اسم الࢪوايه : حَيـِᘓɹ̇، فـَقـدتُ، الأمَـل، ظَهـࢪتَ، أنتَ،❤️🩹 𓏲 .
للكاتبـه : وٱسۜيۧ ❤ 𓏲 .
الحَلقـه: الـࢪابـ(14)ـعـه عشࢪ.
رۆآيَآتٌ لُيَبْيَہ لُلُگآتٌبْہ♥ وٌيَسِيَ آلُعۆآميَ♥.
•••••••••••••••••••••••
باسل(ابتسم و باس يدها وهوا مغمض عيونه)
نارين(حطت يدها ع راسه وشعره): مش قادر تحكي صح؟
باسل(ضغك ع يده اللي ماسكها وتحكم بصعوبه)
باسل: ما تشغليش روحك كويس
نارين(خايفه عليه بس كانت حاسه بامان مش طبيعي وهوا في حضنها كانها ملكت الدنيا ومافيها كانها اميره فعلاً خلاص حست بالامان والحنان اللي فقدتهن حست بالسند اللي مهما يصيرلها تلجأله اول شخص حست بالظهر اللي مستحيل يميل ومستحيل يسيبها او يرخى بيها في يوم)
(شالوه المستشفى و دخله امين للاسعاف طوول)
(اكرم رن ع فاطمه وحكتله وطول طلع من الجامعه وجاء للمستشفى)
بعد نص ساعه
الدكتور: الحمدالله درناله صورة ع الراس الصورة سليمه بس ضروري يتجنب الاعصاب و الدخان و التفكير الزايد و ياخذ راحه انتبهو لـ صحته الفتره هذي بذات لان كنا خايفين يكون في نزيف بس الحمدلله الوضع طبيعي و الصورة سليمه توه عطيته مسكن عشان يخفف الالم وان شاءلله لاباس عليه
امين: ما تشوف باس
اكرم: بارك الله فيك
الدكتور: فيكم بارك الله
فاطمه: نقدرو انشوفوه؟
الدكتور: اكيد بس الاحسن بالواحد عشان ما يتعبش
اكرم: معليش بس دخول ولا عادي يطلع؟
الدكتور: لالا عادي خروج بس بعد يكمل المسكن ياريت تنتبهو لـ صحته ويقوي الالم جيبوه
اكرم: حاضر تمام
امين: بارك الله فيك
الدكتور: فيكم بارك الله واجبي
•••••••••••••••••••• رۆآيَآتٌ لُيَبْيَہ لُلُگآتٌبْہ♥ وٌيَسِيَ آلُعۆآميَ♥ بًنِوٌتٌهّ آلَسِبًعٌ🔥♥ ••••••••••••••••••••
(خشت فاطمه ع باسل كان راقد وتعبان من الالم بس هما بعد عطوه المسكن خف عليه الالم)
فاطمه (قعمزت جنبه وتبكي):كنك يا غزالي شن جاك عين في يوم وليله درت حادث وصحتك ادهورت انت في شن أتخمم شن شاغل بالك حبيبي ربي يشفيك لنا
(خش اكرم عليها)
اكرم(شاف باسل لقاه راقد)
اكرم: تعالي يمي بيشوفه امين و نارين
فاطمه (مسحت دموعها): كنه معش وعي من بدري راقد💔😭
اكرم(تنهد): طبيعي يا غاليه خذاء مسكن قوي طبيعي يطول راقد و الدكتور قال شكله من اول ما طلع من المستشفى والالم قوي وهوا الله يهديه ما قالش
فاطمه: هوا هكِ مش متعود يشكي ديما نحنا اللي نشكوله 💔😭حبيبي كبر قبل عمره لا عاش مراهقه زي جيله ولا عاش شباب و دهوره زي اصحابه كان ماسك حوش وماسك مسؤليه كله عشانا😭😭😭🔥💔💔حبيبي ربي يشفيه ليا
نارين(متكيه ع الباب وتسمع في فاطمه وتبكي)
اكرم(تنهد و الدمعه في عينه): ربي يرزقه ع قيس نيته الطيبه ربي حـ يعوضه خير اكيد
اكرم( قرب مسح دموع امه): هيا يا غاليه
(اكرم ساعد امه تبصى)
اكرم(شاف نارين تبكي): خلاص ياهوا را راقد بس ما تفاولوش عليه
(اكرم طلع امه وجاء لـ نارين اللي تبكي)
اكرم(وقف و يشوف فيها): خلاص نارين فكينا عاد انهدي في امي وتجي انتي
نارين: هوا تعبان مني💔
اكرم: وانتي شن دخلك مش شورك في مرضته
نارين(تبكي و منهاره و اتشوف في باسل)
نارين: هوا لو ما جاش اصلا لـ درنه و خذاني ورد لـ بنغازي عشاني را ما دارش حادث انا جيت دمرت حياته
اكرم (تنهد): لاحول ولاقوة الا بالله العلي العظيم توه معقوله الكلام هذا انتي مؤمنه بقضاء الله وقدره هذا اللي كاتبه ربي و المكتوب بيصير لو ماصارش السيل ولا عرفك كان حـ يدير الحادث في نفس اللحظه اللي صارت هذا نصيبه و الحمدلله
نارين (مزالت تبكي)
اكرم(تنهد): انا طالع خوذي راحتك
نارين(هزت راسها ومسحت دموعها)
أنت تقرأ
حين فقدت الأمل ظهرت أنت !
Actionروايتي الجديدة تحكي ؏ بنوته وحيده و دلوعه والديها عايشه احلي حياة مع اجمل قصة حب تشوفها وهيا حب باتها لـ امها وفي يوم وليله تلقى روحها في الشاࢪع بࢪوحها والديها توفو وتشوف فيهم جنبها وهيا معاهم في نفس المكان كان الموت اهون لها من اللحظات هذي💔 بس لحظ...
