفسك ونال جزاءك صدكني احسن حل الك والي اذا نضل هيج نموت

:-ماكو احد ينولد مجرم اني نجبرت اصير مجرم لا اب ولا ام عندي وجنت متلهف على شوفتهم او اسمع خبر عنهم ولج وصلت بيه ابوس رجلين سعد بس حته ينطيني اسم ابوية وهسه تردين اروح اسلم نفسي من كل عقلج اني صرت مجرم بسبب لࢪوس لكباࢪ

حلا:-منو لࢪوس لكباࢪ؟

دعلج:-ضباط وناس بالوزارة ناس اله مناصب وفلوس وكله بسبب هل فساد اني هيج صار بيااا وين اهلي وين عايشين عدلين ميتين ماعࢪف كلشي ماعࢪف غيࢪ اسمي دعلج وهاي صوࢪتي واني عمࢪي 5سنوات  طلعتها من جيبي صفنت بيها

:-قدم لصوࢪة الي اخذته من ايدة اباوع عليه صورة قديمة وملامح قليل مبينه ولصورة مو كاملة مشكوكة نص منه لان جسم مال رجال ودعلج كاعد بحضنة هذا ابوك؟

:-هزيت ࢪاسي بأي دنكت اشد بجࢪح رجلي 

:-زين معقولة اهلك شمروك لو باعوك الهم؟

:-لا اهلي مايسون هيج كلبي يحسني اهلي خوش ناس اخ لو اكض دمار كلشي يعࢪف لسالفة كلها بيدة ابن لحࢪام لنذل

:-منو؟ دمار وشنو لسالفة؟

:-ابن سعد هذا الزيبك اني ࢪبيتة على ايدي زبالة سعد وهيفاء اني درت بالي واكلتة ونومتة وهو طفل

:-يعني شنو؟

:-شمرتة علية هيفاء ضليت انومة يمي اروح لشغل ورجع اوكلة وابدلة وهو ابن هيفاء وسعد بالحࢪام
دمار يكره اهلة ويࢪيد يكتلهم بس اني واكف بوجه

:-ليش؟

:-سعد يريد بس يكضة وهيفاء تريد بس تكضة ودمار بيدة مستندات وادلة عليهم وحته اني وياهم احنا كلنة شبكة وحدة

:-وكتنة موخوش وكت مابي امان ولا ثقة الـ ام تتبررة من بنته ولـ ابو يتبرة من ابنة لصديق يغدر صديقة ولاخ ياكل اخو ماعرف شحجي وشكول بس وكتنة تعبان وتعبني

:-انة اصيࢪلج ࢪاحة اصيࢪلج امان وثقة بس خليني اشوف منج لحب بس حبيني احلفج باغلة شي عندج حبيني

:-ماكدࢪ احبك لحب مو جبر لحب من لقلب

:-چا شمالة كلبي هيج بساع هواج

:-كلامك

:-شبي؟

:-حلو

:-هو اني هم حلو موبس كلامي

:-كام يحجي بغࢪور ونفخ ࢪيشاتة ضربتة على بطنة حيل لاتنغࢪ لاااااا اشوفك لغࢪور على اصولة استاذ دعلوجي
ضحك بصوت عالي كام يهتز من لضحك  ضرب ايدة بالكاع من لضحك مسح عيونة لغوركن

:-ضحكي بوية, هههههههه

:-شنو ليضحك وجه لبومة

:-انة بومة, عادي هم قابل شتحجين قابل اخ بوية ضحكت هواي لازم اكو مصايب وراا هل ضحك نكت اديني من لكاع وكمت انكت ملابسي

:-حجيت بصوت ناصي هو انت مصيبة بحد ذاته دار وجه يباوعلي هز راسة وضحك ترا والله تخوفني من تضحك حت ضحكتك مالـ اشرار

:-كومي حلا نࢪوح لا انكلب جني عليج

:-شلت حجارة من لكاع شمرتها علية عوذة منك ومن لسانك لخايس هو بس انته عوز تنكلب جني الله يطيح حضك وحض لجني وياك.....

...............

يتبع

لاتنسو التصويت والتفاعل يقلبي صح لباࢪت قصيرر بس اعوضكم  من ࢪجع للبيت