" WonWoo-sshi ... "
ကျတော့်၏အသံမှာ သေချာပေါက် တုန်ယင်နေပေလိမ့်မည်။ လူကောင်ကြီးမားသော ယောကျာ်းသားတစ်ယောက်အနေဖြင့်ပင် တုန်လှုပ်စရာကောင်းသော ထိုမြင်ကွင်းမှာ ကျတော့်အား ပြောစရာစကားများ အစပျောက်နေစေသည်။ ကျတော့်ရှေ့တွင်ရပ်နေသည့် WonWoo မှာ WonWoo မဟုတ်ပဲ တစ်ခြားတစ်ယောက်ဖြစ်သွားသည့်နှယ်။ နွေးထွေးမှုတို့ မြူမှုန်ခန့်ပင် မရှိနေသည့် ထိုမျက်၀န်း၊ သနားညှာတာမှု ကင်းမဲ့နေသည့် စကားသံတို့ဖြင့် ပြုစားနေသည့် နတ်ဆိုးတစ်ကောင်အလား၊ သူ့မျက်နှာတွင်မြင်နေရသော ခံစားချက်အစုံတို့မှာလည်း ရောယှက်ရှုပ်ထွေးစွာ ...
" WonWoo-sshi ! "
ရုတ်တရက် ပြိုလဲကျသွားသော WonWoo ၏ ခန္တာကိုယ်အား ကျတော်ပြေးကာ ဖမ်းဆုပ်ထားလိုက်မိသည်။ လေးလံတောင့်တင်းသော WonWoo ၏ ပကတိကိုယ်လုံးလေးသည် ကျတော့်ရင်ထဲတွင် အံ၀င်ခွင်ကျပင် မှီလျက်သားဖြစ်သွား၏။ ပိတ်ကားချထားသော သူ၏မျက်၀န်းများမှလည်း မျက်ရည်စက်များက စီးကျကာ စိုစွက်နေလျက် ...
" တကယ်ပဲ ဘယ်လိုအဖြစ်တွေ ကြုံတွေ့နေရတာလဲကွာ .. "
သတိစိတ်မဲ့နေသော WonWoo ၏ ခန္တာကိုယ်လေးအား ထွေးပွေ့ထားရင်း ကျတော်ညည်းတွားလိုက်မိသည်။ ရင်ထဲတွင်တော့ ကျတော်ကိုယ်တိုင်တောင် အမည်မဖော်တတ်တော့သည့် ခံစားချက်များက လှိုက်တက်လာရင်းဖြင့် ...
•••
" အဆင်ပြေရဲ့လား ? "
ဆတ်ခနဲကောက်ထလိုက်သည့် သူ့ကိုကြည့်ရင်း ကျတော်စိတ်ပူသွားမိသည်။ သတိလစ်နေခဲ့သည့်တစ်လျှောက် အိပ်မက်ဆိုးများ မက်နေခဲ့များလား .. သူ၏ စံအိမ်တွင် ကပ်နေရသည့် ဧည့်သည့်သည်တစ်ယောက်ဖြစ်လင့်ကစား၊ ကျတော်လုပ်ပေးနိုင်သည်မှာ ဘာမှမရှိသည်ကို သိလင့်ကစား .. ထိုလူသားအား ကာကွယ်ပေးချင်သည့်စိတ်က ကျတော့်အား ရူးစေ၏။
" ဘယ်ကနေ ဘယ်လို .. "
" WonWoo-sshi ခံစားနေရသမျှကို ကျတော့်ကို အခု အားလုံးပြောပြပေးလို့ရမလားဟင် "
ကျတော် သူ၏ လက်ဖဝါးလှလှလေးအား အလောတကြီးဆုပ်ကိုင်ရင်း ပြောလိုက်မိသည်။
YOU ARE READING
Die Dimensionen
Fanfiction" ငါ့အတွက် မင်းလုပ်ပေးနိုင်တာက သေဆုံးခြင်းဆိုရင်ရော .. မင်းအဆင်ပြေရဲ့လား ? " Title : Die Dimensionen Tags : Seventeen, Fan Fiction, Romance, Mystery Starring : MinGyu x WonWoo Writer : @miawoo_
