حين فقدت الأمل ظهرت أنت !

الحلقه الخامسه عشࢪ

اسم الࢪوايه : حَيـِᘓɹ̇، فـَقـدتُ، الأمَـل، ظَهـࢪتَ، أنتَ،❤️‍🩹 𓏲  .
للكاتبـه : وٱسۜيۧ ❤ 𓏲 .
الحَلقـه: الـخامـ(15)ـسـه عشࢪ.

رۆآيَآتٌ لُيَبْيَہ لُلُگآتٌبْہ♥ وٌيَسِيَ آلُعۆآميَ♥.
•••••••••••••••••••••••

(باسل كلم اكرم قاله ينادي امه ويركب)
فاطمه (قعمزت ع السرير جنبه)
اكرم(واقف عند الباب)
باسل(بدون اي مقدمات قالها وبعدها حـ يشرحلهم)
فاطمه: تكلم يا وليدي شغلتني
اكرم: في حاجه؟
باسل: بكرا بنقرا فاتحه ع نارين
فاطمه: 😱😱
اكرم: 😨

ويسي: عارفتكم دايخين خلونا نردو بالاحداث اشويا

نفس اليوم في الصبح بعد ما باسل طلع من النقيب ومشوو المكتب تكلموو باسل وامين

امين: باسل انا عندي حل وتقريبا انا انشوف فيه الوحيد في الوقت هذا بذات
باسل: فيدني ياريت انا مذ قادر حتى نفكر من ذهاب الشيره
امين: شوف انت حاليا تقدر اطمن ان النقيب ما يبلغش بس لاقدر الله الموضوع هذا وصل لاي حد حـ تشوه صورتك قدامهم بنت عايشه معاك في نفس الحوش مهما حاولت اتنظف تفكيرهم مستحيل تقدر الناس ماترحم حد فمابالك بـ باسل امر كاتيبه(###)  ولو يبي يكون نقيب في يوم يقدر والكل يتمنى يوصل لمكانك والكل يتنمى غلط منك عشان ياخذ مكانك او حتى يشوه سمعتك و صورتك بس
باسل: امين بس انا مغلطتش وربي حتي لما نشوفها انخاف في ربي
امين: عارفك وربي عارفك بس انت عارف الناس باسل ما نضحكوش بعضنا انت مكبد في البنت وتبيها صح؟
باسل: باهي والحل؟
امين: اقرى عليها فاتحه في اقرب وقت بحيث حتى لو الوسخ (اكرم القارئ) حتي ولو الوسخ غدر بيك ودز اي حد ياخذها او حتى يرفع قضيه تقلب الطاوله عليه ويكون بلاغه كاذب ويتحول لتحقيق بس عشان عقد زواج يطيح روسهم ومعش يقدرو يتنفسو
باسل: امين شن بنقولك بس البنت اول حاجه اصغيره ثاني حاجه مانبيش بالطريقه هذي انا نبيها برضها
امين: ومن قالك ان مش برضها تي وربي العزاء اللي داراته في غيبوبتك مايفرقش ع وضعها في موتت هلها نحكي جد بذات اول اسبوع كان وضعك تعبان وهيا وامك ميتات باسل هذا الحل الوحيد اللي نشوف فيه
باسل: ان شاء الله خير خليني نفكر في الموضوع توه راسي مصدع مش قادر
امين: انشيلك للمستشفى؟
باسل: لالا وصلني للحوش بس تو نرقد نقعد كويس
امين: تم هي

•••••••••••••••••••• رۆآيَآتٌ لُيَبْيَہ لُلُگآتٌبْہ♥ وٌيَسِيَ آلُعۆآميَ♥ بًنِوٌتٌهّ آلَسِبًعٌ🔥♥ ••••••••••••••••••••

باسل: (حكالهم قصة النقيب كامله)
باسل: ــــــــــــــــــــــــــــــــــ وهذا اللي صار مطر نقرا فاتحه عشان اي حد يفتح فمه نكسره له لما تكون حلالي محد يقدر يتنفس وفي نفس الوقت ومن لاخير البنت عاجبتني وناويها بالحلال بس كنت نبيها تاخذ شهاده الثانوي ع الاقل بس معش نقدر نصبر خايف في اي لحضه نلقى روحي في الحبس مش خوف من الحبس وربي بس خايف لو انحبست ياخذوها وانا اللي حـ نضيع وقتها
اكرم (فرح لـ باسل): صحه ليك وهذا الصح اقرى فاتحه واكسر خشومهم واولا محد يقدر يحبسك هذي مستحيل
باسل(هز براسه بمعني عارف)
اكرم: ثاني حاجه وربي ما يشموها وانا قاعد حتي ولو انت مش قاعد لاقدر الله نارين اختي اللي ماجبتها امي ومن بكرا ان شاءلله مرات خويا والف مبروك يا عريس (غمزله)
باسل(ابتسم): عارفك مش غابي فيك ماتباركش قبل مانسمو راس الغاليه
اكرم: اتحبها اكثر منك موافقه بالرسمي
باسل(تحشم وفنص فيه)
اكرم(ضحك وسكت)
فاطمه(كانت مشاعرها متضاربه حرفياً فرحانه لـ نارين وباسل وهيا اساساً كانت اتمنى اتشوف باسل عريس في نفس الوقت تمتن ان يكون افخم عرس خافت ع فقده نارين لان بحد ونستها نارين باسل يكمل يومه في الشغل ويروح 8 واكرم من الجامعه للـ الكافي والعكس يروح 6 الصبح كله بروحها وهيا كانت متمنيه يكون عندها بنيه جت نارين وملت يومها صح مرات نارين تقعد تبكي لان حنان فاطمه كيف امها بس تعودت عليها وخافت ولد خالتها يجي ياخذها بس اطمنت من كلام باسل وسرحت ـــــــــــــــــــ قاطع تفكيرها صوت باسل اللي كان ينادي فيها اكثر من مره واخيرا انتبهتله)
باسل(مسك يد امه): شن رايك يا غاليه
باسل(طبعا كذاب😂😜): لو مش موافقه نلغى كل حاجه رضاك عندي اهم من دنيتي كلها
فاطمه(ابتسمت والدمعه في عينها): شن بنقول يا وليدي اكيد موافقه مش حـ نلقى خير من بنتي نارين بس تعتبر صغيره عليك
باسل (بصوت رجولي): شن اتشوفي فيا شايب يمي اللي بيناتنا كلهن 11سنه
اكرم(اتاوب نعسان): اه كانك اتقول 4 سنين المهم العمر مش شرط تصبحو ع خير قعدت انشوف فيكم امخاد
باسل(ضحك): قدامك كل خير  ، كملي يا غاليه
فاطمه (ابتسمت): موافقه ياغالي ربي يهنيكم و انفرح بعويلتكم ان شاءلله و العقبه للهبل (ضحكت تقصد اكرم)
باسل(يضحك): لالا الهبل هذا مش مزوجه لعند يعقل
فاطمه (بابتسامه): العروسه عندها علم؟
باسل(تحشم ونزلت راسه): لا والله اشويا ونمشي انقولولها
فاطمه: وليدي شن تحس مش طلعتو انبدري كنك ما قتلها
باسل (كذاب 🤥):  قلت ناخذ رايك قبل مانقدر اندير شيء بدون موافقتك