بارت الاول
بقلمي: الكاتبة رَيريَ
واذا تطلب عِيوني وداعتك هاك
عِمت عين العِيون الما تشوفك .
____________________________________
البصره/المدينة
سنة: ٢٠١٨
_طلعت من البيت واني احك براسي من وره ضربه امي توجع حيل هاي لأن ماقبلت اطلع اشتري؟
والله يالله
تمشيت شويه واني ادندن واضحك باوعت ع اليمين
شفت المدرسه والبنات توهن يطلعن منها
الله شكد جنت احب ادخل الها مرتين دخلت الها وطردوني مادري ليش
دخلت ل ابو محمد محل كلش جبيررر ويجننن اموت عليه
_هلاوو عموو شلونككك؟ فدوه صاير تموت
ادورلك مره؟
ابو محمد بضحكه: ولج استري عليه لاتسمعج ام محمد وتبسطچ بسطه معدله؟ شلونچ بويه حور؟
امچ شلون صارت؟
حور: والله ياعمو امي كلش ماتكدر حت صارت
اكل ماتاكل وتبقى تبجي تكول مادري اتحرك
ابو محمد: الله ياساعدكم يابويه حور كولي شتردين
المحل كله الچ يابويه
حور: عمو ابو محمد انتَ والله احسن من ابنك محمد مايخليني اتشري براحتيي كلساع يكلي عوفي هذا وعوفي هذا وبل اخير ينطيني جبس يلعب الروح انطي ل الفروخ الي بل شارع
ابو محمد: افا هذا شاربي مو عليه اذا مابسطته
ابتسمت بوجهه شكد احبه حباب ويانه كل اسبوع يجيب النه مسواك وحلويات واشكال
اخذت بيض بالف وشتريت نستله واجباس ل اخواتي واندومي الي
حاسبت عليهن وطلعت فرحانه كسرت الاندومي احبه كرط امشي وواكل سمعت صوت وراي التفت
_يبنيه وين صايرين ال ابو كاضم؟
حور: شوف تمشي طول وانوب تلكه شارع يجي بل طول تمشي شويه تلكه بيت جبيرر وبي حديقه من كدام جبير هوه هذا واذا تريد توصل بسرعه طب ل هذا الشارع بسرعه توصل
_خوش خوش يلا روحي ل اهلچ
حور: عفته ومشيت واني اكرط اندومي وصلت لل بيت وسمعت صوت ليان وهيه تصيح اكيد تتعارك ويه صاحبتها طبيت لكيتها بل ساحه كاعده هيه ومروه دخلت بسرعه ذبيت الاغراض بل مطبخ وركضت لل ساحه كعدت يمهن بل حشيش احب اكعد عليه بس ياكلني الدود
مروه: شلونچ حور؟
حور: زينه الحمدلله وانتِ شلونچ؟
ليان: اهوو حور شتردين من عدنه خليني نسولف براحتنه اجيتي كبل حشرتي روحچ؟
حور: كمت من يمهن مهضومه دوم ليان هيج وياي ولا عبالك اختها الصغيره ولازم تحبني دوم تكرهني
دخلت لكيت شادن تخيط وامي كاعده ع جُربايه كدام المبرده كعدت يم امي واباوع ل مسلسل هندي وياها تمنيت اصير وياهم وامثل
