كانت الأمطار تتساقط بغزارة، تُعزف أنغامها على زجاج النوافذ. ووالوقت قارب على ان يصبح مضلماً، كان هناك صمت مريب. وقفت ، و قلبها ينبض بسرعة، وهي تسترق السمع لأصوات غير مألوفة. كانت تعرف أنها ليست وحدها.
تذكرت حديثها مع اختها قبل ساعات. "تمام بس انا قتلك انه متطلعيش بروحك و الوقت تأخر و قريب يصير ليل انا تو نجيك متطلعيش لين نوصل فهمتي"
فجأة، احست بوحود شخص ما ، وظهر ظل غامض في جانب العماره. لم يكن الوقت كافيًا لتفكر، حدث صراع وفجاة صوت سقوط شيء من اعلى العماره
و ماهي إلا ساعات و ساد الصمت في المكان دم و فتاتان و جثة......!
ــــــــــــــــــــــــــــــــــــــــــــ
سارة: جود متردش على اتصالي من امس و انا نتصل بس مفيش رد
المدير: بس لازم تشرف على الجزء الاخير من بناء العماره اكيد مش حا تخليه واقف هكي تكمل كل شي بدت بيه
سارة: اكيد صاير معاه ظرف طارئ جود حريصه ودايما تكمل في خدمتها بشكل مطلوب
المدير: تمام حاولى معاها لن ترد معادش فيه وقت غدوا تمشي للعماره
رامي: مش معروف بس احتمال انه كان يتعارك مع حد و طاح او محاولة قتل او انتحار مش معروف لتو
منذر: منو ظابط تحقيق يلي بيحقق في الجريمة هذي
رامي: قالو رائد القاضي
منذر: معناها مش حا طول قضية باش يحلها
جود: الو سارة
سارة: وينك يا بنت انور من صبح وهو يسأل عليك و قال خيرها معش مشت للعماره خدمة بتبدا و لازم تكملي
جود: تمام غدوا نمشي ان شاء الله
سارة: خيرڪ كأنه صوتك فيك شيء
جود: ابدا مافي شيء بس تعبانه شوي
سارة: عندك حق مرتحتيش بكل و المشروع زادك ربي يكون في عونك تبي اي شي كلميني
جود: اوكي نشوفك على خير
شافت جود لى الاء يلي كانت راقده او بالاصح كانت دايره روحها راقده كانت تشوفلها وعلامات حزن على وجهه
الاء: بتمشي للخدمة متأكده لنفس لمكان
جود: اكيد المدير معصب و مفيش كيف منهرب من خدمة
الاء: ناضت و جلست كانت ماسكه ايديها الاثنين وبخوف وتوتر زعما يشكو فينا
جود: ما اعتقدش الجو ليل و مفيش حد خلينا نسكرو على السيرة
الاء: كله بسببي عارفه و قعدت تبكي بدون صوت
جود: بعد سكوت طويل رن تليفونها كان محمد خوها
جلال: هني بظبط صارت جريمة....
رائد: اسم ضحيه
جلال: معاد...... عمره 30 سنة يخدم في تجارة بوه تاجر عقارات كبير
رائد: عنده مشاكل مع حد
جلال: عنده مشاكل و حسب ما بحثت فيه شكوك انه يتعاطى و يتاجر في نفس وقت
رائد: مشتبه فيهم هلبااا قعد يشوف للمبنى الواضح انه العماره بادين يكملو فيها
جلال: اي بادين ليهم فترة بس الاسبوع لفات بسبب جريمة وتحقيقات وقفوهم شوي
رائد: حا نشوف المبنى من داخل و انت شوفلي الشرطة شن لقوه في مسرح جريمة
جلال: حاضر
نجوى: خيرها اختك منضتش قاعده و لا ماتبيش تمشي للقناة غريبه
جود: وهي ماسكه كاسة العصير تعبانه شوي بعدين ضغط الخدمة وهكي بيأثر تو ترجع
نجوى: و ءنتي خيرك معادش مشيتي للخدمة
جود: العماره يلي مشرفه عليها كانو موقفين لاسبوع لفات بنبدا غدوا
انس: اي قالو لقو ولد امين تاجر مقتول
نجوى: العفو يا ربي مقتول ومن قاتله
انس: فيه يلي يقول مقتول لان عنده مشاكل و فيه لى يقولو انه منتحر و فيه لى يقولو انه منافسين واعداء بوه هكي مافيش شيء معروف لتو
جود: معناها معاد طلع
نجوى: قلتي شي جود
جود: لا ما قلت شيء
انس: جود ردي بالك يا بنتي انتي بتخدمي في لعماره هذي ردي بالك متعرفيش شني يصير و مرات حتى مجرم مشدوشي لتو
جود: ان شاء الله و ناضت مشت ركبت لى غرفتها و هي مصدومه
طلال: تمام امي اول ما نوصل نكلمك حاليا عندي خدمة و يمكن نتأخر فا ينشغلش بالك عليه
مجد: شني الامور وين الغيبه
طلال: مشاغل الحياة يا صاحبي مش لاقي وقت حتى نتنفس يا راجل تعب
مجد: اي هذا حال دنيا مافيش حاجه بساهل شني فيه شغلتني لما لقيتك باعتلى نبيك بسرعة
طلال: موضوع نفسه
مجد: يعني امك مصره انها تاخذلك بنت خالك
طلال: مشكلة اني رافض موضوع زواج نهائي و عارف امي بعد ما توفى خويا تعبت نفسيتها ومنبيش نزيدها و في نفس الوقت ما نبيش نظلم روحي
مجد: معناها شوفلك بنت كيف ما تبي انت و تزوجها تريح روحك وتريح امك
طلال: مشكلة هذا قاعده مجتش من تاخذه وتخليني نتزوجها طول بلا ما نفكر في عشرين سؤال
مجد: اي ان شاء الله تجي سعيدة الحظ وتريحك وتريحنا يا رب وقعد يضحك وفجاة صوت رسالة وصلت
شافها... " معاد تاجر يلي مات "
طلال: خيرك شن فيه...!
