سأظل احبك رغم فعلتك السابقه لي

37

منار: أف اخيرا نزل مثقل علينا
خالد: وراك مشخصنتها معه!
منار: أنا مشخصنتها مع اخوه بعد
خالد: على العموم انتبهي من عناد إذا قال لك كلمة لا تردين عليه بعشر .
منار: لا والله تبيه يتحكم فيني يمين ويسار!
خالد: إذا كلمكِ قولي لي أنا أتفاهم معه
منار بدون نفس: ان شاء الله
خالد بمزح: الا ما فكرتي بالموضوع
منار: اي موضوع؟!!
خالد: الكلام الي قاله طلال
منار تحاول تتذكر: وش قال؟!
خالد: سالفة الزواج
منار: تخسي
خالد: افا ليه!
منار: انت و طلال آخر ناس أفكر فيهم
خالد: أنا فكيتك من عناد هذي جزاتي!!
منار: تبيني اقبل فيك من اول مرة يعني؟!
خالد: اها ، جزاة المعروف عشرة كفوف
منار: أنا بنام إذا وصلنا صحيني
خالد: يصير خير

~

في مكان ثاني اول مرة نروح له:

خليل: شباب شرايكم بكرة كشتة
حسين: قدام
علي: لا يا شباب خلوها الخميس احسن
سطام: ايه نغيب الخميس و منها يكون ويكند
وسام: آقول شفتو رنا ذيك المزة
خليل: هي مزة بس أخلاقها اعوذ بالله منها البنت مافيها قبول
حسين: إيه والله البنت ذي غريبه مدري على وش شايفة نفسها
علي بضيق: فكونا من سيرتها
سطام: أقول وش ناويين تتغدون
حسين: خلنا اول شي نفطر بعدين نفكر وش نتغدى
سطام: براحتكم كنت بقول لكم غداكم علي
وسام لف يده على رقبة سطام
:غديني أنا
علي: خلاص نتغدى شاورما
خليل: لا مشويات
حسين: أنا أقول بخاري
وسام: سمك يا شباب
سطام: يا ليل بدينا هواش الزوجات الأربعة ، بما إني بغديكم على حسابي أنا بختار ، غداكم بيتزا
الشباب: تم
خليل: وش كنا رح نسوي بدونك يا ولد النعمة
سطام: إيه ماخذيني مصلحة
حسين: احلى مصلحة
علي: اقول يلا امشو

~

وقف قدام بيتها و ناظرها بملل: منار قومي وصلنا
منار بكسل: سوي لي معروف و دخلني البيت
خالد: آقول توكلي ولا برجعك المدرسة
منار بتذمر: اففف وجع
نزلت من السيارة وهي تحس بخمول ما فيها حيل تتحرك ، وقفت قدام باب بيتها والتفتت: مو ناوي تذلف
خالد: انتظرك تدخلين
منار: توكل لا عاد أشوفك هنا
خالد: أنا الغبي الي وصلتك ولا كان خليتك عند عناد
منار بقهر: تراك ذليتني بعناد ذا
التفتت و طقت الباب

*

فتح حمد الباب بستغراب
: وش جايبك الحين
منار بزعل: تبي الفكة اجل الحين برجع للمدرسة
ناظر قدامه لقى خالد داخل سيارته
: ادخلي
راح عند خالد و وقف عند سيارته
: ارحب
خالد: البقى
حمد: انزل تقهوى داخل
خالد: قهوى مع الصبح؟!
حمد: ايه عادي
خالد: لا بالعافية
حمد: إلا قول لي ليه مرجع منار
خالد: هي تبي ترجع
حمد: زين سويت خير و ريحتني
خالد: ولو منار اختي الصغيرة
حمد بإستغلال: طيب شرايك تكمل جميلك و تسحب ملفات محمد و منار من المدرسة
خالد بستغراب: ليه عسى ماشر!!
حمد: مافي إلا كل خير بس شغلي صار في مدينة ثانية و ما اقدر اخلي زوجتي و عيالي لوحدهم
خالد: ان شاء الله
حمد: جزاك الله خير
خالد: تأمر بشي ثاني
حمد: لا مشكور
خالد: يلا بحرك
حمد: في أمان الله
دخل البيت وهو مرتاح خالد هون عليه كثير ، دخل على صوت منار
حمد: خير عسى ما شر
منار: بابا أنا جوعانة و ماما تقول انتظري الظهر نتغدى
حمد سحب أذنها ينسيها الموضوع
: ليه ما تتصلين علي أجيك آخذكِ من المدرسة
منار بألم: يبه من وين اتصل ما عندي رصيد
حمد: و كم مرة أقول لك اشحني رصيد للطوارئ
منار: طيب آخر مرة
فك أذنها و جلس على الكنب
: يلا روحي غيري ملابسك و نامي الين الظهر عشان تصلين و تتغدين
منار بتذمر: طيب
جوري: ذي البنت جننتني
حمد: شفيك على بنتي خليها تتدلل
جوري بعصبية: ايه انت دلع و أنا الي اتعب
حمد: بنتي البكر أكيد بدلعها
جوري؛ اروح انام ابرك لي
حمد: خلاص تعالي ما بدلعها

