" تحت مَ يسمى القَدر

القدر الثاني

﷽

نبـــدأ بذكــــر الله

"البارت الثاني"

بقلم :هويدا الدليمي
القِصه :تحت مَ يسمى القدر

لطفاً تصويت للبارت - مُتابعه الحساب +تعليق بين الفقرات مُتابعه حساباتي مُهم

lnstagram : howida_al_dulaimi1
Telegram:howida_al_dulaimi1
_____________________

تسألني الشوارع وَين الأحباب
وَين اليوگفون بعتبة الباب
ابشرك سلموني بحلگ الذياب
نسوا اني جنت في يوم خِلهم
ما ظلّي أهل حتّى أرجعلهم
انا احباب گلبي ارحلوا كلهم
بالغربه وعليَ جروحي صاحت
وحرت مدري أشدهم مَدري افلهم
ما ظلّي أهل ما ظلوا أحباب
وأعز الناس ناموا جوا التراب
بقى بَس الجرح ، والجرح ماطاب ..
______________________
    

لارين

نامو كلهم وبقيت أني كاعده وراها فتحت الشباك وشفتت صديقاتي يلعبن طلعت من الشباك العب وياهن ونسيت الوقت فزيت ع صياح امي

انزل:ولج شتسوين بهل ساعه برا البيت اني مو قفلت الباب شلون طلعتي

ضليت ساكته وماحجيت شي اخذتني للبيت ولزمتني كتلتني

مرت فتره وصرت ثالث متوسط جان عندي صديقه اسمها فاطمه اعز وحده علي صارت عدها مشاكل بلبيت اثرت ع نفسيتها وبين ليله ويوم انتحرت كدام عيني ضليت صافنه عليها ومصدومه بنفس الوقت ماعرفت شنو اسوي من الصدمه
كل المدرسين والمدرسات التمت عليها
اجه حُسين وشافني ركض وسد عيوني حتى ما اشوف بس اني شفت كلشي
تأثرت نفسيتي وانقطعت علاقتي بالكل حتى حُسين دخلت حاله نفسيه سنه كامله اني نفس الوضع افز من النوم اشوف فاطمه منتحره كدامي
الثالث عدته بسبب عمامي وحبسوني بالغرفه حتى ما اطلع كل يوم يجي حُسين يحجي وياي حتى ارجع مثل قبل وبيوم جنت كاعده وحدي صافنه بالحايط وفجأه انفتح الباب فات حُسين شافني صافنه

حُسين : شلونج لارين

ضليت ساكته ومجاوبت

حُسين : لشوكت تبقين هيج ماكافي حرام عليج هيج تسوين بنفسج

بجيت بصوت عالي حجيت واني اشهك

لارين : شلون تريدني انسه واني شفتها انتحرت كدامي ما اكدر انسها حتى بحلامي دا اشوفها

حُسين :لارين شرايج ترجعين تدرسين بلكي تطلعين من الي انتِ بي

هزيت راسي بـ اي عافني وكام مرت فتره ورحت ل بابا حتى احجي ويا شفته كاعد بالغرفه يقرأ قرأن دكيت  الباب سمحلي بالدخول