حين فقدت الأمل ظهرت أنت !

الحلقه الثالثه

اسم الࢪوايه : حَيـِᘓɹ̇، فـَقـدتُ، الأمَـل، ظَهـࢪتَ، أنتَ،❤️‍🩹 𓏲 .
للكاتبـه : وٱسۜيۧ ❤ 𓏲 .
الحَلقـه: الـثالــ(3)ـثـه .

رۆآيَآتٌ لُيَبْيَہ لُلُگآتٌبْہ♥ وٌيَسِيَ آلُعۆآميَ♥.
•••••••••••••••••••••••

امين : توه هيا نمشو في حد غادي يبي انقاذ
باسل: تم بس قبل ما نمشو كلم واحد من العساكر يوقف جنب السيارة مؤات اتنوض ولا حاجه هك
امين: حاضر هي
باسل: تم

باسل(لما شاف نارين و حكاله جارها اذكر روحه قبل عشر سنين كان في عمرها وتوفى باته)
باسل(تنهد): انا اللي راجل ماتحملتش موتت باتي فما بالك انتي بنت وزيد عليها هما الاثنين ربي يعينك لنقنها ڪاࢪثه ربي يعينك بس

(عدو باسل و امين لـ فريق الانقاذ وقعدو يطلعو في الاطفال وباسل يخاول يتمساسك قدامهم)

رواسي: أي شخص صعب وقاسي تأكد ان اكثر شخص حنون صح عصبي بس حنيته تنسيك عصبيته حتي لو ان حاول يخفيها بس هيا حتكشفه

نࢪجعو للمشهد:

(باسل شاف وليد في عمر «4»سنوات كول يبكي)
باسل(خذاه من الوطا و حضنه): اشش اهدي يا بابا كنك تبكي
الطفل: ا ا احتي «اختي» عدت للسماء هيا و ماما هكِ قال عمو💔
باسل(وجعه كلامه): باهي حبيبي وين بابا؟
الطفل (يبكي بالعبره): بابا مسي«مشى» للسماء من زمان ماما قالت💔💔💔
باسل(باسه حضنه بقوة وڪسره الوليد اكثر ماهو مسكور ؏ نارين)
باسل(نزلت دمعه من عيونه مسحها وهوا حاضن الطفل): حبيبي عدي توه مع العيال تو نجيبلك حاجه سمحه وانجيك
الطفل(مسح دموعه): بـ به شكلا«شكرا»
باسل(ضحك ع براءته): عفوا 💔

•••••••••••••••••••• رۆآيَآتٌ لُيَبْيَہ لُلُگآتٌبْہ♥ وٌيَسِيَ آلُعۆآميَ♥ بًنِوٌتٌهّ آلَسِبًعٌ🔥♥ ••••••••••••••••••••

(اشويا وجاء عسكري لـ باسل)
العسكري: سيدي الانسه الي في السيارة ناضت
باسل: تم منور (صبى ومشالها)
(فتح باب هوا وقعمز في السيارة)
باسل: كيف حالك توه؟
نارين(هزت راسها بمعني الاجابه)
باسل: لازم تكونِ قويه وتردي كيف ما كنتي واضح انك عناديه و راسك مصكر قوي روحك را الدنيا حـ تمشي وهذي هيا الدنيا فانيه
نارين(بحتت فيه)(بصوت مبحوح): الكلام ساهل
باسل: عارف ان الكلام ساهل بس انا صاير معايا كيفك كان عمري 18 سنه لما توفى باتي يومها كابرت وقويت روحي قدام امي و خويا وعاهدت روحي ان نعيش هلي ڪيف ماكانو عايشين ماننكرش ان مادياتنا قبل موت باتي كانن كويسه بس لما توفي خلاص توفي وانا عمري 18 سنه خريج ثانويه قعدت نشتغل ونقرا في كليه العسكريه وتخرجت والحمد لله لقيت فايده لياء وتوه اسالي ع باسل(الفلاني) امر كتيبه (###)
نارين: في فرق كبير بيني وبينك
باسل (عارفه الفرق بس يبيها تحكي): شن الفرق؟
نارين (تحكي بصوت شبه رايح): اولا انت راجل والكبير لازم اتكمل ثانيا انت باتك بس توفي امك وخوك حيين ربي يحفظهم بس انا مات سندي مات باتي مات حبيبي وخويا و صاحبي وكل شيء لياء وامي كانت معايا كل لحظه وكل دقيقه حتي (تحكي وتبكي) حتي اخ ننسند عليه ماعنديش 💔انت قاومت وكملت عشان خوڪ وامك انا عشان من بنكنل بس قولي
باسل (معرفش شن بيقول): انا خوك انا سندك انا معاك مش حنقصر معاك في شيء عارف قصتك كامله
نارين(تبكي): والله انا تعبانه 💔مش عارفه ليش مالحقت ماما ومتت معاهم انا حاليا نشوف في الدنيا ابيض و اسود مافيهش الوان
باسل(اشرله امين وفهمو ع بعضهم): باهي توه تنزلي معايا تودعيهم قبل ما يندفنو💔
نارين (الدموع ينزل بدون صوت)(هزت راسها)
(باسل نزل وجاء لبابها وقفها وسكر الباب)
باسل: امشي معاي
نارين(تمشي وهيا قلبها من معاها)
(وصلو لـ مجمعه الجثث واشر العسكري ع وحدهمنالجثث)
نارين(طبست تبي تشوف وجه باتها)(حطت يدها ع الكفن ورفعاته من ع وجه): با با بابا (تبكي تلمس في وجه)(انهاااااارت) بابا لمن خليتي يابابا امن خليتوني كيف نبي نعيش بلاكم يا بابا اهه
(باسل رفعها من الجثة ومشي بيها لـ جثة امها 💔)
نارين(ماقدرتش ترفع الكفن): ماما اكيد انتي حيه نوضي بتسبوني لمنننن ماما امس الوقت هذا كلنا نيصرو وانتعارك معاك نوضي يا ماما والله مش حنقدر نعيش بلاك والله مش حـ نقدر نعيش بلاكم نوضو💔💔💔)
(باسل يصبي فيها)
باسل:اذكري ربي
نارين(حضنت باسل): عدووو وخلوني بروحي اهههه ليش مزلت حيه انا بس ليش حيه ياربي خوذي مش مش مش حـ نقدر ؏ هلـ المصيبه
باسل (مسك وجهها بيديه الاثنين): اذكري ربي بس اذكريه
نارين (تبكي): ياااااااارب صبرك
باسل (حضنها): معش تقولي ليش لاكن ابكي💔
نارين(حضناته وتبكي بالعبرة وساكته)
باسل (ضغط ع حضنه): ابكي ابكي عادي
نارين(كانت محتاجه للحضن هذا): يااااااااارب صبرني ياربي (بعدت منه)
باسل(مسك يدها): توه تعالي معايا اركبي تريحي في السيارة
نارين: بـ بنشوفهم وهما يندفنو💔
باسل: مش حـ تقدري صدقيتي
نارين (مشت معاه لانها عارفه انها صاح مش حـ تقدر)
(باسل ماسك يدها ووصلها للسيارة وسكر الباب وقرر ان يرن ع النقيب ويستاذن منه انها تعيش معاه)

•••••••••••••••••••• رۆآيَآتٌ لُيَبْيَہ لُلُگآتٌبْہ♥ وٌيَسِيَ آلُعۆآميَ♥ بًنِوٌتٌهّ آلَسِبًعٌ🔥♥ ••••••••••••••••••••