مجد: لالا شيء غير يبوني في الحوش اني تو بنمشي نتلاقو ان شاء الله
طلال: ان شاء الله يا غالي
عند رائـــــــــــد
يتفحص في مكان الجريمة يحاول يدور يمكن يلقى شيء يدله على القاتل يدور في اثار مكان للعركة او اي شيء يوصله للحقيقية، مطر كانت صابه وقتها اثار متسحت و الواضح انها صارت مع بداية ظلام مفيش اثار لدم يعني الجاني منأذاش بس هذا شنو وفجاة
هذي شن وصلها لى هني هي هني من قبل او...... بينها وبين لمكان لطاح منه ضحيه ثلاثة امتار
جلال: سيدي شرطه قالو انهم لقو مع ضحيه تليفونه و لقو سكين بس مفيش عليه اي بصمات
رائد: يفكر هل لمطر مسحت بصمات او قاتل مسحهم بنفسه وهذي شدير في مسرح جريمه
جلال: لقيت شيء سيدي
رائد: لا مافي شيء انا تو بنطلع و انت جيبلى يلي كان عندهم معاه مشاكل باش نحقق معاهم
جلال: حاضر سيدي
رائد: اي و اول ميرجعو يلي يبنو ومشرفين ع عماره اعطيني علم باش نسالهم كم سؤال
محمد: اني حاليا في طريق قاعد قاعد موصلتش للمحطه
جود: تمام اني بنمر نروح بيك و بنمر على مكان في شوري مرات نتاخر شوي
محمد: تمام اول ما نوصل نكلمك
جود: تمام، تو بنسكر مكالمة داخله عليه
مجد: من قلك ان هو
جود: بابا اليوم على لفطور قال هكي قال انه ولد امين التاجر
مجد: معرفوش سبب الوفاة...؟
جود: لا فيه يلي يقول بسبب مشاكله و يلي يقول بسبب فلوسهم و شرطة مفيش ولا صوت لتو
مجد: انتي وين تو
مجد: بنمشي للمكتب بنشوف مشروع و بنمر ع محطه بنروح بــــــ محمد
مجد: تمام ردي بالك على روحك وضع ميطمنش و هدي روحك
جود: صعب صعب اعصابي تالفه و مش عارفه كيف نتصرف
مجد: حاولي و اني تو نشوف كيف نحلو موضوع
جود: تمام تو نشوفو ءني حاليا بنسكر بنمر على الاشارة وشرطه
مجد: تمام
جود: وهي حاطه يديها على دومان سيارة خليك هادية وقويه يا جود تنحل كيف بتنحل يا ربي...
المدير: شن صار يا سارة
سارة: كلمة جود وهي من غدوا بتباشر العمل
المدير: كويس المشروع متع فندق مني يلي يخدم عليه
سارة: ايمن و محمد
المدير: تمام احتمال جود تنظم ليهم باش تعطيها علم
سارة: حاضر
امنه: خيرك يا منيره اليوم وضعك مش عاجبني فيه حاجه
منيره: مش عارفه بس حاسه روحي مضايقة هلبا و حاسه الحوش بعد ملاك قعد فاضي
امنه: هذا حال دنيا هي تزوجت ومرتاحه و الحمدلله و قعد رائد زوجيه تو يبدا الحوش مش فاضي
منيره: يا ريت يا ريت بس هو راسه مسكر تعرفيه ميسمعش مني بكل
امنه: بنت خاله كويسه لو يوافق اخطبيهاله دامه لاهي في خدمته بس انتي شوفيله
منيره: مش حا يوافق مش حا يفكر ياخذا من العيلة نعرفه
امنه: تو نشوفلك وحده تعجبه على ذوقه مش من العائلة
محمد: وصلت ءنتي وين....؟
جود: مقبلاتك على طول هيا
محمد: جي وركب معها، شني امورك باش مهندس
جود: كويس كابتن و ءنت
محمد: تعبان و ناعسني النوم و عظامي من طريق تكسرو
جود: شني رايك نمشو لمكانه المفضل
محمد: معناها جوك اخيه داما هكي
جود: نوعا ما
محمد: هيا اقلعي بينا يا باش مهندسه
رائد: مقعمز في سيارته على شط و يفكر و يربط في الاحداث ببعضها و كيف.... وصلت للمكان هذا وهو مفيشي سكان وبعيد على مكان سقوط ضحيه ثلاثة امتار فيه جزء من نص مفقود يا رائد لازم تعرفه لازم وقاطعه صوت اتصال
جلال: سيدي المشتبه فيهم في المكتب
رائد: تمام جاي.
# ظابط رائــــد القاضي ونبو نسألوكم كم سؤال بخصوص جريمة صارت هني.. المهندسة جود الرازي من...
# ءنتي كيف تتصرفي هكي.... مفكرة كل شيء يقعد مخفي و مايعرف حد.
