2024
◇◇◇◇◇◇
الكاتبة:-دٓيسًمِبْرٰ الِشَمريه.
لم أطلب أن تأتيني معجزات الدنيا السبع، كل ما أردته هو وجودك بجانبي.
◇◇◇◇◇◇
"غزاله"
:-بـعد مࢪور اسبو؏ ثقيل بالتفكيـࢪ ولقهࢪ.
غزاله:-ماعࢪف شلون مࢪ هلـ اسبوع اكثر وقتي اكضي وياا جدي وشغلي قبل يومين ࢪحت اني وامي جهزنه غࢪاض الخطوبة كلشي صار مثل الحلم, ماعرف احس نفسي تايهه اࢪيد احد يدلني على طࢪيق الصـح افكر اخذ جدي وامي واختي ونهج من لبيت لا وحته من لعࢪاق اترك كلشي
وبنفس لوقت اعرف ماࢪاح يقبلون, دموعي طاحت بنكساࢪ كمت للجࢪار اخذت صوࢪة ابوي ونص لثاني مشكوك مامبين صورت اخوي حضنت الصوࢪة ابجي واحجي وياهم وينكم يحيلي حملتوني مسؤلية جبيࢪة, انة تعبانة تعالولي تعالو شوفو لغزال شصاير بحالهه وينكم مدتت بالكاع ابوس بالصوࢪة واشكي.
يابه اعࢪف كاعد تشوف حالي بويةة ضهري مكسور كسࢪوني ماكدرت احمي اخيتي يابه اسفه انة اسفه وينكم كل كلمة احجيها تشࢪح كلبي وتكطع ࢪوحي ࢪاح ازوج وانة لا ابوي ولا اخوي يمي شلون بيه تعالولي انة بحاجتكم.
"هاخوية هـ هاخوية دكـ كول انة عينك" اغني بنحيب وضعف بصوت هايم للشتياق "بين علية ذنيـچ ࢪصعات لخدود"
اتمنئ اعࢪف عنك خبر انت عايش او لا اࢪيد اࢪيح كلبي وكلب امي لمتلوع, ابجيلكم دم بس تردون الي انطيكم ࢪوحي فداء بس ارجعووو احس عيوني وࢪمت من لبجي مشتعلات ناࢪ معدتي تكلب.
شفايفي تࢪجف كمت ارجف ادور امي نزلت مختنكه,نزلت لبيت يلمع ومعطر متحضࢪين للحفلة بلعت ريكي صاࢪت بوجهي بتول مبتسمة نطقت بصوت مذبوح امـ امي وين؟
بتول:-مادري.
:- فتريت لبيت كله ماكو طلعت للحديقه جانت ترش الزرعات ورد اول ماشافتني ضحكت وتلكتني بكلامه لحلو
انتصاࢪ:-هلا يمه هلا يحيلي.
:-حضنته اشهك, يمهههههههههههه راح اموت يمهههههه
انتصار:-اسم الله الࢪحمن, يمه شبيج شووو باوعيلي شووو دࢪفعي وجهج يمه بنيتي.
:-ضليت حاضنته بقوة وابجي بعالي صوتي مليت واني امثل لقوة يمههه ماكدر اعوفج شلون ماصبح بوجهج يمه لو شتاقيتي لعزيزج منو يصبرج غيري, كعدتني وهيه تمسح دموعي وتدموعه تنزل حضنتني بقوة تبوس راسي
أنت تقرأ
زقاق الدعلج
Actionالماضي الذي يراود الدعلج وياخذه به الى زقاق الخوف والرعب وماذا سيحصل وهل الدعلج سوف يغير مسيرته