~

داخل بيت أبو عناد:

دخل طلال وهو يغني شاف أمه و أبوه وسلم عليهم
طلال: السلام عليكم
أبو عناد: هلا يا وليدي
قرب من أبوه باس يده و رأسه
طلال: عساك بخير يبه
أبو عناد: لا والله مو بخير اخوك سود وجيهنا في مركز الشرطة!
استغرب طلال توه يدري أنهم راحو لمركز الشرطة
طلال: ليه عسى ما شر؟!!
أبو عناد بحسرة: اخوك يهدد بنات الناس بصورهم نزل راسي
طلال: يبه عناد عارفه من زمان ما يطيق البنات ف ما استبعد حركاته!!
ام عناد: دخلت البيت و ماسلمت علي ولا كأني موجودة
وقف طلال بدون نفس وسلم عليها كواجب عليه
طلال: كيفك يمه
أم عناد: بخير الحمدلله
وقف طلال: يلا استأذنكم بروح انام
أم عناد: وين اخوك؟!!
طلال ناظر أمه بضيق عمرها ما سألت عنه بس عناد كل شي عندها عناد ماتشوف غيره
طلال: في المدرسة
أبو عناد: و انت وراك جيت بدري!
طلال: يبه حنا عندنا بس أربعة حصص عشان كذا جيت بدري
أم عناد: أربعة حصص؟؟ هذا نظام جديد اول مرة اسمع فيه!
طلال: لا هذا نظام قديم أربعة حصص بس ل ثالث ثانوي عشان نظام الدراسة مقررات
أبو عناد: روح يبه ارتاح
طلال: سم
صعد لغرفته بطفش ، قعد على سريره و شغل جواله لقى 10 اتصالات لم يرد عليها من ( مازن ) ولد عمه
ضغط على رقمه يدق عليه ، انتظر ثوانِ و سمع صوته معصب
مازن بعصبيه: وراك ما ترد يالسلوقي؟!
طلال: هات الزبدة وش تبي
مازن: قول لأبوك أنا و اهلي و أعمامي جايين لكم
طلال: ما شاء الله جيش كتيبة جاي كله!
مازن: إيه جايين نضيق عليكم عيشتكم
طلال: الحين عشرة اتصالات عشان هذا الخبر السيئ!!
مازن: والله أبوي لزم علي أقول لكم
طلال: و أبوك ما عنده جوال يدق!
مازن: أبوي ما يحب التطور
طلال: اعوذ بالله
مازن: آقول لا يكثر بس
طلال: توكل
قفل الخط على وجهه
خرج من غرفته و توجه للطابق الأرضي
طلال: يبه أعمامي جايين عندنا
أبو عناد بفرحة: حياهم البيت بيتهم
أم عناد بنرفزة: لا والله وين بنحطهم وين رح ينامون
طلال: البيت كبير و واسع و غرف اخواني فاضيه ، من بعد زواجهم معاد يجون هنا إلا بالقطارة خلاص يأخذون غرفهم
أم عناد: غرف عيالي محد ياخذها
أبو عناد بعصبية: لو انها وحدة من خواتك كان عطيتها الغرفة
طلال: يلا يبه عاد أنا عطيتك خبر و انتم اتصرفو
أبو عناد: ما قصرت يا يبه
طلال: عن اذنكم
أبو عناد: أذنك معك

(انتهى🤎)